ЯҢАЛЫКЛАР

1 гыйнвардан башлап декларация кампаниясе старт алды. Салым органнарына мөстәкыйль рәвештә керемнәре хакында мәгълүмат бирергә тиешле затлар исемлегенә түбәндәге гражданнар керә: - шәхси эшмәкәрләр, нотариуслар, адвокатлар һәм шәхси практика белән шөгыльләнүче затлар; - өч елдан кимрәк вакыт эчендә хосусыйлыкта торган милекне, кыйммәтле кәгазьләрне, башка төр капитал- ларны сатудан керем алган гражданнар; - теләсә нинди мөлкәтне, шул исәптән торырга яраклы һәм кеше яшәми торган бүлмәләрне арендага бирүдән керем алучы гражданнар; - лотерея, яки башка шундый төр уеннарда катнашып, отыш алган гражданнар; - салым тотып калынмаган керем алган гражданнар; - Россия Федерациясеннән читтә керем алган граж- даннар; - акчалата һәм натураль формада бүләк алган граж- даннар, бу очракта искәрмә буларак РФ Гаилә кодексы нигезендә гаилә әгъзалары булып торган бүләк бирүче һәм бүләк алучы кешеләр керми.

Күптән түгел Россия Гадәттән тыш хәлләр министрлыгының ТР буенча Баш идарәсе һәм ТРның Гадәттән тыш хәлләр министрлыгының 2015 елгы эшләргә йомгак ясау һәм агымдагы елга бурычлар буенча бердәм коллегиясе үткәрелде.

ТРның “Халык контроле” системасына ел башыннан дүрт минзәләле мөрәҗәгать иткән. Өч мөрәҗәгать шәһәр һәм район урамнарында кар чистартылмавы турында.

Беренче графа-авыл җирлекләре исеме, икенче- 2015 елда җирлек халкыннан җыелган сөт(тонналарда).

2010 нчы елдан бирле Муса Җәлил исемен йөртүче Минзәлә педагогия көллиятендә быел да митинг узды һәм шагыйрьнең парктагы бюсты янына да чәчәкләр салынды.  Тантаналы чарада көллият директоры Ренат Ибраһимов, Муса Җәлил музее директоры Алсу Григорьева, студентлар, педагогик хезмәт ветераннары, республикабызның төньяк-көнчыгыш төбәге районнарыннан килгән конференция кунаклары да катнашты. Митингтан соң көллияттә урта махсус белем учреждениеләре, мәктәпләр һәм мәктәпкәчә белем учреждениеләренең татар теле укытучылары өчен шагыйрьнең иҗатына багышланган “Җәлил – җырлый белгән бөркет, сугыша белгән былбыл” темасына фәнни-практик конференция узды.

“Органик Групп” идарәче компаниясенең “Минзәлә” агрофирмасы тартып бара алмагач, Мензелинский хуҗалыгы “Чулман” агрофирмасы- на кушылган. Юртауда дуңгыз тора- гына яшь малларны бәйсез асрауга күчерү өчен үз көчләре белән ярты ел дигәндә реконструкция ясадылар. Биредә хәзер 6 айдан алып 12 айга кадәр 200 баш мал асрала. Тиздән та- гын бер торакны реконструкцияләргә торалар. Хуҗалык җитәкчесе Валерий Логинов: – Фермада барлыгы 1600 баш мөгезле эре терлек исәпләнә, шуның 800 башы – савым сыерлары.

8 нче санлы “Кояшкай” балалар бакчасы базасында рус телендә сөйләшүче балалар өчен “Татарча сөйләшәбез” олимпиадасы үтте. Барлыгы районның 13 балалар учреждениесеннән әзерлек төркеменә йөрүче 26 бала катнашты. Ба- лалар татар теленнән белемнәрен сөйләм телен, җырда һәм телдән күнегүләрдә күрсәттеләр.

“Юность” боз сараенда 2003-2004 елгы яшүсмерләр арасында “Алтын алка” яшь хоккейчылар клубы Бөтенроссия ярышларының республика этабы узды.

Тарих, биология, технология, экология фәннәре буенча Бөтенроссия олимпиадасына нәтиҗә ясалды. Гүзәл Маләева (4нче мәктәп, 9 сыйныф) - тарихтан, Азалия Закирова (күппрофильле лицей, 10 сыйныф) – биологиядән, Алинә Галиева (күппрофильле лицей, 9 сыйныф), Мөшәррәф Шәмсиева (4нче мәктәп, 9 сыйныф), Инсаф Нотфуллин (Поч.Сутер, 11 сыйныф), Сәйдәш Мифтахов (Сәрдекбаш, 10 сыйныф) – технологиядән, Динә Абдуллина (Байлангар, 9 сыйныф) экологиядән призерлар булдылар. Илүзә Галәвиева (күппрофильле лицей, 8 сыйныф) биологиядән республика олимпиадасының йомгаклау этабында җиңү яулады.

Зур Сәрдек мәдәният йорты китапханәсендә, укытучы Зөлфия Ибәтуллина җитәкчелегендә, икенче сыйныф укучылары белән Герой-шагыйрь Муса Җәлилгә багышланган "Батырлык дәрес"ләре уздырылды.