26 апрель көнне  Тенеки авыл клубында Юлбат мәдәният йорты хезмәткәрләре, китапханәче белән берлектә халкыбызның сөекле улы, шагыйрь Г.Тукайның туган көне уңаеннан тормышына һәм иҗатына багышланган “Бөтен буынга кадерле шагыйрь”- әдәби сәгать үткәрелде. Чарада шагыйрьнең шигырьләре кычкырып укылды. "Тукай безнең күңелләрдә" - китап күргәзмәсе тәкъдим ителде, күзәтү ясалды. Әлеге кичә “Туган тел” җыры белән тәмамланды.

20 апрель көнне Юлбат мәдәният йорты, Тенеки авыл клубы, китапханә хезмәткәрләре “Бөтен дөнья – театр” дип исемләнгән Бөтенроссия Библиосумерки акциясенә кушылды. “Мирас” клуб берләшмәсенә йөрүчеләр спектакльләрдән өзекләр карадылар, фикер алышу үткәрделәр. "Бөтен дөнья – театр» дип исемләнгән китап күргәзмәсе һәм әдәбиятка күзәтү үткәрелде.

13 апрель Тенеки авыл клубында авылдашыбыз Ландыш Димиеваның «Язмышым минем» дип исемләнгән иҗат кичәсе булып үтте. Әлеге кичә авылдашыбызның шигырьләре һәм җырлары белән үрелеп барды. Тамашачылар һәрбер чыгышны җылы алкышларга төрделәр, иҗатында уңышлар теләделәр.

30 март көнне Тенеки авыл клубында Юлбат мәдәният йорты хезмәткәрләре һәм китапханә белән берлектә «Дусларым-шигырьләрем» дип исемләнгән очрашу кичәсе үткәрелде. Әлеге чараның кунагы-якташыбыз шагыйрә Илмира Гыймаева иде. Күчмә китапханә җитәкчесе Нәсфия Хәмитова шагыйрәнең иҗаты белән таныштырды. Кичәдә тамашачылар белән берлектә шагыйрәнең китапларыннан шигырьләре укылды, җырлары җырланды. Шагыйрә тамашачыларның кызыксындырган сорауларына җавап бирде.

24 март көнне Юлбат мәдәният йортында китапханә хезмәткәрләре, авыл җирлеге белән берлектә Нәүрүз бәйрәме уздырылды. Бәйрәм күңелле уеннар, концерт номерлары белән үрелеп барды, шахмат, шашка ярышлары оештырылды. Юлбат авылы халкы актив рәвештә уеннарда катнашты һәм куңелле итеп ял итте. 

14 март көнне Йосыф-Алан авыл клубында "Татар халык ашлары, бик тәмле һәм файдалы" дигән чара үтте. Татар халкының милли ризыкларына нигезләнеп төзелгән "Башваткыч" уены уйналды.

5 март көнне Юлбат балалар бакчасында гаилә бәйрәме булып узды. Балалар әти-әниләрне матур җырлар, биюләр белән сөендерде. Әти-әниләр дә калышмады, күңелле уеннарда катнашып, җитезлекләрен, тапкырлыкларын күрсәттеләр.

8 март көнне Юлбат мәдәният йортында  Рәхимулла оныкларының “Шушы яктан, шушы туфрактан без! ”дип исемләнгән зур  бәйрәм концерты узды.

8 март көнне Йосыф-Алан авыл клубында "Аулак өйдә кунакта"дигән чара үтте.

9 март көнне Тенеки авыл клубында  8  март “Халыкара хатын-кызлар көне  уңаеннан «Ана назы җирдә мәңгелек” дип исемләнгән бәйрәм кичәсе  булып үтте.

2 март көнне Юлбат мәдәният йортында Тенеки авыл клубы каршында эшләп килүче “Адым” клуб берләшмәсе белән берлектә Гөлшат Зәйнәшеваның “Гайфи бабай, өйлән давай" дип исемләнгән комедиясен тәкъдим итте. 3 нче март көнне Пүкәл авыл клубында Юлбат мәдәният йорты каршында эшләп килүче "Мирас" клуб берләшмәсе мәдәният йорты, авыл китапханәсе хезмэткәрләре белән берлектә Рәмзия Хөсәенова пьесасы буенча эшләнгән 'Табылдык" спектаклен сәхнәгә куйды.

23 февраль көнне Тенеки авыл клубы каршында эшләп килүче “Адым” клуб берләшмәсе белән берлектә Гөлшат Зәйнәшеваның “Гайфи бабай, өйлән давай" дип исемләнгән комедиясе сәхнәләштерелде. Авыл халкы үзешчәннәрнең уенын бик җылы кабул итте, уйланып та, көлеп тә кинәнде тамашачы.
 

Тенеки авыл клубында Юлбат мәдәният йорты, китапханә  хезмәткәрләре белән берлектә Әфганстан темасына әңгәмә оештырылды.Китапханәче Хәмитова Н.А.Саба узәкләштерелгән китапханә системасында үткәрелгән “Җиңүгә һәм хәтергә 30 ел” конкурсында актив  катнашкан укучы Вәлиева Зәринәгә грамота тапшырды.Әлеге кичә музыкаль номерлар һәм кул эшләре түгәрәге белән үрелеп барды.