ЯҢАЛЫКЛАР

 Җаваплылыгы чикләнгән “Игенче” җәмгыятенең юл кырыйлары чүп-чардан , таштан арындырылды, басулардагы юллар тәртипкә китерелде.

    Шушы көннәрдә  җавалылыгы чикләнгән “Игенче”  җәмгыятенең төрле тармакта эшләүче иң яхшы хезмәткәрләре  бүләкләнде. “Игенче” ҖЧҖнең җитәкчесе  Алмаз Зөфәрович Зарипов ,  авыл хуҗалыгы тармагының үсешенә   зур өлеш керткән һәм күпьеллык намуслы хезмәтләре өчен Саба муниципаль районы башлыгы Р.Н. Миңнехановның Мактау грамоталарын һәм Рәхмәт хатларын тапшырды.

    Хәзерге вакытта җаваплылыгы чикләнгән “Игенче”җәмгыятендә уҗым культураларын һәм зябь тырмалау буенча эшләр алып барыла. Шулай ук  уҗым культуралары  һәм күпьеллык үләннәр минераль КАС -32 ашламасы белән тукландырыла.

      Җаваплылыгы чикләнгән "Игенче"  җәмгыяте  изге Рамазан аенда саваплы , игелекле эшләр башкаруын дәвам итә.

    2023 елның 04 апрелендә "Игенче" ҖЧҖдә  тракторларны , прицепларны һәм башка үзйөрешле машиналарга техник карау узды. Чарада Татарстан Республикасы Дәүләт техник күзәтчелеге идарәсенең Саба муниципаль районы буенча баш дәүләт инженер-инспекторы Ибраһимов Ильяс Нәкыйп улы һәм хуҗалык белгечләре катнашты.

  2021 елда «Игенче» ҖЧҖ дә эшләүчеләр арасында тупланган “Игенче” хоккей командасы, районда гына түгел  күрше районнарга да барып үзләренең матур уеннарын күрсәтәләр.

      24 нче февраль көнне Лесхоз бистәсендә  авыл хуҗалыгы оешмалары арасында узган чаңгы ярышында ҖЧ “ Игенче” җәмгыятеннән өч команда: “Игенче-I” , “Игенче -II” ,“Игенче- III” катнашты. Ярыш барышында “Игенче I”  командасына тиңнәр булмады- I нче урынга лаек булдылар.“Игенче -II” ,“Игенче- III”  командалары IV нче Vнче урыннарны бүлеште.

    17нче февраль көнне җаваплылыгы чикләнгән “Игенче” җәмгыяте үз хезмәткәрләре арасында традицион “ Чаңгы юлы Игенче-2023” массакүләм  чаңгы ярышы үткәрде. Сәламләү сүзе белән “Игенче” ҖЧҖ нең генераль директоры А.З.Зарипов  чыгыш ясады. Иң популяр спорт төрләренең берсе булган чаңгы ярышында 100дән артык спорт сөюче хезмәткәр катнашты. Ярышның массакүләм популярлыгы гаҗәп түгел. Чөнки чаңгы ярышлары төрле яшьтәге, төрле һөнәр ияләренен берләштерә.

   11 нче февраль көнне  Саба муниципаль районында  узган «Россия чаңгы юллары-2023» һәм «Татарстан чаңгы юллары-2023» Бөтенроссия массакүләм чаңгы ярышында ҖЧ “Игенче” җәмгыяте  командасы  да  катнашты.

      2023 елның 9 нчы  һәм 10 нчы февралендә, җаваплылыгы чикләнгән "Игенче"  җәмгыятендә Казан шәһәреннән килгән, югары категорияле табиблар тарафыннан 165 хезмәткәргә  медицина тикшерүе уздырылды. Икенче ел рәттән «Игенче» җәмгыяте , ҖЧ “Ак Барс Медицина » җәмгыяте белән медицина тикшерүләре үткәрү турында килешү төзи. Хезмәткәрләр җитештерү факторлары буенча , эш төренә карап тикшерелде:  невролог , оториноларинголог , терапевт, психиатр, нарколог, офтальмолог, гинеколог, хирург, кан анализлары тапшырды . Барлык хезтәткәрләр дә  медицина тикшерүе кысаларында алган медицина хезмәтләрнең сыйфаты белән канәгать калдылар.