ЯҢАЛЫКЛАР

  “Игенче”леләр бу бәйрәмне шактый матур күрсәткечләр белән каршыладылар. Агымдагы елда игенчеләребез  2132 гектар мәйданны биләгән бөртекле, бөртекле-кузаклы культуралардан барлыгы  8281 мең тонна ашлык җыеп алдылар. Уңыш гектарга  38,8 центнерны тәшкил итте.

   Ел саен ноябрь аенда , барлык әниләргә хөрмәт һәм аларның хезмәтләрен тану йөзеннән  – Әниләр көне билгеләп үтелә. Җаваплылыгы чикләнгән  “Игенче” җәмгыяте дә традиция буенча , бу күңелле бәйрәмнән читтә калмый. Шушы матур бәйрәм алдыннан,  хатын- кыз хезмәткәрләрне , Казан шәһәренә концертка алып бару оештырылды.  Җәмгыятьтә хезмәт куючы  гүзәл затлар,  төрле тармакларда  эшләүче хезмәт ияләре :- сыер савучы, терлекче, ветеринар санитар, повар , бухгалтерлар.

    24 нче октябрь көнне җаваплылыгы чикләнгән “Игенче” җәмгыятендә Авыл хуҗалыгы hәм эшкәртү сәнәгате хезмәтчәннәре көне белән котладылар.

    Җаваплылыгы чикләнгән ”Игенче” жәмгыятендә  Авыл хуҗалыгы hәм эшкәртү сәнәгате хезмәтчәннәре көне унаеннан азык-төлек җыелмасы салынган пакетлар бирелде.

        Җаваплылыгы чикләнгән " Игенче" җәмгыяте кырларында көзге басу эшләре : җир катламын тирәнәйтү, туңга сөрү эшләре бара. Җир эшкәртү эшләрен югары темпларда алдынгы механизаторлар : Зарипов Ленар, Тимергалиев Ришат, Галиев Илһам , Газизов Минтимер, Газизов Салават , Сираҗиев Сәлим, Мәҗитов Альберт,Хаертдинов Динар,  Нотфуллин Әнисләр  башкара.

      Җаваплылыгы чикләнгән "Игенче" җәмгыяте ,ел саен, пакетлар  тулы күчтәнәчләре белән өлкәннәрне шатландырып тора. Бу чара - матур традициягә әйләнде инде .Өлкәннәр көне уңаеннан, шушы җәмгыятьнең төрле тармагында эшләп, лаеклы ялга чыккан, сигез авылда яшәп гомер итүче  270 ветеран  хөрмәтләнде.

         2022 елның 13 сентябрендә «Игенче» ҖЧҖ базасында кукуруз үстерү буенча киңәшмә узды. Киңәшмәдә Саба муниципаль районы башлыгы Р. Н.Миңнеханов, Саба авыл хуҗалыгы һәм азык-төлек идарәсе башлыгы Хәсәншин Г. Ш., «Казан Агрохимсервис» ҖЧҖ вәкилләре, Саба авыл хуҗалыгы  Һәм азык-төлек идарәсе  белгечләре , район предприятиеләре җитәкчеләре, игенчелек буенча консультантлар, Актаныш, Алексеевск, Балтач, Кукмара районнарының авыл хуҗалыгы тармагы вәкилләре, «Россельхозцентр» ФДБУ филиалы белгечләре катнашты. Агымдагы елда җәмгыятьтә, «Казан Агрохимсервис» ҖЧҖ белән берлектә , 5 гектарлы тәҗрибә кырында кукурузның 19  гибриды  чәчелде.

    Җаваплылыгы чикләнгән " Игенче " җәмгыятендә 10 нчы, 11 нче  сентябрь көннәрендә, арендага биргән пай җирләре өчен һәм шушы җәмгыятьтә эшләүче эшчеләргә  хезмәт хакына ашлык бирелде.

      Җаваплылыгы чикләнгән "Игенче" җәмгыятендә  силоска кукуруз хәзерләүгә керештеләр. Бу культура барлыгы  600 гектарны били. Югары энергетик кыйммәткә ия булган сусыл азыкны куллану сыерларның продуктлылыгын арттыра. Җәмгыятьтә, силос- терлекләр рационының иң зур күләмен алып тора.

     Укучы балалар җәйге каникулларда   өч ай буе буш диярлек. Кайберләре  өчен җәй -ял итү вакыты булса , икенчеләре  өчен җәй – акча эшләп алу, әти-әнигә ярдәм итү вакытыда.

     Быел ҖЧ “Игенче”җәмгыятенә мәшгүллек үзәге аша 29 укучы вакытлыча эшкә урнашты.Балигь булмаганнар өчен куркыныч һәм травматизм белән бәйле булмаган эшләр каралган – тәзекләндерүдә, яшелләндерүдә катнашу.

    Ашлыкны үстерү Һәм җыеп алу гына түгел, ә тулаем уңышны саклап калу да мөһим.Ашлык эшкәрткәндә һәм саклаганда уңыш югалтуларын киметү  максатыннан “Игенче” ҖЧҖдә ике  яңа ашлык киптерү комплексы төзелеп кулланышка тапшырылды. Ашлык киптерү комплексында заманча җиһазлар кулланыла,  барлык эшләр автоматлаштырылган. Җайланма  чистарту, киптерү операцияләрен башкара. Биредә хезмәткәрләр ике сменада эшли. Җәмгыятьтә , шушында туып-үскән авыл уңганнары намуслы хезмәт итә:- коллектив тотрыклы, тәҗрибәле. Баш энергетик Шаймарданов Ранур ,  операторлар Асадуллин Расих, Закаров Дамир, Ибрагимов Фиргать ,  Мазитов Радик, Рамазанов Марат, Федоров Эдуард  ашлык киптергечләрнең дөрес эшләвен көйли.