ЯҢАЛЫКЛАР

Барыбызга да Ватанны саклаучылар көне һәм Җиңү көне билгеле. Әмма тагын бер мөһим дата - ел саен декабрьдә билгеләп үтелә торган Ватан Геройлары көне бар. Ул 23 Февраль һәм 9 Май кебек үк танылган һәм масштаблы түгел, әмма игътибарга лаек. 10 декабрьдә Олы Арташ авыл клубында Ватан Геройлары көненә багышланган чара узды.

8 декабрьдә Ике басу Арташ авылыннан Ярмиева Алфинур Каюмована Арташ үзенең 90 яшьлек юбилеен билгеләп үтә. Мактаулы юбилярны Саба муниципаль районының халыкны социаль яклау бүлеге начальнигы Лилия Гайнетдинова, Арташ авыл җирлеге башлыгы Рөстәм Мөхәрләмов һәм "Нырты "АХП "ҖЧҖ директоры Ильяс Илдус улы котладылар. Социаль яклау бүлеге җитәкчесе шулай ук Саба муниципаль районы башлыгы Рәис Нургали улы Миңнехановның котлау хатын тапшырды. Юбилярга сәламәтлек һәм иминлек телибез.

Олы Арташ авыл клубында 5 нче декабрьдә "Яхшылык кайтавазы"исеме астында  хәрби-катнашучыларының әниләре белән чәй табыны артында очрашу булды. Уллары хәрби хәрәкәтләр зонасында булган һәм безне яклап һәлак булган аналар ул... Тел кайгы уртаклашу чагылышы белән бәйле ниндидер формаль әйберләр турында сөйләргә ашыкмый. Баланың югалуын бернәрсә дә алыштыра алмый. Без үзләрен онытылган итеп сизмәсеннәр өчен бу кайгыны алар белән уртаклашабыз, 

5 декабрьдә Волонтер көне билгеләп үтелә. Арташ авыл җирлеге волонтерлары көн саен, көчләрен кызганмыйча, безнең солдатларга ярдәм итәләр. Бу атнада фронтка җибәрер өчен чәкчәк ясадылар.

Сезне чын күңелемнән Халыкара волонтерлар көне белән котлыйм! Сезнең йөрәгегез сизгерлек һәм мәхәббәт белән тулган. Сез – безнең горурлыгыбыз, сез – дөньяны уңайлырак һәм җылырак итү үрнәге. Соңгы елларда безнең җирлегебездә да волонтерлар хәрәкәте үсте һәм ныгыды. Бүгенге вәзгыяттә Сезнең ярдәм аеруча зур. Җирлегебез тормышында һәм бүгенге көндә Махсус хәрби операциядә катнашкан егетләребезгә һәрдаим ярдәм оештырганыгыз өчен, барлык кылган игелекләрегез өчен ихлас күңелдән олы рәхмәтемне белдерәм.

Олы Арташ авыл зиратында яңа койма тоту эше тәмамланды. Әлеге эш үзарасалым акчасы хисабына эшләнде. Эшне сыйфатлы итеп "Мелиорация"Саба ПМКсы ҖЧҖ оешмасы башкарды.

Ике басу Арташ "Күбәләк" балалар бакчасында  Әниләр көненә багышланган бәйрәм булып узды. Бәйрәм белән сезне, әниләр! Игелекле йөрәгегез, кайгыртучанлыгыгыз һәм күңел җылыгыз өчен рәхмәт.

Олы Арташ авылында Мишә елгасы аша җәяүлеләр күпере төзелә башлаган. Җәяүлеләр күпере-кешеләрнең имин һәм уңайлы хәрәкәт итүен тәэмин итү. Эшне "Мелиорация"Саба ПМКсы ҖЧҖ башкара.

28 ноябрь көнне Язлы Арташ авыл клубында Әниләр көненә багышланган бәйрәм кичәсе үткәрелде. Әниләребез хөрмәтенә чын күңелдән котлаулар, теләкләр әйтелде

Олы Арташ башлангыч гомумбелем бирү мәктәбендә Әниләр көненә багышланган бәйрәм концерты үткәрелде.
Әниләр көне-безгә тормыш, кайгырту һәм чиксез мәхәббәт бүләк итүчеләргә багышланган үзенчәлекле бәйрәм.
Бу үзенчәлекле көнне күпләр үзләренең рәхмәтләрен һәм әниләренә булган мәхәббәтләрен гадәти булмаган рәвештә белдерергә карар кыла.
Иң дулкынландыргыч ысулларның берсе-җырлар, шигырьләр һәм хис-кичерешләр белән тулы концерт үткәрү.

25 ноябрь көнне Туктар авыл клубында Арташ авыл җирлегенең иҗат коллективлары һәм үзешчән башкаручыларның «Туган җиргә кайтты кайтмаганнар «Хәтер китабы» на төренеп» фестивале кысаларында отчет концерты булды . Концерт прологтан башланды, анда сугыш башлануы, солдатларны сугышка озату күрсәтелде.

Концерт барышында сугыш еллары җырлары, халкыбыз батырлыгына багышланган җырлар , шигырьләр һәм биюләр яңгырады, алар театральләштерелгән куелыш белән үрелеп барды.

 Концерт презентация, СВО катнашучыларының фотолары һәм видеоматериаллар белән үрелеп барды.. Зал, аягүрә басып, көчле алкышлар белән Җиңү гимнын җырлый иде.