ЯҢАЛЫКЛАР

8 март көнне Байлар Сабасына, эш сәфәре кысаларында, Рөстәм Миңнеханов килде. Капиталь ремонттан соң Саба район үзәк китапханәсендә булды. Бина 1964 елда ук төзелгән. 2023 елда биредә масштаблы реконструкция башланды. Нәтиҗәдә, китапханә тулысынча үзгәрә. Укучыларга уңайлы булсын өчен яңа җиһазлар сатып алынган. Аерым алганда, китапларны электрон укучы билетына теркәргә һәм кире кайтарырга мөмкинлек бирүче терминал барлыкка килгән.

3 мартта Саба район китапханәсендә ротангадан кашпо үрү буенча мастер-класс үткәрелде. Мастер-класста 7 кеше катнашты.

1 март көнне район балалар китапханәсе хезмәткәрләре Саба гимназиясенең 6 “Г” сыйныф укучылары өчен  «Барысын да белергә телим»дип исемләнгән интеллектуаль уен үткәрделәр. Укучылар 2 командага бүленеп, кызыклы, мавыктырыч, фикерләү турлары аша үз белемнәре белән көч сынаштылар. Интеллектуаль уен аша укучылар  үзләренең белем запасын күрсәтеп кенә калмыйча, уңай эмоцияләр  алып, күп кызыклы мәгълүматлар  белделәр. Чара “Шәм ясау” мастер-классы белән тәмамланды.

«Бер очрашу – үзе бер гомер» -  очрашу, кичә.
1 март - язның беренче көнендә, Саба район китапханәсе лаеклы ялда булган ветеран китапханәчеләрне үзенә җыйды. Чараны реконструкциядан соң яңартылган яңа бина буенча экскурсиядән башладык.Үзгәрешләр, китапханә эшчәнлегенә күзәтү ясап, элек эшләгән эш урыннарын исләренә төшерделәр, хәтирәләр яңарттылар.
Чараның икенче өлешен чәй өстәле артында дәвам иттек. Өлкәннәребезгә китапханәбездә эшләнгән эшләр, ирешелгән үрләр турында Ләйсән Ракиповна таныштырды. Озак еллар мәдәният бүлеген җитәкләгән Миннехат Гатович үзенең хис – кичерешләре белән уртаклашты, соклану, рәхмәт сүзләрен җиткерде. Һәр китапханәче үз эшчәнлеге турында, тормышы, эштә булган кызыклы вакыйгалар белән уртаклаштылар. Мәдәният бүлеге җитәкчесе Рөстәм Фидаилевич өлкәннәребезгә олы рәхмәтләрен җиткереп, алга таба да безгә өлге булырга язсын дигән теләкләр белән таралыштылар

25 февральдә А.Гайдар исемендәге Казан шәһәрендә “На высоте” бөтенроссия фестиваль-конкурсы узды. Конкурс нәтиҗәләре буенча  “Экспромт”  хореография коллективы, “Сплетение” төркеме I дәрәҗә лауреат исеменә лаек булды. “Экспромт” хореография коллективы I дәрәҗә лауреат дипломы һәм иң яхшы номер өчен сертификат белән бүләкләнде. Коллектив җитәкчесен (А. М. Давыдова) һәм укучыларны котлыйбыз, алга таба да җиңүләр телибез!

Күренекле композитор, ТАССР (1966), РСФСР(1974) ның атказанган сәнгать эшлеклесе, якташыбыз Хөснул ага Вәлиуллинның тууына 110 ел. “Хөснулла һәм Аллаһияр Валиуллиннар исемендәге сәнгать мәктәбе”ндә укучылар, укытучылар катнашында “Онытырга мөмкин түгел” исеме астында искә алу кичәсе уздырылды.

Композиторның тормыш юлы, иҗаты турында мәгүлүматләр җыелды. Казан шәһәрендә яшәүче гаиләсе янына барып, тарихи материаллар барланды. Туганнары белән очрашып, бүгенге көнгә кадәр билгеле булмаган кызыклы фактлар ачылды. Барлык мәгълүматлар бергә тупланып, бай эчтәлекле искә алу кичәсе оешты.

