ЯҢАЛЫКЛАР

Иштуган авыл мәдәният йорты һәм китапханә белгечләре Россия көненә багышланган " Минем яраткан Россия» дип исемләнгән танып-белү викторинасы үткәрделәр.Чараның максаты-үсеп килүче яшь буынга патриотик тәрбия бирү, Ватанга мәхәббәт тәрбияләү. Чара барышында алып баручы балаларга илебезнең герб, флаг һәм гимн символлары тарих битләре буйлап виртуаль сәяхәткә барырга тәкъдим итте. Укучылар рәхәтләнеп илебезнең мәдәнияте һәм тарихы турында викторина сорауларына җавап бирделәр, геральдика турында китаплар белән таныштылар, сораулар бирделәр һәм фикер алыштылар. Аннары Россия гимны яңгырады.Чара ахырында балаларны якынлашып килүче бәйрәм белән котладык һәм Ватанга сакчыл карарга, аны сакларга һәм якларга өндәделәр.

Шәмәрдән мәдәният йорты биләмәсендә балалар өчен Халыкара дуслар көненә багышланган «Танцевальный флешмоб» дигән күңел ачу программасы үткәрелде. Чараның максаты – балалар һәм яшүсмерләр арасында дустанә мөнәсәбәтләрне үстерүгә ярдәм итү, аларда дуслык һәм дус булу кыйммәтләрен формалаштыру. Кичә бию зарядкасы белән башланып китте. Зарядкадан соң балалар дәртле бию башкардылар. Күңелле музыка, актив хәрәкәтләр, шатлыклы хисләр балаларны берләштерде, барлык катнашучыларны позитив белән рухландырды.

Кырбаш авылында «балалар - Тормыш чәчәкләре»дигән чара узды. «Маша һәм Аю» сәхнәсе уйнатылды, соңыннан Маша барлык катнашучыларны пирожкалар белән сыйлады. Балалар төрле күңелле конкурсларда катнаштылар: кашык белән йөгерү , капчык киеп йөгерү , аркан тарту, таяк тарту. Балаларга бүләкләр тапшырылды. Барысы да бик күп тәэсирләр алдылар, көн буена күтәренке кәеф белән таралыштылар.

Язгы кыр эшләре тәмамлануның халык бәйрәме-Сабантуй-2021не бәйрәм итүгә әзерлек тулы куәтенә бара. Хәзерге вакытта бу зур бәйрәмгә әзерлек буенча актив эш алып барыла: концерт программасы репетицияләре бара. Көн саен районның үзәк мәйданында репетицияләр үткәрелә. Матур пролог кунакларга бию һәм музыка дөньясына чуму мөмкинлеге бирәчәк. Сабантуй бусагада-бөтен гаилә белән килегез!

6 июнь көнне Татар Икшермәсе авыл клубы хезмәткәрләре, "Нур" ансамбле солистлары һәм авылның үзешчән артистлары белән берлектә, тыл ветераны Ибрагимова Шаргыя апа янына бардылар. Аның бүген 90 яшьлек юбилей көне. Шул уңайдан Биктемиров Альберт, "Нур" ансамбле солистлары үзләренең матур җырларын юбилярга бүләк иттеләр.
Ул мәдәният хезмәткәрләрен шатланып каршы алды, үзенә булган игътибарга сөенде. Шаргыя апа сугыш һәм сугыштан соңгы авыр ачлык еллары турында сөйләде, фронтта һәм тылда һәлак булган әби-бабайларын, абый-апаларын искә төшерде. Котлау сүзләре өчен ул җылы сүзләр әйтте, акыллы тормыш киңәшләре бирде, аңа игътибар һәм кайгыртучанлык күрсәткән, аны онытмыйча хәлләрен белешеп торган өчен чын күңелдән рәхмәт әйте.

Сәнгать мәктәбе укучысы Ганиева Зилә- «Татарстан – безнең уртак йортыбыз» дигән яңа балалар рәсем конкурсы җиңүчесе.

4 июнь көнне Алан-Елга авылында Сабантуйга бирнә җыелды. Әлеге йоланы Шекше мәдәният йорты хезмәткәрләре һәм авыл җирлеге башлыгы оештырды. Ел саен авыл халкы милли бәйрәмне көтеп ала, ә монысы бер еллык тәнәфестән соң аеруча кадерле. Быел да бәйрәмгә бүләкләр җыю бик күңелле узды. Хуҗалар безне кадерле кунак итеп каршы алдылар, яхшы теләкләр белән бүләкләр тапшырдылар, ә балаларга тәм-томнар өләштеләр. Иң кадерле һәм кыйммәтле бүләк исә, яшь килен Ләйсәннең кулдан чиккән сөлгесе булды.

Сабантуй алдыннан татарларда үткәрелә торган йола - халык аны шулай көтеп ала. Гармунның дәртле тавышына өйдән кешеләр чыга һәм артистлар белән бергә биюгә җибәрелә. Һичшиксез, Сабантуйга бүләкләр алып чыгалар. Шул максат белән 3 июнь көнне район мәдәният йорты хезмәткәрләре милли бәйрәмебез-Сабан туена чакырдылар.

Сабантуй-ул иң яраткан, иң күңелле, иң тантаналы халык бәйрәме. 2 июнь көнне Мамалай авыл клубында Балаларны яклау көне уңаеннан «Исәнме, җәй!» дип исемләнгән балалар сабантуе оештырылды. Чүлмәк вату, таяк һәм аркан тарту, капчык киеп йөгерү, конкурслар - барлык бу ярышларда балалар зур энтузиазм белән катнаштылар. Җиңүчеләр дә, җиңелүчеләр дә бар иде, әмма берәү дә кәефен төшермәде, бәйрәм кәефе Сабантуй азагына кадәр сакланды. Бәйрәм чәй табыны артында тәмле коймак белән тәмамланды. Балалар өйләренә яхшы кәеф һәм бүләкләр белән таралыштылар.

1 июнь Халыкара балаларны яклау көне уңаеннан районыбызның мәдәният хезмәткәрләре  үзәк мәйданда “ Балачак” бәйрәме уздырды. Саба балалар сәнгать мәктәбенең  тынлы уен кораллары оркестры  “Әкияттә кунакта” парадын башлап җибәрде. Парад барышында катнашучылар үзләренең  велосипедларын, самокатларын, коляскаларын бизәп, әкият геройлары киемнәрен киеп, майдан уртасыннан уздылар. Әти-әниләр дә парадта балалары белән бергә катнашып, бәйрәмгә ямь өстәделәр. Районыбызның “Торнадо” командасы да читтә калмады. Алар үзләренең картинг машиналарында осталыкларын күрсәттеләр. Райондашларыбызны бәйрәм белән Саба муниципаль районы  башлыгы Минниханов Рәис Нургали улы котлады.  Парадта  катнашучылар барысы да бүләкләргә ия булдылар. Чара Аллаһияр һәм Хөснулла Валиуллиннар исемендәге сәнгать мәктәбенең җыр, биюләре белән үрелеп барды. Балалар өчен китапханәчеләр төрле  аланчыкларда мастер-класслар, уеннар оештырдылар.