ЯҢАЛЫКЛАР

Мәгърифәтче – галим Р.Фәхреддин: «Бала чакта алынган тәрбияне соңыннан бөтен дөнья халкы да үзгәртә алмас,» - дип яза. Балаларда әхлак сыйфатлары тәрбияләү, һәръяклап үстерү- безнең төп бурычыбыз булып тора. Шул максаттан, 6 ноябрь көнне, Юлбат мәдәният йорты һәм китапханә хезмәткәрләре, авылыбыз мулласы белән берлектә ,балалар өчен “Дин һәм сәламәтлек” дип исемләнгән очрашу үткәрде. Очрашу барышында дин буенча кызыксындырган сораулар бирелде. Очрашу темасы буенча китап күргәзмәсе дә куелды.

6 ноябрь көнне, балаларны республикабызның төп закон китабы белән таныштыру максатыннан, Шекше авыл китапхнәчесе, Шекше мәдәният йорты хезмәткәрләре белән берлектә “Төп закон Конституция” дип исемләнгән тәрбияви сәгатъ үткәрделәр. Әлеге чара кысаларында балалар “Конституция” китабы белән таныштылар, домино уйнадылар, һәм ,шулай ук, әкият геройларының нинди хокуклары бозылганын аңлатып рәсемнәрне буядылар. Бәйрәм ахырында катнашучыларга баллы бүләкләр өләшенде, кечкенә генә чәй табыны әзерләнде.

  5 нче ноябрь көнне Юлбат мәдәният йорты, китапханә хезмәткәрләре, авыл фельдшеры белән берлектә,  балаларның сәламәт яшәү нигезләре турындагы белемнәрен  камилләштерү, таза-сау сәламәт яшәү өчен тормыш рәвешенең зур әһәмияткә ия булуын төшендерү максатыннан,“Сәламәтлек - зур байлык “ дип исемләнгән тәрбия сәгате үткәрделәр.

 6 ноябрь көнне Оет авыл китапханәсе, клуб белән берлектә, «һөнәрләр калейдоскобы» дигән темага «Тамчы – шоу» интеллектуаль уены үткәрде. Укучылар 2 командага бүленде. Һәр команда үзенә исем һәм командир сайлады. Уен 5 турдан торды. Беренче турда командалар чиратлап сорауларга җавап бирделәр, икенче турда берничә предмет буенча һөнәрләрне таныдылар , өченче турда төрле һөнәрләргә багышланган әсәрләрдән өзекләр тыңладылар, әсәрнең ничек аталуын һәм аның авторын искә төшерделәр, дүртенче турда бирелгән хәрефләргә һөнәрләр яздылар, бишенче турда командирлар ярышты. Балалар барысы да сорауларга дөрес итеп җавап бирделәр. Нәтиҗәдә дуслык җиңде. Әлеге чарага "Татар әдәбиятында һөнәрләр темасы"дип исемләнгән китап күргәзмәсе оештырылган иде.

2 ноябрь көнне, Әбрар Кәримуллин исемендәге район үзәк китапханәсендә, 2019 ел - Татарстан да эшче һөнәрләр елы, 2020 ел  ТАССРга -100 ел, Саба районы оешканга -90ел булу уңаеннан ,"Без бит Саба ягыннан" дип исемләнгән очрашу кичә оештырылды. Чараның махсус кунагы - Болгар радиосының баш мөхәррире, Саба егете Илфар Кәримов булды. Очрашу журналистика һөнәре буенча фикер алышу, сорау җавап формасындагы әңгәмә рәвешендә үтте.

2019 елның  1 ноябрендә Әбрар Кәримуллин исемендәге район китапханәсендә «Зур этнографик диктант " Бөтенроссия акциясе узды. Акция милләтара тынычлыкны ныгытуга,   шулай ук этнографик фәнгә игътибар һәм кызыксыну уятуга ярдәм итәчәк.

Бүген, ягъни 31 нчы октябрь көнне Саба район балалар китапханәсе 2 нче сыйныф укучыларын үзенә кунакка чакырды. Укучыларга “Бергә уку күңелле” дип исемләнгән әдәби чара тәкъдим ителде. Әлеге чара “Әдәби уеннар”, “Китапханә лабораториясе”, “Иҗади остаханә” , “Танышабыз, укыйбыз” рубрикасын  үз эченә алды. Барысы да бик актив катнаштылар һәм ахырдан һәр укучыга  китапкыстыргычлар таратылды.

31 октябрь көнне Әбрар Кәримуллин исемендәге Саба район китапханәсе «Бердәм Россия»нең “Яшь Гвардия”се Бөтенроссия сәяси партиясенең Саба җирле бүлекчәсе җитәкчесе, Төбәк штабы әгъзасы Халиев Айнур Рафик улы белән берлектә «РосКвиз» дип исемләнгән интеллектуаль уен үткәрде. «РосКвиз» - логикага, зирәклеккә һәм зирәклеккә команда ярышы.  Уеннарның максаты-яңа ял итү формаларын үстерү, мәдәни-эчтәлекле, интеллектуаль яктан баетылган ялны популярлаштыру. Уеннарның тематикасы төрле: сәясәт, сайлаулар, тарих, мәдәният, туган якны өйрәнү, экология һәм башкалар.

29 октябрь көнне, Шәмәрдән балалар китапханәсе, “Салават күпере” балалар бакчасында тәрбияләнүче мәктәпкә әзерлек төркеменә йөрүче балалар өчен, «Китап – иң якын дус» дип исемләнгән библиографик дәрес  уздырды. Дәрес барышында китапханәче Зарипова И.Х. балаларга беренче китаплар һәм китапханәләр барлыкка килү тарихы, китапка карата сакчыл караш кирәклеге турында сөйләде, әкиятләр буенча викторина уздырды. Чара азагында балалар  “Вовка в тридевятом царстве” мультфильмы  карадылар.

26 октябрь көнне, Казанчы Бигәнәй авыл китапханәсендә, мәдәният йорты белән берлектә, яшьләр арасында эчкечелекне кисәтү, алкоголь куллануга карата тискәре караш булдыру  һәм сәламәт яшәү рәвешен пропагандалау максатыннан, «Яшьләр алкогольгә каршы»дип исемләнгән тематик сәгать үткәрелде. Чара барышында физик культура, спорт белән шөгыльләнү, китапханә һәм мәдәният йортына бару, буш вакытны, кызыклы итеп үткәрү - болар барысы да алкоголь куллануга каршы тора, дип азсызыкладылар. Шулай ук китап күргәзмәсе тәкъдим ителде, анда алкогольнең җимергеч көче һәм кешегә, гаиләгә, җәмгыятькә зыян китерүе турында язылган  китаплар тәкъдим ителде.