ЯҢАЛЫКЛАР

           20 нче октябрь көнне ҖЧ “Игенче” җәмгыяте җитәкчесе Алмаз Зөфәр улы Зарипов  җитәкчелегендә игенче механизаторлар, шоферлар, ветераннар, әйдәп баручы белгечләр район үзәгендә Авыл хуҗалыгы хезмәткәрләре көненә багышланган тантаналы чарада катнаштылар.

    Халыкара өлкәннәр көне уңаеннан “Игенче” хуҗалыгы җәмгыятендә эшләп,  хәзерге көндә лаеклы ялда булган  265  ветеранга  азык-төлек тутырылган пакет өләшенде.Күчтәнәчләр тупламасына көндәлек  кирәкле ризыклар : чәй,көнбагыш мае, ике төрле токмач, дөге, карабодай,солы ярмалары,җимеш, татлы пироглар кергән. 

     Җаваплылыгы чикләнгән “Игенче” җәмгыятендә юлларны тәртиптә тотуга зур игътибар бирелә. Җәмгыятьнең сөтчелек комплексларына керү юлларына  вак таш җәелде , амбарларга керү  өчен күтәртелеп юллар салынды.

16 нчы  сентябрь көнне узган "Милләт кроссы -2023"  Бөтенроссия йөгерү көне һәм "Татарстан кроссы -2023" республика массакүләм ярышларында  ҖЧ “Игенче” җәмгыятендә эшләүче хезмәткәрләр дә катнашты.

         2023 елның 7 нче  сентябрендә «Игенче» ҖЧҖ дә кукуруз үстерү буенча киңәшмә узды. Киңәшмәдә Саба муниципаль районы башлыгы Р. Н.Миңнеханов, Саба авыл хуҗалыгы һәм азык-төлек идарәсе башлыгы Хәсәншин Г. Ш., «Казан Агрохимсервис» ҖЧҖ вәкилләре, Саба авыл хуҗалыгы  Һәм азык-төлек идарәсе  белгечләре , район авыл хуҗалыгы оешмалары  җитәкчеләре, игенчелек буенча консультантлар, «Россельхозцентр» ФДБУ филиалы белгечләре катнашты.

      Кукурузны механизаторлар Газиянов Рөстәм һәм Гыймранов Нияз ура.

    Массаны ташуга биш "КамАЗ" машинасы җәлеп ителгән:- шоферлар Сафиуллин  Мөнир,Сабирҗанов Айнур,  Зарипов Ленар, Исхаков Әгъзам, Гатауллин Айрат , бер МТЗ 1221 тракторы :- механизатор Газизов Минтимер.

    Силос массасын тигезләп таптауда  К -702 һәм Т-150 тракторы җәлеп ителгән, аларны тәҗрибәле механизаторлар Тимергалиев Ришат, Галиев Илһам, Хәертдинов Фәрит иярли.

   Җаваплылыгы  чикләнгән “Игенче” җәмгыятендә эшләүчеләр өчен август ае истәлекле даталарга бик бай булды .Шушы җәмгыятьтә эшләүче берничә хезмәткәр мактаулы бүләкләр алды.

    Күптән түгел генә язгы чәчү үтте, аннары терлек азыгы әзерләү кампаниясе башланды, ә инде бүген “Игенче” ҖЧҖ  кырларында урып-җыю эшләре тәмамлану өстендә.

    Параллель рәвештә кырдагы салам рулоннарга төрелә һәм хуҗалык территориясенә кайтарыла, терлекләр өчен азык запасы тулыландырыла.

    Бугеннән җәмгыятьтә эшләүче хезмәткәрләргә,  халыктан арендага алынган җир пайлары  өчен  салам өләшенә башлады.

    Яхшы сыйфатлы  салам, чикләнмәгән күләмдә, һәркемнең  капка төпләренә кадәр китерелеп, урнаштырып куелачак.

   27 нче июль көнне ҖЧ “Игенче” җәмгыяте бөртекле культураларны урып-җыюга кереште.