ЯҢАЛЫКЛАР

17 майда Биектау трассасында 2025 елгы эндуро буенча Татарстан Республикасы Чемпионатының беренче этабы – «Биектау каньоны»узды. Арташ авыл җирлеге егетләре яхшы нәтиҗәләр күрсәттеләр. Көмеш КЛАСС: Сәләхиев Рәфис 1 урынны яулады. Класс юниорлар: Агләмҗанов Әмирхан 3 нче урынны алды. Аларны җиңүләре белән котлыйбыз һәм алга таба да уңышлар телибез!

17 май көнне Олы Арташ авыл клубында «Гаилә - тормыш чыганагы» Халыкара гаилә көненә багышланган җылы һәм күңелле бәйрәм концерты булып узды. Бу мөһим вакыйга безнең авылда яшәүчеләрне генә түгел, күрше авылларда яшәүчеләрне дә җыйды, алар бу көннең шатлыгын уртаклашырга килделәр.

Концертны җылы сәламләү сүзләре белән ачып җибәрделәр, аннан соң сәхнәдә Килдебәк мәдәният йорты мөдире, Олы Кибәч авыл мәдәният йорты мөдире һәм клуб формированиесе яшьләре чыгыш ясады. Аларның чыгышлары якты һәм эмоциональ булды, алар тамашачыларга бик күп уңай хис-кичерешләр китерде. Бүгенге концерт-якыннарыңа яхшы сүзләр әйтү өчен сәбәп кенә түгел, ә җәмгыятьнең нигезе буларак гаиләнең әһәмиятен кабат ассызыклау мөмкинлеге дә ул.

Ике басу Арташ мәдәният йортының "Хәзинә" хореография коллективы Мари - Эль республикасының  Йошкар - Ола шәһәренең Республика татар мәдәнияте үзәгендә узган "Шома бас" Vlll Халыкара фестиваль - конкурсында катнашты. 18 коллектив арасында lll дәрәҗәле лауреат һәм фестиваль Кубогына  лаек  булды.

 Елдан - ел авыл халкы авыл хуҗалыгында хезмәт куйды, үсемлекчелектә яхшы нәтиҗәләргә ирешергә тырышып, көчләрен авыл хуҗалыгын үстерүгә салды. Яз җитү белән игенчеләрнең басуларга чәчү эшләре башлана. Борынгы заманнарда крестьяннар сакал бәйрәмен билгеләп үткәннәр. Бу-татар халкының язгы кыр эшләре башлануны символлаштырган йолаларының берсе. 12 май көнне "Фирүзә» Ике басу Арташ мәдәният йортының агитбригадасы, авыл китапханәсе белән берлектә, сабан бодае чәчү планлаштырылган басу янындагы болында "Беренче буразна"йола бәйрәме үткәрде. Бәйрәмдә "НЫРТЫ" АХП ҖЧҖнең баш агрономы Мөхәрләмов Инсаф Илсур улы, Ике басу Арташ авылы имам - хатыйбы  Кәримов Сәлимҗан Рәхимҗан улы, механизаторлар, хезмәт ветераны катнашты. Сәламләү сүзе белән ДТ - 75 чылбырлы тракторында 40 ел стажы булган ветеран механизатор Шакиров Рәҗәп Сабир улы чыгыш ясады, ул чәчү һәм урып-җыюның һәр сезонында бу кырларны чәчкән, сөргән.

Арташ авыл җирлеге Җиңү көненә багышланган парадта катнашты.

7 май көнне Язлы Арташ авыл клубында, Олы Нырты мәдәният йорты , китапханә, шулай ук Чабья - Чурчи авыл клублары белән берлектә, Бөек Җиңүнең 80 еллыгына һәм Ватанны саклаучылар елына багышланган « Жину язы» исемле матур бәйрәм концерты булып узды . Концерт "Без хәтерлибез - без горурланабыз" хәрби - патриотик агитбригада белән ачылды. Һәр көй бабаларыбызның батырлыгын, җиңүгә ышанычларын искә төшерде, тирән эчтәлекле җырлар җырланды, күңелгә үтеп керерлек бию номерлары башкарылды, Ватан турында шигырьләр генә укып калмады, бәлки тулы бер музыкаль - әдәби композицияләр дә күрсәттеләр. Һәр чыгыш Ватаныбызны саклаучылар истәлегенә зур хөрмәт һәм ярату белән әзерләнде.Тамашачылар үз хисләрен тыя алмады, күз яшьләре белән җырлап җибәрде һәм һәр чыгышны алкышлады. Финал чыгышы « Җиңү көне» җыры булды . Бәйрәм концерты хис-кичерешләр өермәсе уятты һәм һәр катнашучының йөрәгендә тирән тәэсир калдырды.

