23 октябрьдә Саба районы спорт комплексы базасында 2005-2006, 2007-2008, 2009 елгы һәм яшьрәк егетләр арасында көрәш буенча ачык шәхси турнир узды. Спорт чарасы ТР атказанган төзүчесе Нәбиуллин Фәргать Ахлулла улы истәлегенә багышланды.

2022 елның 20-23 октябрендә Чабаксар шәһәрендә хатын -кызлар командалары арасында югары лига А һәм Сиверский шәһәрендә ир-ат командалары арасында югары лига В өстәл теннисы буенча Россия команда чемпионаты узды. Бары тик ныклыгы, тырышлыгы һәм теләгән максатка ирешергә омтылуы аркасында гына спортчылар җиңүгә ирешәләр. Хәер, кайчагында бу пьедесталга юл берничә ел сузыла.
Бүген безнең спортчыларыбыз ярышларның 1 турын яптылар. Арган, тәҗрибә туплаган спортчылар өйләренә кайталар.

2022 елның 22-23 октябрендә Казан шәһәре Бадминтон үзәгендә Татарстан Республикасының Бадминтон өметләренең 3 этабы узды. Ярыш нәтиҗәләре буенча Саба районы бадминтончылары түбәндәге категорияләрдә призерлар булдылар: 2012ел һәм яшьрәк: 3 урын - Сафин Әгъләм;
2 урын-Гобәйдуллина Алина - Ксенофонтова Ангелина (Алексеевск районы); 3 урын - Сафин Әгъләм - Гобәйдуллина Ралина; 3 урын - Сафин Әгъләм - Баранов Кирилл (Алексеевск районы).
2010-2011 елларда: 3 урын - Хантимирова Алисә - Леонтьева Альатерина (Әлки районы)
3 урын - Хантимирова Алиса 1 дивизионда. Барлык катнашучыларга, призерларга һәм аларның тренерларына сәламәтлек һәм киләчәктә уңышлар телибез!

2022 елның 21-23 октябрендә Байлар Сабасында Татарстан Республикасының 2022 елгы «Сәламәтлек» XIX авыл Спартакиадасы кысаларында авыл районнары командалары арасында бадминтон буенча чемпионаты узды.
Саба районы командасы Хайриев Ильяс, Галиәхмәтова Регина, Миңнегалиев Илшат һәм Тихонова Римма составында команда зачетында чемпион булды. Ир-атлар арасында ялгыз разрядта Хәйров Ильяс 2 урынны алды, хатын-кызлар арасында ялгыз разрядта Галиәхмәтова Регина 3 урын алды, хатын-кызлар парында Регина һәм Римма беренче булды, ир-атлар арасында Ильяс белән Илшат да беренче, катнаш парларда Ильяс һәм Регина да чемпионнар булдылар. Барыгызны да яхшы чыгышлары белән котлыйбыз һәм киләчәктә дә уңышлар телибез!

2022 елның 21-23 октябрендә Актаныш авылында 2022 елда тиз шахмат буенча Татарстан «Сәламәтлек» XIX авыл Спартакиадасы узды. Саба районы җыелма командасы - "Сәламәтлек" авыл Спартакиадасының 3 тапкыр чемпионнары. Турнир безнең команда өчен бик кызыклы һәм катлаулы булды. Финалда безнең команда бик киеренке көрәштә чемпион титулын саклап кала алды. Барлык җиңүчеләрне һәм призерларны уңышлы чыгышлары белән котлыйбыз!

21 октябрьдә Мәскәүдә «Россия бүген» Халыкара мультимедиа матбугат үзәге сәхнәсендә «Россия спортының Циффрлы трансформациясе-2022» II Бөтенроссия конкурсы нәтиҗәләре игълан ителде.Т

«Россия спортын Цифрлы трансформацияләү-2022» II Бөтенроссия конкурсы номинацияләренең призерлары- «САБА-АРЕНА» спорт мәктәбе, ТР Хоккей федерациясе.

Финал этабында «Иң яхшы тренер» номинациясендә «САБА-АРЕНА" спорт мәктәбе тренеры Еатерина Ищенко һәм Татарстан Республикасы Яшел Үзән районы 3 нче спорт мәктәбе тренеры Дмитрий Кондратьев катнашты.

Татарстан рәссамы эше ИФО «Формарт»фестивалендә җиңү өчен көрәшә

Саба муниципаль районындагы ВФСК ГТО сынау үзәге һәркемне ГТО стандартлары комплексын үтәргә чакыра.

2022 елның 16 октябрендә «Сабантуй» мәдәни-спорт комплексында «Б.Open» дип исемләнгән нарда турниры  узды.

15 октябрь көнне "Саба йөзү бассейны» нда «Әтиләр көненә» багышланган спорт чарасы узды.