ЯҢАЛЫКЛАР

 Саба балалар сәнгать мәктәбенең музыка бүлеге баян классына йөрүчеләр өчен «Беренче сыйныф укучысы көне» дип исемләнгән бәйрәм чарасы узды. Бу чара укучыларның укуларын күнекмәләрен арттыруга, мәктәптә дөрес тәртип күнекмәләрен тәрбияләүгә һәм иҗади сәләтләрен ачыклауга юнәлдерелгән. Чарада барысы да музыкаль номерларда катнаштылар, югары сыйныф укучыларының үгет-нәсихәтләрен зур игътибар белән тыңладылар. Мәктәптә әлеге көн бәйрәм генә түгел, ул тормышның яңа баскычына күтәрүче дә. Һәр катнашучы вакытны күңелле итеп үткәрде, яңа дуслар тапты, үзендә элек билгеле булмаган сыйфатларны ача алды.

Саба район китапханәсе "Кабак бәйрәме - 2023" район иҗат фестивалендә катнашты. Бәйрәм Байлар Сабасының үзәк мәйданында узды, анда кабак һәм башка яшелчәләрдән композицияләр күргәзмәсе булды. Китапханә хезмәткәрләре район халкы өчен фотозона оештырды.

20 нче сентябрьдән 22 нче сентябрьгә кадәр Казан ЭКСПОда Татарстан Республикасы Рәисе Р.Н.Миңниханов катнашында «Kazan Digital Week – 2023» халыкара форумы уза. Форум кысаларында Татарстан Республикасының төрле районнарыннан Халык сәнгать кәсепләре күргәзмәсе үткәрелә. Саба районыннан әлеге күргәзмәгә Саба балалар сәнгать мәктәбеннән "Шәмәрдән уенчыгы" экспозициясе күрсәтелде ( укытучы Сафина Р.К.). Ул татар халкының тарихы һәм көнкүреше композицияләрен үз эченә алды.

Шәмәрдән балалар китапханәсе «Эрудит» клубы әгъзалары өчен “Минем һөнәрем - китапханәче” һөнәри юнәлеш бирү сәгате үткәрде. Балалар китапханәсе мөдире Галиәкбәрова Р.Х. үзенең яраткан һөнәрен тәкъдим итте, китапханәче эшенең өстенлекләре һәм кызыклы мизгелләре турында сөйләде. Бу һөнәр искиткеч, ул иҗади, энергияле, талантлы кешеләр өчен зур мөмкинлекләр бирә. Балалар заманча китапханәче китап саклаучы гына түгел, ә укытучы, артист, маркетолог, психолог һәм мәгълүмати технологияләр өлкәсендә белгеч дигән кызыклы әңгәмә тыңладылар.

14 сентябрь көнне Саба балалар сәнгать мәктәбенең  рәсем бүлеге укытучылары  Газизова Гүзәл Равил кызы һәм Галиева Эльвира Раеф кызы, шулай ук Шәмәрдән филиалы укытучысы Иванова Мәдинә Илдус кызы яңа уку елы алдыннан ата-аналар җыелышы үткәрделәр. Анда укучыларның белем бирү программасын үзләштердә иң мөһим мәсьәләләре турында фикер алыштылар. Шулай ук уку процессы буенча актуаль мәсьәләләр дә сөйләшенде. Ата-аналарга укучыларга ярдәм итүнең мөһимлеге, балаларның уку дәверендә очраткан каршылыклары һәм аларны хәл итү ысуллары турында әйтелде.

2023 елның 9 сентябрендә (иске стиль буенча 28 август) рус әдәбияты тарихына, дөнья мәдәнияте хәзинәсенә кыйммәтле өлеш керткән иң бөек рус язучыларының берсе Лев Толстойның тууына 195 ел тула.

