ЯҢАЛЫКЛАР

Атналык планерканы шәһәр мэры Рәгать Хөсәенов бүләкләр тапшырудан башлады.

Җиңел атлетика манежы базасында җиңел атлетика буенча Татарстан Республикасы команда чемпионаты һәм беренчелеге узды

Район газетасына еш кына халык көнкүреш калдыкларын чыгару өчен күп акча алулары турында мөрәҗәгать итәләр. Мондый сорауларга җавап бирер өчен без район башлыгы урынбасары С.Осянинга мөрәҗәгать иттек.

26 декабрь көнне Олы Тархан авылының урта мәктәбендә чыршы бәйрәме булып узды

20 декабрьдән республика районнары арасында Яңа ел чыршыларының иң матур бизәлешенә конкурс башланды.

24 декабрьдә шәһәрнең 2 нче мәктәбендә “Татар чыршысы” үтте. Бу бәйрәмдә татар телле балалар белән бергә, рус телле балалар да катнашты. Мондый традиция мәктәптә инде 10 еллап яши һәм анда балалар бик теләп катнаша. Бу юлы да мәктәпнең татар теле укытучылары сценарий төзеп, әкият геройларын да үзләре уйнады. Балалар бу бәйрәмдә укытучыларның катнашуын яратып карады һәм үзләренең яраткан җырларын җырлап, биюләрдә катнашып, вакытны бик куңелле үткәрделәр. Мондый чара балаларда татар теле һәм аның гореф-гадәтләренә  кызыксыну тәрбияләргә булыша.

Бүгенгесе көндә Зәй районында терлекчелектә 500 кеше эшли, шуларның 150 се сөт саву аппаратында эшләүчеләр, 110 терлек ашатучылар, 160 бозау караучылар.

Федоровка авылының мәктәбендә Яңа ел бәйрәме үткәрелде

Зәйнең «Энергетик» мәдәният йорты каршындагы мәйданда үзәк чыршы бүген тантаналы төстә утларын кабызды. Һава торышы каршылыкларына да карамастан күркәм итеп бизәлгән кар скульптуралар мәйданчыгы да гүзәллеген җуймады, ә җем-җем утлар быел аеруча серлелеге белән әллә кайдан үзенә тартып тора.

Яңа елны балалар гына түгел олылыр да бик теләп көтеп алалар. 2015 елда күп вакыйгалар булып үтте һәм алар барысы да тарихка кереп калачак. “Яңа шәһәр” территориаль үзидарәсе тарафыннан да бик күп чаралар, очрашулар һәм кичәләр үткәрелде.