2024 елның 20 февралендә, Татарстан Республикасы Премьер-министрының беренче урынбасары Нигъмәтуллин Р.К. катнашында, Татарстан Республикасы Саба муниципаль районының йомгаклау сессиясе  булып узды. Эш визиты барышында Нигъмәтуллин Р. К. реконструкциядән соң яңа ачылган Әбрар Кәримуллин исемендәге район китапханәсендә булды.

20 февраль көнне Саба район үзәк китапханәсе реконструкциядән соң заманлаштырылган яңа бинада үз эшен башлап җибәрде һәм тәүге кунакларын кабул итте. Татарстан Республикасы премьер –министрның беренче урынбасары Нигъматуллин Рөстәм Камил улы, РФ Дәүләт думасы депутаты И.Вольфсон, Саба муниципаль районы башлыгы Раис Нургали улы Миннеханов  китапханәнең эшчәнлеге, китапханә каршында эшләп килүче клуб берләшмәләре белән таныштылар.
Саба сәнгать мәктәбеннән килгән рәсем укытучысы Гүзәл Равил кызы “Алтын куллар” клуб берләшмәсенә рәсем ясау буенча мастер - класс күрсәтте. 
Районыбызның танылган язучылары Гөлсинә Галимуллина, Илмира Гимаева да  үзләренең иҗади уңышлары белән бүлештеләр.
Шәүкәт Биктимеровның  тууына 95 ел тулу  уңаеннан үткәрелгән “Гаилә белән әкият илендә” видеоконкурсында җиңү яулаган Симет авылыннан Гатауллиннар гаиләсе Х.Такташның “Тәүфыйклы песи” шигырен сәхнәләштерделәр.
Саба гимназиясенең 4 А сыйныф укучыларына Халыкара туган тел көне уңаеннан “Туган телем – татар  теле” дип исемләнгән әдәби сәгать үткәрелде.
“Өлкәннәр” клуб берләшмәсе өчен патриотик чара әзерләнгән иде.Әлеге чарада Хайриев Илнур Зөфәр улы да катнашты, тарихи истәлекләр искә төшерелде.
Китапханәбездә яшьләр өчен уңайлы мәйданчыклар барлыкка килде. Аудио китап, колакчыннар, планшетлар ярдәмендә үзләре кызыксынган китапны укый, тыңлый алалар.Бүген яшьләр шуны сынап карады.
Китапханә яңа мөмкинлекләргә бай. Шушы мөмкинлекләрне тудырган Район җитәкчесе Рәис Миннихановка, мәдәният бүлеге начальнигы Рөстәм Фидаилевичка чиксез рәхмәтләребезне белдерәбез.

15 февральдә Хөснулла һәм Аллаһиар Вәлиуллиннар исемендәге Саба балалар сәнгать мәктәбендә "Чабата биюе" темасына хореография буенча мастер-класс  булып узды . Мастер-класста Саба районы авыл мәдәният йортлары, китапханә хезмәткәрләре катнашты. Бию мастер-классын Саба балалар сәнгать мәктәбе хореографы Мөбарәкҗанова А. З.  үткәрде.

Интеллектуаль уен - катнашучылар тарафыннан үз интеллектын һәм эрудициясен куллануга нигезләнгән массакүләм уен төре. Уенчылар үз белемнәрен төрле тармаклардагы сорауларга җавап биреп тикшерерләр, ә атап әйткәндә: «Разминка», «Табигать», «Әдәби геройлар исеме», «Тарихи шәхесләр», «Язучылар һәм аларның геройлары», «Барысын да аз-азлап». Һәр команда үзенең белем дәрәҗәсен күрсәтә, логик фикерли, фикер йөртә, исбатлый ала. Теләсә кайсы команда уенындагы кебек үк, нәкъ менә бердәмлек һәм дуслык, үзара аңлашу җиңүгә китерә. 10 февраль көнне Олы Кибәче авыл китапханәсендә, фән көне уңаеннан, интеллектуаль уен үткәрелде, анда кызыклы фәнни сорауларга җавап биреп, яшьләр катнашты.