ЯҢАЛЫКЛАР

        Бүгенге җәмгыятьне сәламәтләндерү зарурлыгы хәзер беркемгә дә сер түгел инде. Сәламәт яшәү рәвешен куәтләү һәм аңа иярү - заман таләбе ул. 5 сентябрь көнне Юлбат мәдәният йорты һәм авыл китапханәсе хезмәткәрләре  мәгълүмат сәгате кысаларында “Саулык-зур байлык”  дип исемләнгән  тематик күргәзмә оештырды. Чараның максаты: саулыкның матур гомер итү өчен мөһим шарт икәнлеген аңлату, үз сәламәтлегең  турында кайгыртучанлык һәм чисталыкка омтылыш тәрбияләү, балаларның иҗади активлыгын, сөйләм телен үстерү.

28 август көнне Юлбат мәдәният йорты, авыл китапханәсе хезмәткәрләре балалар белән Юлбат хуҗалыгы амбарына "Икмәк һәр нәрсәгә баш" дип исемләнгән экскурсия оештырдылар. Әңгәмә барышында, безнең өстәлебезгә икмәк килгәнче,  никадәр хезмәт башкарылуы аңлатылды.

8 август көнне Юлбат мәдәният йорты һәм китапханә хезмәткәрләре саф һавада "Физкульт-УРА" темасы астында спорт уеннары программасы үткәрделәр. Уен барышында балаларны спорт туризмы, олимпия уеннары һәм аларның төрле юнәлешләре барлыкка килү тарихы белән таныштыру үткәрелде. Күп төрле  күңелле уен- ярышлар балаларның күңелләренә хуш килде, алар рәхәтләнеп йөгерделәр, сикерделәр. Чара ахырында “Балаларга бергә укыйбыз” акциясенә кушылдык.

11 июль көнне Юлбат мәдәният йорты хезмәткәрләре, китапханәче " Ямьле Саба" проекты кысаларында, "Челтер-челтер-чишмәбез" дип исемләнгән экологик маршрут уздырдылар. Маршрут, балаларны табигатебезнең байлыгы-авылыбыз чишмәләренең тарихы белән таныштырып, табигатькә, әйләнә-тирәгә сакчыл караш һәм мәхәббәт тәрбияләү максатыннан оештырылды. Һәр чишмәнең үз тарихы, үз агымы, үз моңы, үз юлы бар. Балалар, чишмә буенда, авылыбыз тирә-юнендә үскән дару үләннәре турында да мәгълүмат алып, китаплар укып, табышмакларга җаваплар табып, уйнап, рәхәтләнеп ял иттеләр. Чиста, саф, тәмле салкын чишмә суын эчеп сыйландылар.

Юлбат мәдәният йорты һәм авыл китапханәсенең 5 июль көне планы нигезендә “Экологик куркынычсызлык” темасы буенча экологик сәгать үткәрелде. Экологик сәгатьнең максаты әйләнә-тирә дөнья һәм иминлек турындагы белемнәрен тирәнәйтү, гомумиләштерү. Танып-белү активлыгын, фикерләүне, күзәтүчәнлекне үстерү. Экологик тәрбия бирү, коллективта дуслык, бер-береңә ярдәмчеллек, кызыксынучанлык тәрбияләү. Чара барышында “Экологик грамоталылык” рубрикасы, “Табигатьне саклагыз”  темасына викторина, экологик  мәсьәлә буенча фикер алышу, “Җир – безнең уртак йортыбыз ” – стена гәҗите, “Балаларга табигать турында” – китаплар күргәзмәсе оештырылды.

Хәтер һәм кайгы көнендә Юлбат авыл мәдәният йорты, китапханә, Юлбат төп гомуми белем бирү мәктәбе, Тенеки авыл клубы, Юлбат авыл җирлеге хезмәткәрләре «Хәтер шәме» Бөтенроссия акциясенә кушылдылар. Бөек Ватан сугышында һәлак булганнарны шәм яндырып бер минут тынлык белән искә алдылар.

12 июньдә иң яшь һәм тантаналы милли бәйрәмнәрнең берсе – Россия көнен билгеләп үтәбез. Халык аны милли бердәмлек, теләктәшлек һәм тынычлык көне буларак бәйрәм итә. Шушы уңайдан, үсеп килүче буында ватанпәрвәрлек һәм гражданлык формалаштыру, РФнең дәүләт символларын - гербын, әләмен, гимнын популярлаштыру, дәүләтебез тарихы турындагы белемнәрне арттыру максатыннан, Юлбат мәдәният йорты, китапханә, Юлбат төп мәктәбе белән берлектә, “Россия тәрәзәләре“ #ОкнаРоссии акциясенә кушылды.

11 июнь көнне, ай планы нигезендә, Юлбат мәдәният йорты, китапханә, төп мәктәп хезмәткәрләре  белән берлектә Россия көненә багышланган «Мин Россиядә яшим!» дип исемләнгән уен-сәяхәт  үткәрелде.  Бу чараның максаты – балаларда туган илгә мәхәббәт тәрбияләү, илебезнең чын патриотлары булып үсәргә өндәү, дуслыкны ныгыту иде. Уен тукталышларда биремнәр үтәү формасында үтте. Балалар  сорауларга бик теләп җавап бирделәр, Россиябезнең төп символларын барладылар. Гербның сурәтенә,  флагның төсенә аңлатма бирделәр, гимнны җырладылар.  Матур чара саф һавада кызыклы сорауларга җавап бирү һәм биремнәр үтәү белән бергә үрелеп барды. Чара ахырында балаларга тәмле призлар да бирелде.

Юлбат авылында  малларны көтү өчен электрлы җайланма урнаштырылды.

Юлбат авыл җирлегендә 2 аренда йорты төзелеше төгәлләнде.