ЯҢАЛЫКЛАР

Бүген Сатыш урта мәктәбендә “Алдынгылар хәрәкәте”нең Беренчел бүлекчәсе катнашучылары белән очрашу үткәрелде.

Утырыш барышында, җирле Совет рәисе урынбасары Ансар Шәрифуллин укучылар өчен кызыклы интеллектуаль викторина үткәрде. Иң актив катнашучыларга бүләкләр тапшырылды.

Саба җирле бүлекчәсе җитәкчесе Илнар Хаҗиев, укучыларны җәйге ял чорында көтелгән проектлар белән таныштырды һәм төрле проектларда актив катнашырга чакырды.

Алда безне бик күп күңелле вакыйгалар көтә, бергә һәм бердәм булыйк!

Җиңү бәйрәме якынлашкан көннәрдә, Саба гимназиясе һәм Алдынгылар хәрәкәтенең Тирле бүлекчәсе лидерлары, Сабаның Үзәк мәйданында «Георгиев тасмасы» патриотик акциясен оештырдылар.

Чарада катнашучылар, райондашларыбызга тасмалар тараттылар һәм әлеге символның тарихы, аның никадәр мөһим булуы турында сөйләделәр. Георгиев тасмасы — ул безнең үткәнебезгә хөрмәт һәм киләчәккә өмет символы.

Һәр вакыт күгебез тыныч, дөньяларыбыз имин булсын!

«Алдынгылар хәрәкәте»нең  Саба җирле бүлекчәсе һәм Саба гимназиясе укучылары, остазлар белән берлектә Кызыл Мишә авылындагы мөмкинлекләре чикле балалар өчен Саба мәктәп- интернатында очашуда булдылар.

21 апрель көнне Казан югары танк команда училищесында «Аҗаган 2.0» Бөтенроссия хәрби-патриотик уенының зона этабы узды. 

Саба районы данын Саба гимназиясенең "Патриот Саба" һәм К. С. Байкиев исемендәге Икшермә кадет-интернат мәктәбенең "Патриот 116" командалары югары дәрәҗәдә яклады.

Барлык командаларыбыз да җиңүчеләр рәтендә!
1 урын — «Патриот 116» (зурлар төркеме) 
1 урын— «Патриот 116» (урта яшь төркеме) 
2 урын — «Патриот Саба» (кече яшь төркеме)

Остазларыбызны һәм укучыларыбызны зур җиңү белән котлыйбыз! Икшермә кадет-интернат мәктәбенең «Патриот 116» командасына республика этабында уңышлар телибез!

Бүген Икшермә кадет-интернат мәктәбе базасында «Зарница 2.0» хәрби-патриотик уенының муниципаль этабы төгәлләнде. Урта һәм зурлар яшь төркемнәрендәдә барлыгы 30 дан артык команда көч сынашты. Командалар барлык төрдәге ярышларга да ныклы әзерлек белән килгәннәр иде. Бәйгенең нәтиҗәләре түбәндәгечә.

   11 август көнне «Сабинка» елгасы яр буенда, «Алдынгылар хәрәкәтене»нең милли рухтагы «БиЮ» дип исемләнгән яшүсмерләр күңел ачу кичәсе булып узды. Биредә 200дән артык укучы яшьләр һәм Казаннан оештыручыларның зур командасы җыелган иде. Чарага килүчеләрне диджей-сетлар, бадминтон буенча турнир, мастер-класслар һәм төрле команда уеннары көтте.

  Бүген Саба урта мәктәбе базасында «Алдынгылар хәрәкәтенең» җирле бүлекчәсе белән берлектә «Солдатка браслет» акциясе оештырылды, аның кысаларында активист-катнашучылар үз куллары белән МХО зонасында булган хәрбиләргә 100 данә беләзек ясадылар.

  Укучылар үзләренең кул эшләре нәтиҗәсендә, хәрбиләрнең  кайгыртучанлык, күңел җылысын тоясыларына ышаналар.

  Без һәр солдатның исән-сау, җиңү белән әйләнеп кайтуларын телибез! Ясаган саклык браслетлары шушы көннәрдә гуманитар ярдәм белән бергә безнең солдатларга тапшырылачак.

  5 июль кичендә Сабаның «Гаилә» паркында «Алдынгылар хәрәкәте» активистларының тере гитара музыкасы кичәсе узды. Әлеге кичәдә яңгыраган чыгышлар, килгән тамашачыларның күңелләренә хуш килде, кичке парк җылы алкышларга күмелде. Гитарачылар музыкаль әсәрләрне югары дәрәҗәдә осталык белән башкардылар. Бәйрәмне педагог-остаз Фәрид Аубакиров җитәкчелегендәге «ПИМА»  ансамбле тагын да ямьләндереп җибәрде.

  Чараның инициаторы булып «Алдынгылар хәрәкәте» нең Саба җирле бүлекчәсе һәм Балалар иҗаты үзәге тора.

  Музыкантларга, җырчыларга, гомүмән барлык катнашучыларга җәйге матур, күңелле кич өчен рәхмәт белдерәбез.