ЯҢАЛЫКЛАР

"Нәүрүз "халык бәйрәме - мөселман халыклары бәйрәме, кешелек тарихында иң борынгы бәйрәмнәрнең берсе.ул кышның бетүен һәм язның килүен, тереклекнең яңаруын,җирне чәчүгә әзерли башлауны символлаштыра.

Ике Басу Арташ мәдәният йорты авыл китапханәсе белән берлектә оештырылган бәйрәм мәдәният йорты каршындагы бизәлгән мәйданда узды, анда иртә таңнан музыка уйналды, кешеләрне Нәүрүз тантанасына чакырды. Бәйрәмне карарга бик күп кеше килде. Тамашачыларга сәхнәләштерелгән тамаша, "Нәүрүз бикә"очрашуы күрсәтелде. Балалар шигырьләр укыдылар, мактадылар һәм язны чакырдылар. Тамаша борынгы һәм хәрәкәтчән уеннар, җыр-биюләр белән дәвам итте. Бәйрәмчә табын әзерләнде, Үзбәкстан казанда ботка пешерелде, коймак пешерелде. Уеннарда һәм ярышларда катнашучыларның барысына да бүләкләр, ә балаларга тәм-том бүләкләре тапшырылды, чөнки без балалар белән "Бирна җыю"йоласына чыккач, бөтен авыл халкы безне бүләкләр белән сөендерде. Төп сыйларның берсе ике төрдән торган ботка иде.

Кунакларның барысына да тәмле ризык белән сыйланырга мөмкинлек бирелде.Чараны оештыруда һәм үткәрүдә ярдәм иткәннәре өчен мәдәният бүлеге җитәкчесе Заһидуллин Рөстәм Фидаил улына,"Нырты АХП"ҖЧҖ җитәкчесе Дәүләтгәрәев Ильяс Илдус улына, барлык авыл халкына зур рәхмәтебезне белдерәбез. Кәримовлар гаиләсе Сәлимҗан абый(мулла) Нәкыя апа, зур матди ярдәм өчен.

Олы Арташ авылы мәчетендә Ифтар ашы уздырылды. Коръән сүрәләрен тыңладылар. Соңыннан тәм-томнар белән сыйландылар.

2025 елның 22 мартында Киров өлкәсенең Нократ Аланы шәһәренең "Җиңү" мәдәният йортында "Татар моңы мәңге яңарыр"халыкара конкурсының Ill Гала концерты узды. Конкурс көн белән төн тигезлеге көнен - "Нәүрүз"бәйрәмен бәйрәм итү кысаларында узды. Программа бик бай булды. Профессор Мингул Галиев вокал буенча мастер-класс үттеләр, конкурста катнашучылар өчен оештырылган "Түгәрәк уен" татар фольклор уенында катнаштылар. Вокал һәм нәфис сүз номинацияләрендә Арташ мәдәният йортының ике кырыннан җиңүчеләр Илһам Исламов һәм Энҗе Әхмәтшина чыгыш ясады. 1 дәрәҗәле лауреатлар диплом һәм истәлекле падаркалар белән бүләкләнделәр.

17 март конне Язлы Арташ авыдлында ифтар ашы оештырлды. Аш алдыннан мәчеттә намаз укылды

15-16 март көннәрендә Ике Басу Арташ авылы мәчетендә изге Рамазан аена багышланган Ифтар мәҗлесе үткәрелде. Ифтарга авыл халкы һәм мәчеткә йөрүче кунаклар  җыелган иде.

10 марта Мишә авыл җирлегендә хатын-кызлар командалары арасында волейбол буенча иптәшләр турниры узды. Арташ авыл җирлегенең волейбол командасы икенченче урынны алды

8 Март халыкара хатын-кызлар хөрмәтенә Кибәче авыл җирлегендә,8 март көнне хатын-кызлар арасында волейбол буенча турнир узды.Арташ командасы 3 урын алды.Котлыйбыз!

8 Март халыкара хатын-кызлар хөрмәтенә Иске Икшермә авыл җирлегендә,7 март көнне хатын-кызлар арасында волейбол буенча турнир узды.Арташ командасы 4 урын алды.

Олы Арташ төп гомумбелем бирү мәктәбенең "Өмет" драма түгәрәгендә укучылары "Сәйяр" балалар театры фестивалендә уңышлы чыгыш ясап, 1 нче дәрәҗәдәге диплом белән бүләкләнделәр. Алга таба да уңышлар сезгә!

2 март көнне Язлы Арташ авыл клубында тантаналы концерт булды. Чара башында Арташ авыл җирлеге башлыгы Рөстәм Илсур улы Мөхәрләмов котлау сүзе белән чыгыш ясады. Прорамманың беренче өлеше «Ватанга хезмәт итәм» Ватанны саклаучылар көненә багышланган иде.Сәхнәдән ир-атлар адресына җылы котлаулар, патриотик җырлар , сугыш биюләре яңгырады. Икенче өлеш  «Сезнең өчен яратканнарыгыз». Халыкара хатын-кызлар көненә багышланды.концертны алып баручылар гүзәл затларга һәм кешелеккә карата бик күп җылы сүзләр әйттеләр, хатын-кызларга шатлык , матурлык, мәхәббәт,камиллек һәм яхшы кәеф теләделәр. Җылылык һәм мәхәббәт белән сугарылган программаның һәр номеры кабатланмас шатлык , соклану һәм бәхет хисе бүләк итте. Залда һәр номерның көчле алкышлары яңгырады.Бүген үз эшләрен кичектереп, бәйрәм чарасында катнашучыларның барысы да яхшы кәеф белән чыгып киттеләр, шундый бай эчтәлекле концерт өчен рәхмәт белдерделәр.