ЯҢАЛЫКЛАР

2022 нче елның 4 нче июлендә ир-атлар һәм хатын-кызлар командалары арасында пляж волейболы буенча Саба муниципаль районы чемпионаты старт ала.

2022 нче елның 25 июнь көнендә “Сабантуй” стендлы ату үзәгендә  спортинг-компакт  буенча ярышлар булып узды.

2022 елның 25 июнендә "Саба Арена" спорт комплексында көрәш буенча дөнья чемпионаты һәм беренчелеге узды. 27 илдән 200дән артык спортчы ир-атлар арасында 11 авырлык категориясендә һәм яшүсмерләр арасында 9 авырлык категориясендә дөнья чемпионы исеме өчен көрәште. Ир-атлар арасында тантаналы чаралар һәм финаллар шул ук көнне кич белән Мингәр авылының традицион ачык мәйданчыгында узды.

26 июньдә Казан шәһәрендә Татарстан Республикасы Яшьләр эшләре һәм спорт Министрлыгының муниципаль районнардагы яшьләр сәясәте учреждениеләрендәге грант конкурсына һәм физик затлар өчен грантлар конкурсына йомгак ясалды. Яшьләр сәясәте учреждениеләре арасында грантлар конкурсында Саба районы "Яшьлек" яшьләр үзәге "PROFФЕСТ" проекты җиңде. Физик затлар арасында 2 проект грант ярдәме алачак. Грант ярдәменең гомуми суммасы 1 063 950 сум тәшкил итәчәк.

25 июнь көнне Байлар Сабасының "Олимп" стадионында Яшьләр көненә багышланган район ярышлары узды. Район Башкарма комитеты Җитәкчесенең инвестицион үсеш һәм эшмәкәрлеккә ярдәм итү буенча урынбасары-Саба муниципаль районының инвестицион үсеш һәм эшмәкәрлеккә ярдәм итү бүлеге җитәкчесе Котдусов Илнур Илдус улы һәм Саба районы Башкарма комитетының яшьләр эшләре һәм спорт бүлеге начальнигы Гарипов Ирек Рамазан улы районның иң актив яшьләрен рәхмәт хатлары һәм акчалата призлар белән бүләкләделәр. Ярышлар түбәндәге спорт төрләре буенча узды: пневматик коралдан ату, эстафета, йөгерү, пляж волейболы, пляж футболы, городки, гер күтәрү, аркан тарту. Призлы урыннар алучылар акчалата призлар һәм грамоталар белән бүләкләнделәр. Шулай ук яшь кешеләр ГТО нормативларын да тапшыра алдылар.

2022  нче елның  16-17 нче июнь көннәрендә “Сабантуй” спорт мәктәбе базасында  конкур буенча ярышлар булып узды.. 

2022 елның 18 июнендә Казан ипподромында "Сабантуй-2022"призына ат чабышлары узды. Ярышларда Саба районыннан Гарипов Илнарның Иск РТ исемле аты катнашты. Жокей-Каппушев Магомет. Ат чабышы нәтиҗәләре буенча Иск РТ җиңүче булды. Җиңүегез белән котлыйбыз, киләчәктә дә уңышлар телибез.

Саба районының "Олимп" спорт мәктәбендә тәрбияләнгән Ибраһимов Марсель ЦСКА командасы составында 2021-2022 сезонда Гагарин кубогына ия булды. 19 июнь көнне Марсель Гагарин Кубогы белән Саба районында булды. "Нарат" спорт комплексы" нда  хоккей буенча Гагарин Кубогын хөрмәтләүгә багышланган ярышлар узды. Уеннардан соң Марсель Икшермә авылында урнашкан "Кояшкай" лагерына һәм "Тургай" приютына юнәлде. Балалар Кубок һәм аның иясе белән фотога төштеләр. Аннары алар "Олимп" стадионына юл тотты, анда да аларны шатлык белән каршы алдылар. Ибраһимов Марсель белән горурланабыз, аңа киләчәктә дә уңышлар һәм җиңүләр телибез.

12 июнь көнне "САБА-АРЕНА" спорт мәктәбендә Россия көнен бәйрәм итү кысаларында Россия көненә багышланган Өстәл теннисы буенча турнир узды. Турнирга Татарстанның төрле муниципаль районнарыннан һәм шәһәрләреннән спортчылар килде. Чара Россия һәм Татарстан гимннарын тыңлау белән башланып китте. Шулай ук бу көнне яшь спортчыларга тантаналы рәвештә зачет кенәгәләре тапшырылды. Фарход Усман улы, теннисчыларны документ алу белән котлап, аларга Россия гражданины һәм спортчысы исемен намус белән йөртүләрен, илнең лаеклы гражданнары һәм спортчылары булуларын, әти-әниләренең горурлыгы булуларын һәм үз алларына югары максатлар куюдан курыкмауларын теләде. Ябылу тантанасында Россия мастеры Саъди Исмаилов катнашты. Хатын-кызлар арасында урыннар түбәндәгечә бүленде:

1 урын- Исмаилова Динара (САБА-АРЕНА)

2 урын- Валеева Зиля (САБА-АРЕНА)

3 урын- Фахрутдинова Анна (Казан)

Ирләр арасында:

1 урын- Ибрагимов Мурат (САБА-АРЕНА)

2 урын- Вилданов Камиль (САБА-АРЕНА)

3 урын- Габдулхаков Тимерхан (САБА-АРЕНА)

Адаптив спортта (хатын-кызлар арасында):  

1 урын- Ищенко Екатерина (САБА-АРЕНА)

2 урын- Зарипова Лейсан (САБА-АРЕНА)

Адаптивный спорт (ир-атлар арасында):

1 урын- Мехтиев Ильгиз (Арча)

2 урын- Закиров Айрат (САБА-АРЕНА)

Россия спортчылары өчен стипендия конкурсы