ЯҢАЛЫКЛАР

Юлбат авыл җирлегенә караган торак пунктларда халыктан җыйналган үзара салым хисабына авыл юлларын ремонтлау эшләре башланды. Җаваплылыгы чикләнгән “Рамазан” җәмгыяте Тенеки авылында 88 м. юл ремонтлады.  

Халыкара шоколад көне - ел саен 11 июль көнне билгеләп үтелә. Шушы уңайдан Юлбат авыл китапханәсе “Шоколад көне ” дип исемләнгән уенлы программа үткәрделәр. Чараның максаты – шоколадның файдалы үзлекләре, аның килеп чыгу тарихы, шоколад турында кызыклы фактлар белән таныштыру, кызыклы уеннар һәм биремнәр аша балалар шагыйрьләренең иҗатына кызыксыну уяту. Уен барышында   блиц – викторина, шоколадлы викторина, «Шоко - пазл» төзү,  “ ШОКОЛАД сүзе хәрефләреннән иң соңгы булып сүз төзү» уены,  “тәмле” табышмаклар чишү һ.б. уеннар балалар тарафыннан җылы кабул ителде, кызыксынып уйналды. Шоколадлы уеннан соң һәрбер бала шоколадка ия булды.

Юлбат авыл җирлегенә караган торак пунктларда халыктан җыйналган үзара салым хисабына авыл юлларын ремонтлау эшләре башланды. Җаваплылыгы чикләнгән “Рамазан” җәмгыяте Йосыф-Алан авылында 84 м. юл ремонтлады.  

Юлбат авыл җирлеге территориясендә җәмәгать территорияләренең һәм урамнарының тиешле санитар һәм эстетик торышын саклау өчен үлән чабу эшләре дәвам ителә.⠀

3 июльдә Юлбат мәдәният йорты һәм китапханә мөдирләре юл хәрәкәте турында кызыклы танып белү сәгате үткәрделәр.

2 июльдә Юлбат мәдәният йорты һәм балалар өчен авыл китапханәсе мөдирләре ачык һавада әңгәмә-диалог формасында китапларга күзәтү оештырдылар.

Юлбат мәдәният йорты һәм китапханә хезмәткәрләре авылдаш волонтерларны җәлеп итеп «Сез гел истә, хәтердә...» дип исемләнгән чара үткәрделәр. Чара кысаларында Ватанны саклаган авылдашларның батырлыкларын искә алдылар.

 20 июньдә Юлбат мәдәният йорты һәм китапханә хезмәткәрләре тарафыннан "Балалар журналлары битләре буенча мавыктыргыч сәяхәт" темасына библиографик дәрес үткәрелде. Балалар "Ежик", "Саша һәм Маша", "Салават күпере", "Непоседа", "Читаем по слогам" кебек журналлар белән таныштылар.

Юлбат хуҗалыгында терлек азыгы әзерләү тулы көченә бара. Берьеллык үләннәрдән сенаж салалар.

 Юлбат авылында спорт мәйданчыгы төзелешен 159 нчы ПМК ҖЧҖ алып бара.