ЯҢАЛЫКЛАР

Татарстан Республикасы Президенты инициативасы белән үзизоляция вакытында “Ярдәм янәшә! Помощь рядом!” акциясенә старт бирелде, аның кысаларында гражданнарның аерым категорияләренә азык-төлек тартмаларын тарату оештырылды. Мондый тартмаларны Юлбат авыл җирлегеннән 9 гаилә алды.

Тенеки авылының М.Җәлил урамында юл ремонтланды. Эшне Балтач районының МДСУ1 оешмасы башкарды. Бралыгы 300 метр юл җәелде.

20 март көнне Юлбат мәдәният йорты базасында үткән «Җиңү кайтавазы мәңгелек....» конкурсының зона этабында 12 мәдәният йорты һәм авыл клубы катнашты. "Вокал" номинациясендә Гыйльметдинова Л.Ф, «Лачын» ансамбле, «Нәфис сүз» номинациясендә Хуҗин Р.А. чыгыш ясады. Чара Бөек Ватан сугышында Җиңүнең 75 еллыгына, ТАССР төзелүнең 100 еллыгына һәм Саба районының 90 еллыгына багышлана.

ТАССР төзелүнең 100 еллыгын бәйрәм итү алдыннан, 15 мартта, Казан шәһәрендә Н.Г.Җиһанов исемендәге «Татарстан мирасы» дигән l Халыкара татар мәдәнияте, музыка һәм сәнгать конкурсы узды. Бу конкурста Юлбат авыл мәдәният йортыннан "Хореография" номинациясендә "Шаян" дуэты катнашты.

2020  елның 8  мартында Юлбат авыл мәдәният йорты һәм китапханә коллективы, Юлбат төп гомуми белем бирү мәктәбе белән берлектә, Халыкара хатын - кызлар көненә багышланган "Яз гөлләре - хатын - кыз" дип исемләнгән зур бәйрәм концерты оештырдылар. Балалар, үзешчән сәнгатьтә катнашучылар башкаруында яраткан әниләр, әбиләр һәм барлык хатын-кызлар өчен музыкаль котлаулар яңгырады.

Саба районы авыл җирлекләрендә  яшь белгечләрне тораклы итү һәм авыл җиренә  квалификацияле белгечәр җәлеп итү максатыннан Республика күләмендә “Яшь белгечләргә аренда торагы” программасы кысаларында Юлбат авыл җирлегендә дә  йортлар төзелеше дәвам итә. Чираттагы йорт Юлбат авылында авыл хуҗалыгы белгечләре өчен төзелә. 

22 февраль көнне, Ватанны саклаучылар көне алдыннан, Юлбат авылы мәдәният йорты һәм китапханә коллективы, республиканың, районның төрле почмакларында яшәүче Юлбат авылыннан чыккан авылдашлар, Юлбат, Тенеки авылы үзешчәннәре белән берлектә, «Ил терәге - ир егетләр» дип исемләнгән әдәби-музыкаль кичә үткәрде. Чара ТАССРның 100 еллыгына һәм Саба районының 90 еллыгына багышланды.

16 февраль көнне Юлбат авыл мәдәният йортында, китапханә белән берлектә, Ватан тарихының героик һәм фаҗигале сәхифәләре белән таныштыру, хәрбиләрнең, Ватанны саклаучыларның батырлыкларына хөрмәт тәрбияләү, һәлак булган геройларның истәлеген мәңгеләштерү, Ватанны саклауга әзерлек формалаштыру максатыннан, «Әфганстан – мәңге төзәлмәс яра» дигән темага мәгълүмат сәгате үткәрелде һәм презентация материалы тәкъдим ителде. Әфган сугышы геройлары истәлегенә багышланган китап күргәзмәсе оештырылды. 1982 елда Әфганстанда һәлак булган якташыбыз, Тенеки авылында туып-үскән Илгизәр Харисов турында әңгәмә үткәрелде. Чара Бөек Ватан сугышында җиңүнең 75 еллыгына, ТАССРның 100 еллыгына, Саба районының 90 еллыгына багышлана.

4 февраль көнне Юлбат авыл җирлегендә гражданнар җыены булып узды. Җыелышта Саба муниципаль районы Башлыгы урынбасары Р.Р. Закирҗанов, хокук саклау органнары вәкилләре, оешма-предприятия җитәкчеләре һәм вәкилләре катнашты. 

2  февраль көнне Юлбат мәдәният йорты һәм китапханә хезмәткәрләре тарафыннан "Сталинград батырлыгын искә алыйк!" дип исемләнгән хәтер сәгате үткәрелде. Чара барышында төп сүз Сталинград  сугышында катнашкан якташларыбыз, Татарстан батырлары турында барды. Хәтер сәгате  ТАССР ның 100, Хәтер һам Дан еллары уңаеннан оештырылды.