8 май көнне Олы Арташ авылында Бөек Ватан сугышында Җиңүнең 80 еллыгына багышланган Җиңү көне хөрмәтенә митинг узды. Митингка авыл халкы һәм кунаклар, мәктәп укучылары һәм педагоглары, балалар бакчасы хезмәткәрләре һәм тәрбияләнүчеләре, авыл җирлеге хезмәт коллективлары һәм мәдәният йорты хезмәткәрләре җыелды. Митинг Бөек Ватан сугышында катнашучылар һәйкәленә чәчәкләр салу һәм агач утырту белән тәмамланды.

8 май көнне Ике Басу Арташ мәдәният хезмәткәрләре,авыл китапханәсе белән берлектә, "Күбәләк" балалар бакчасы коллективы катнашында, Ике Басу Арташ авылының үзәк урамында урнашкан мемориаль плитка янында Бөек Ватан сугышында Җиңүнең 80 еллыгына багышланган « Җиңү кайтавазы мәңгелек» исемле истәлекле митинг үткәрделәр. Сугыш кырларында һәлак булганнарны искә алырга авылдашлары, сугыш чоры балалары, яшьләр, район вәкиле салым хезмәте начальнигы Шәфиков Айрат Вазыйх улы,Арташ авыл җирлеге башлыгы Мөхәрләмов Рөстәм Илсур улы килгән иде.  Традиция буенча истәлекле чара тантаналы өлештән башланды. Ватанны, тыныч тормышны саклаучыларны искә алдылар. Сугыш һәр гаиләгә кагыла: ирләр фронтка китә, ә картлар, хатын-кызлар һәм балалар көннән-көн тылда хезмәт итә. Чара барышында илебезне хәрабәләрдән күтәрүчеләргә, ата-анасыз калган балаларның тулы бер буынын тәрбияләүчеләргә рәхмәт сүзләрен әйтергә онытмадылар. Бер минут тынлык белән бу дәһшәтле сугыш һәм тыл ветераннарын искә алдылар, мемориаль плитә итәгенә чәчәкләр салдылар. Һәркемгә нык сәламәтлек, озын гомер, бәхет һәм, әлбәттә инде, яраткан илебез өстеннән тыныч күк йөзе теләделәр.

Ватанны саклаучылар елында һәм Җиңүнең 80 еллыгы уңаеннан, бүген 3 май көнне Ике басу Арташ мәдәният йорты, авыл китапханәсе белән берлектә, Зөлфәт Илшат улы махсус хәрби операциядә хәрби бурычын намус белән үтәгән Ахуновлар гаиләсе белән "Солдат гаиләсе" дигән әңгәмә уздырды. Уллары сугышка киткәндә, ана йөрәге газаплана. Барысына да аңлашыла, яшәү вакытын сайламыйлар. Тарих шулай кушкан. Безнең ил янә куркыныч астында. Угыллары һәм ирләре, Туган ил чакыруы һәм йөрәк кушуы буенча, кешелекнең иң югары сыйфатларын күрсәтеп, үз халкын яклап чыктылар. Безнең көчле солдатлар артында аларны яратучы һәм аларга ярдәм итүче тагы да көчлерәк кешеләр тора. Зөлфәтнең әнисе балачагы һәм яшүсмер чагы, ничек армиягә алынуы һәм ничек сугышка китүе турында сөйләде. Ахуновлар гаиләсе улының җиңү белән кайтуын түземсезлек белән көтәләр һәм өметләнәләр. Без сугышның тизрәк бетүен һәм якташыбызның исән-сау әйләнеп кайтуын телибез.

6 май көнне Ике басу Арташ мәдәният йорты, авыл китапханәсе белән берлектә, «Георгий тасмасы»Бөтенроссия патриотик акциясенә кушылды. Быел ул аеруча әһәмиятле, чөнки без 1941-1945 еллардагы Бөек Ватан сугышында Җиңүнең 80 еллыгын билгеләп үтәбез. «Георгий тасмасы " - ул символ гына түгел, ә Бөек Ватан сугышында җиңүчеләрнең батырлыгына хөрмәт билгесе. Акция барышында балалар георгий тасмасының барлыкка килү тарихы, аның төсе нәрсә аңлатуы турында белделәр. Бу символны йөрәгебездә йөртеп, Ватанны саклаучыларның батырлыгы безнең йөрәкләрдә мәңгегә калачагын күрсәтәбез. Балалар укучыларга һәм авыл халкына георгий тасмаларын горурланып тапшырдылар.Мондый чаралар илебезнең героик үткәне турындагы истәлекне сакларга һәм аны яшь буынга тапшырырга ярдәм итә.