ЯҢАЛЫКЛАР

Юлбат «Ромашка» балалар бакчасында әниләр көненә багышлап “Әнием–күз  нурым”  дип исемләнгән  бәйрәм иртәсе булып узды. Кадерле әниләребезне котлап  балалар “Кызыл алма” әкиятен  рольләргә бүленеп уйнадылар. Бик нәниләребез үзләренең әниләренә матур җырларын, шигырьләрен, биюләрен бүләк иттеләр. Йосыф-Алан балалар бакчасында да балалар әниләрен үзләренең матур җырлары, биюләре, шигырьләре белән сөендерделәр. Иң ахырдан балалар үз куллары белән  ясаган бүләкләрен әниләренә тапшырдылар.

23 ноябрь көнне, Тенеки авыл клубында, Юлбат мәдәният йорты коллективы белән берлектә, "Безгә гомер биргән Әнкәйләргә - исән чакта һәйкәл куярлык" дип исемләнгән концерт программасы узды. Бәйрәм җыр, бию, шигырь һәм уеннар белән үрелеп барды. Юлбат авыл җирлеге башлыгы Талип Рәшит улы барлык әниләрне бәйрәм белән котлады.

Беренче салкыннар башлану белән сулыклар юка боз белән каплана. 17 ноябрь көнне Тенеки авыл клубында балалар белән "Сулыкларда сак булыгыз!» дигән әңгәмә үткәрелде. Беренче боз нык тоела, ә чынлыкта ул юка. Шуны истә тотарга кирәк, көзге бозга саклык белән генә чыгарга мөмкин, бары тик башкаларга ярдәм итү өчен генә. 

6 ноябрь көнне Тенеки авыл клубында ,50 яшьләрен тутырган Язилә Камил кызы һәм Рәхилә Кәримулла кызы хөрмәтенә,"Үткән гомерем-агымсу"дип исемләнгән портрет-кичә үткәрелде. Аларны котларга туганнары һәм күршеләре генә түгел, сыйныфташлары һәм дуслары да килгән иде.

31 октябрь көнне, Юлбат мәдәният йорты, китапханә һәм "Ромашка" балалар бакчасы хезмәткәрләре тарафыннан "Җир буйлап көз атлый" дип исемләнгән конкурс-уен программасы үткәрелде. Максатлар: җырлар, биюләр, шигырьләр, уеннар аша балаларда табигатьнең көзге күренешләре турындагы күзаллауларны ныгыту һәм киңәйтү. Балаларның музыкаль-иҗади сәләтләрен үстерү.

24 октябрь көнне Тенеки авыл клубында, Юлбат төп мәктәбе белән берлектә, Т.Миңнуллинның" Авыл эте Акбай" әкияте күрсәтелде. Балалар чын артистлар кебек уйнадылар, күңел ачтылар.

19 октябрь көнне, Юлбат мәдәният йорты һәм китапханә хезмәткәрләре, "Буыннар бәйләнеше: Комсомол турында сөйләшик" акциясе үткәрделәр. Чара барышында акциядә катнашучылар комсомол яшьлеге турында хатирәләре һәм хис-кичерешләре белән уртаклаштылар, комсомолларның ничек яшәве, эшләве, әлеге оешмага кабул ителүләре турында сөйләделәр. Тематик күргәзмәгә күзәтү үткәрелде.

10 октябрь көнне Йосыф-Алан авыл клубында “Уңыш-2019” дип исемләнгән бәйрәм чарасы үткәрелде. Шәхси хуҗалыкларда үстерелгән уңышлардан күргәзмә оештырылды.

5 октябрь көнне, Юлбат мәдәният йорты һәм китапханәсе хезмәткәрләре, “Ромашка” балалар бакчасында, “Балаларны укырга өйрәтүче һөнәр иясе” темасы астында мәгълүмат сәгате үткәрделәр. Чараның максаты: балаларның мәктәп турындагы кузаллауларын киңәйтү, аларны укытучы һөнәре белән таныштыру.

1 октябрь көнне "Яшьлек" үзәгендә Өлкәннәр көненә багышланган "Ягез әле, әбиләр" дип исемләнгән спорт бәйрәме узды. Ярышта  Юлбат мәдәният йорты каршында эшләп килүче  “Зөбәрҗәт” фольклор коллективы һәм авыл җирлегенең спорт сөюче хөрмәтле ханымнары  “Җитезләр" дип аталган команда буларак катнаштылар һәм 2 нче урынга лаек булдылар. Команда чыгышы Юлбат мәдәният йорты һәм китапханә хезмәткәрләре тарафыннан оештырылды һәм әзерләнде.