Лев Николаевич Толстойны психологизм остасы, роман — эпопея жанрын булдыручы, оригиналь фикер иясе һәм тормыш укытучысы дип атыйлар. Гениаль язучының әсәрләре Россиянең иң зур байлыгы. Аның мирасы 90 томлык нәфис һәм публицистик әсәрләр, көндәлек язулары һәм хатлар тәшкил итә.

Язучының юбилеена Шәмәрдән балалар китапханәсендә «Урыс җаны көзгесе» китап күргәзмәсе оештырылды. Күргәзмәдә язучының танылган әсәрләре тәкъдим ителде: «Анна Каренина», «Война и мир», «Воскресение»,  «Детство. Отрочество. Юность» автобиографик трилогиясе, «Кавказский пленник», «После бала», «Севастопольские рассказы» хикәяләре һәм балалар китаплары булды. Әлеге китаплар укучы алдында язучының биографиясеннән фактларны, аның тормышы турында замандашларының истәлекләрен ачты, төрле яшьтәге һәм төрле зәвыклы укучыларга кызыклы булды.

2023 нче елның 2 нче сентябрендә Т. Нәҗмиев исемендәге Шәмәрдән авыл китапханәсе һәм балалар китапханәсе хезмәткәрләре «Йөгерүче китап – 2023» дип исемләнгән көзге Бөтенроссия интеллектуаль йөгерешендә катнаштылар. Әлеге социаль-мәдәни акция китапханәләрне инновацион, креатив тирәлек, танып-белү өчен ял итү урыннары һәм мәдәни тормыш үзәкләренең берсе буларак популярлаштыруга юнәлдерелгән. Акциянең үзенчәлекле форматы китапханәләргә яңа уку аудиториясен җәлеп итәргә ярдәм итә һәм үз эченә интерактив һәм спорт элементларын ала. Идеянең авторлары- А. П. Гайдар исемендәге шәһәрнең үзәк балалар китапханәсе «Лесной шәһәре» шәһәр округы  һәм Новоуральск шәһәр округының халык китапханәсе. Шәмәрдән китапханәсе хезмәткәрләре алдан эшләнгән маршрут буенча старт алды, алар Шәмәрдән урамнары буйлап үтте. Үтеп баручыларга милли мәдәниятләр һәм традицияләр елына кагылышлы сораулар бирелде, дөрес җавап бирүчеләргә бүләкләр өләшенде.

30 август көнне Саба район китапханәсе Татарстан Республикасы көненә багышланган бәйрәмдә катнашты. Китапханәчеләр балалар өчен мәйданчык оештырдылар, анда үз кулларың белән китаплар өчен кыстыргыч ясарга, Татарстан флагын буярга мөмкин иде. Чарада "Татарстан-Без бергә!" дип исемләнгән китап күргәзмәсе  куелды, шулай ук китапханә хезмәткәрләре бәйрәмдә халыкка тасмалар тараттылар.

Татарстан Республикасында милли мәдәниятләр һәм гореф-гадәтләр елы кысаларында балалар һәм яшүсмерләр өчен Керәнле авыл клубында "Әбиемнең серле сандыгы" дигән фольклор сәгаь узды. Яңа Мичән авыл китапханәсе белән берлектә оештырылган чара барышында татар крестьян көнкүреше тарихы белән танышу булды.

Август аенда Россия язучысы, әдәби тәнкыйтьче, фронт газеталары хәбәрчесе, Дәүләт премияләре һәм бүләкләре лауреаты, сугыш һәм сугыштан соңгы чор турында китаплар авторы Александр Борисович Чаковскийның тууына 110 ел тула. 26 августта Шәмәрдән модель китапханәсендә «Свет далекой звезды» дигән авторның күргәзмәсе оештырылды, анда авторның тормышы һәм иҗаты турында сөйләүче китаплар тәкъдим ителде. Күргәзмәнең төп өлеше булып Александр Чаковский иҗатының иң югары ноктасы булган «Блокада» роман-эпопеясы тора. Роман якты, темпераментлы, талантлы итеп язылган, ул укучылар арасында танылу ала.