ЯҢАЛЫКЛАР

27нче ноябрь көнне Лесхоз урта мәктәбендә 129нчы янгын сүндерү бүлеге хезмәткәрләре белән бик мөһим очрашу булды.

Балалар милли театр сәнгатен үстерү максатыннан Балалар иҗат үзәге тарафыннан 2025 елның 26 нчы ноябрендә Шәүкәт Биктимеров исемендәге балалар театр сәнгате  конкурсының йомгаклау этабы булып узды.

10 нчы ноябрьдән 14 нче ноябрьгә кадәр конкурсның сайлап алу туры үткәрелде. Конкурста катнашу өчен 28 театраль күренеш тәкъдим ителде. Шулар арасыннан иң яхшы 11 коллектив йомгаклау (финал) этабында чыгыш ясады.

Россиядә гадәттәгечә ноябрьнең соңгы якшәмбесендә билгеләп үтелә торган Әниләр көне алдыннан, быел ул 30 ноябрьгә туры килә, ДБГУ "Сәламәтлек мөмкинлекләре чикләнгән балалар өчен Курсабаш мәктәп-интернаты" әлеге җылы гаилә бәйрәменә актив әзерләнәләр. Иң дулкынландыргыч һәм популяр шөгыльләрнең берсе-Әниләр өчен үз кулларың белән открыткалар ясау.

Укучылар рәхәтләнеп үзләренең мәхәббәт һәм рәхмәт символы булачак уникаль бүләкләр ясыйлар. Бу балаларның иҗади сәләтләрен үстереп кенә калмый, аларга иң кадерле кешеләргә — Әниләргә карата хисләрен белдерергә дә мөмкинлек бирә.

Сабанын 4 нче номерлы "Кынгырау" балалар бакчасында "Бәйләнешле сөйләм телен үстерүнең нәтиҗәле юллары" темасына семинар булып үтте. Семинар кысаларында 4 шөгыль, 6 мастер-класс күрсәтелде:
1. "Серле кулъяулык" дигән шөгыль, зурлар төркеме балалары өчен, тәрбияче Хазиева А.Г.
2. "Әниемә бүләк" шөгыле, мәктәпкә әзерлек төркеме өчен, тәрбияче Салимова Г.Р.
3. "Ш лы урман" шөгыле, логопед Сабирова М М.
4. "Остров знаний", рус теле шөгыле мәктәпкә әзерлек төркеме өчен, рус теле тәрбиячесе Мавлявиева Л. А.
Мастер - класслар:
1. "Дөрес сулыйбыз" - дидактик уеннары, тәрбияче Габбасова Л.Р.
2. "Виммельбух , китаплары" - Сайфутдинова Л.Т.
3. "Молберс ташлары", Ибрагимова Д.С.
4. "Мемо уены", Ахтямова Р.М.
5. Николаева А К. "Тылсымлы планшет".
6. "Речимяч", Гараева А.М.
Музыка җитәкчесе Хисамиева Г. Р. кунакларны каршы алу мизгелен Милли стильдә оештырды. Семинар да бәйләнешле сөйләм телен үстерү юллары тулаем яктыртылды.

Мәктәбебездә “Азык- төлек сәнәгате биотехнологиясе” юнәлеше буенча агрокласс ачылды. ООО “Саба” җәмгыяте ярдәме белән җиһазлар кайтарылды, балаларга эшләр өчен шартлар тудырылды.

Ачылышка Татарстан Республикасы авыл хуҗалыгы һәм азык-төлек министры Җәббәров Марат Азат улы, Саба районы хакимияте башлыгы Минниханов Рәис Нургали улы, Казан дәүләт аграр университеты ректоры Нуриев Илшат Габделфәрт улы һәм башка бик зур мөхтәрәм кунаклар килделәр. Агрокласс укучылары яңа кайткан җиһазлар белән төрле тәҗрибәләр ясап күрсәттеләр.

Олы Кибәче урта мәктәбе базасында  тәрбия эше буенча директор урынбасарлары һәм директор киңәшчеләре өчен «Балигъ булмаганнар арасында хокук бозуларны профилактикалау: социаль эшнең мөһим аспекты" дигән темага район семинары узды. Семинарның төп максаты -  хокук бозуларны профилактикалау өлкәсендә педагогларның компетенцияләрен күтәрү, укучыларның хокукый белемнәрен ныгыту.

Иштуган урта мәктәбендә әниләр һәм әтиләр көненә багышланган “Әти, әни һәм мин – бер команда” дип исемләнгән спорт бәйрәме булып үтте.

Бу чара кызыклы уеннар, мавыктыргыч башваткычлар, онытылмас эмоцияләр бүләк итте. Ярышлар укучыларның матур чыгышлары белән үрелеп барды.

Эзмә урта гомумбелем бирү мәктәбе алдынгылары  атна дәвамында МХО катнашучылары өчен гуманитар ярдәм җыйдылар. Әлеге акциядә укытучылар, мәктәпнең техник хезмәткәрләре, укучылар һәм аларның әти-әниләре катнашты. Җыелган буш консерв банкаларыннан балалар окоп шәмнәре ясадылар. Бүген укучылар җыелган барлык гуманитар ярдәмне: окоп шәмнәре, азык-төлек, коры пайкалар, җылы оекбашлар, гигиена предметлары, шулай ук хатлар һәм открыткалар белән котлауларны махсус коробкаларга тутырып, барысын да Байлар Сабасында урнашкан "Солдатка аш" ярдәм пунктына, киләчәктә махсус хәрби операция зонасына җибәрү өчен алып килделәр.
Акциядә катнашучыларның барысына да рәхмәтебезне белдерәбез!
Геройларыбызга җиңү телибез һәм аларны туган якларыбызда көтәбез!

"Иң яхшы билингваль балалар бакчасы 2025" республика конкурсында җиңүчеләрне бүләкләү тантанасы булып узды.  Сабаның 5 нче номерлы "Бэлэкэч"  балалар бакчасы да 500 000 сумлык Грант иясе булды.

2025 елның 20 ноябрендә Татарстан Республикасының Арча, Әтнә, Кукмара, Саба һәм Теләче муниципаль районнарының мәктәпкәчә учреждениеләрендә тәрбияләнүчеләр арасында «Күңелле стартлар» республикакүләм спорт уеннары узды. «Арча» спорт мәктәбе» өстәмә белем бирү муниципаль бюджет учреждениесе базасында 25 балалар бакчасыннан 50 яшь спортчы җыелды.