ЯҢАЛЫКЛАР

"Демография" милли проекты кысаларында авыл җирлегендә яшәүче 65 яшьтән өлкәнрәк гражданнарны Саба районы медицина учреждениеләренә илтү гамәлгә ашырыла.

Бүген Олы Шыңар, Кече Шыңар, Чулпыч һәм Мингер авыллары халкы өчен оештырылды.

9 нчы апрель көнне “Югары Утар психик тайпылышлары булган гражданнар өчен балалар интернат йорты”дәүләт казна учреждениесе коллективы «Милләт яме -йола, бәйрәмнәрдә!» дип исемләнгән фестиваль-конкурста катнашты.

8 нче апрельдә «Югары Утар психик тайпылышлары булган гражданнар өчен балалар интернат йорты» дәүләт казна учреждениесе тәрбияләнүчеләре «Юл хәрәкәте иминлеге» дәүләт бюджет учреждениесының Саба бүлекчәсе өлкән инспекторы Насибуллин Илнур Дамир улы һәм ТР профилактик эшләр буенча Саба бүлекчәсе начальнигы Ягафарова Гүзәл Назыйф кызы белән очраштылар.

Төзекләндерү дәрәҗәсен күтәрү һәм авыл җирлекләре территорияләренең санитар хәлен яхшырту максатыннан 8нче апрельдә «Районкүләм өмә» игълан ителде.

8 нче апрельдә «Югары Утар психик тайпылышлары булган гражданнар өчен балалар интернат-йорты» дәүләт казна учреждениесендә санитар чистарту һәм төзекләндерү буенча өмә узды.

7 нче апрельдә Республика клиник балалар хастаханәсе белгечләре тарафыннан безнең учреждение тәрбияләнүчеләрен диспансерлаштыру буенча йөрәк ультратавыш тикшерүе үткәрелде.

6 нчы апрельдә тәрбияче Васильева Э.Р. «Дөнья үсеше файдасына халыкара спорт көне» темасына дәрес үткәрде.

Бүген «Балкыш» социаль хезмәт күрсәтү үзәге коллективы халыкны эш белән тәэмин итү үзәге хезмәткәрләре һәм республика матди ярдәм үзәге бүлекчәләре белән берлектә административ бинаның тирә-ягын җыештырырга чыкты. Җирне узган елгы яфраклардан һәм чүп-чардан чистарттылар. Таралмаган карны тараттылар.

Саба районының муниципаль социаль-тернәкләндерү консилиумы (МСРК) утырышлары расланган график нигезендә уза. 05 апрель көнне профилактика субъектлары кергән сигнал карталарын карадылар, гаиләләрнең торак-көнкүреш шартларын тикшерү актлары, ведомствоара исәптә торучы гаиләләр белән эшләүнең арадаш нәтиҗәләре турында фикер алыштылар. МСРК утырышы материаллары балигъ булмаганнар эшләре һәм аларның хокукларын яклау буенча район комиссиясенә җибәрелде.

Балалар һәм яшүсмерләр арасында суицидны профилактикалау программасы кысаларында Саба районы «Балкыш» халыкка комплекслы социаль хезмәт күрсәтү үзәгенең психологы «Минем көчле һәм көчсез якларым" темасына тренинг уздырды. Тренинг шәхеснең көчсез һәм көчле якларын тирән һәм һәрьяклап анализлауга юнәлдерелгән иде. Дәрес, танышу күнегүләреннән башланды. Аннары балалар үзләренең көчле һәм көчсез якларын яздылар, һәм үзләренең фикерләре белән уртаклаштылар. Ахырда балалар белән 2 төркемгә бүленеп, «шатлык һәм кайгы агачын»  ясадылар. “Мин үз хисләремне ничек белдерә алам?”, “Мин шатлык яки кайгы тудырган ситуацияләрдә үземне ничек тотам?”, “Мин үз хисләрем турында кешегә сөйли аламмы?» дигән сорауларга җавап бирделәр.

Яз бездә җылыну һәм беренче чәчәкләр белән генә түгел, ә йорт яны территорияләрен язгы чистарту өмәләре белән дә ассоциацияләнә.

«Язгы мәрхәмәтлелек ае» акциясе кысаларында, шулай ук санитар-экологик икеайлык кысаларында «Балкыш» комплекслы үзәгенең социаль хезмәткәрләре социаль хезмәтләр алучылар белән берлектә өмәгә чыктылар. Алар, энтузиазм белән, йорт тирәсендәге территорияләрне кыш буена җыелып килгән коры яфраклардан һәм ботаклардан чистарттылар. Аларга карата кайгыртучанлык белдерү күңелләренә хуш килде һәм алар рәхмәт сүзләрен әйттеләр.