ЯҢАЛЫКЛАР

27нче ноябрь көнне Лесхоз урта мәктәбендә 129нчы янгын сүндерү бүлеге хезмәткәрләре белән бик мөһим очрашу булды.

Балалар милли театр сәнгатен үстерү максатыннан Балалар иҗат үзәге тарафыннан 2025 елның 26 нчы ноябрендә Шәүкәт Биктимеров исемендәге балалар театр сәнгате  конкурсының йомгаклау этабы булып узды.

10 нчы ноябрьдән 14 нче ноябрьгә кадәр конкурсның сайлап алу туры үткәрелде. Конкурста катнашу өчен 28 театраль күренеш тәкъдим ителде. Шулар арасыннан иң яхшы 11 коллектив йомгаклау (финал) этабында чыгыш ясады.

Явлаштау урта мәктәбе  укучылары  быел да Бөтенроссия Алдынгылар хәрәкәте бүлекчәләре бәйгесендә катнашалар.

Олы Шыңар урта мәктәбе "Татарча диктант-2025" Бөтендөнья акциясендә катнашты. Быел «Татарча диктант» акциясе унынчы мәртәбә уздырыла һәм күренекле галим, мәгърифәтче Каюм Насыйриның 200 еллыгына багышлана. Диктант Каюм Насыйриның "Кабуснамә"хикәясеннән өзекләр буенча язылган.
Чарада 105 кеше катнашты. Иң өлкәненә 70 яшь ( Һадиева Фәнзилә Җәмил кызы), иң яшенә - 7 яшь ( Әхмәтов Айзат Айдар улы).
 

2025 нче елның 06-10 нчы октябрь көннәрендә “Патриот” үзәге базасында Саба муниципаль районының 10 класс егетләре белән хәрби хезмәт нигезләре буенча биш көнлек уку җыеннары уздырылды. Җыенның максаты - унынчы сыйныф укучыларында Россия Федерациясе Кораллы Көчләре турында бербөтен күзаллау формалаштыру, хәрби хезмәткә аңлы мөнәсәбәт формалаштыру, укучыларның физик әзерлеген яхшырту. 

Саба районы “ОНИКС” белем бирү үзәгенең 6Б сыйныфы командасы «Президент ярышлары»ның республика этабында җиңү яулап,  Краснодар краеның «Орлёнок» Бөтенроссия балалар үзәгендә узган әлеге ярышның Бөтенроссия этабында Татарстан Республикасын лаеклы тәкъдим иттеләр!

Ш.З.Зиннуров исемендәге Сатыш урта мәктәбендә «Милләтләр кроссы - 2025» Бөтенроссия йөгерү көне һәм «Татарстан кроссы - 2025» республика бәйгеләре кысаларында массакүләм йөгерү ярышы булып узды.