ЯҢАЛЫКЛАР

Саба балалар сәнгать мәктәбе укучылары - «Смуглянка»  Бөтенроссия конкурсы  җиңүчеләр.

1 май көнне Югары Шытсу мәдәният йорты һәм китапханә хезмәткәрләре “Шытсу” җәмгыятенен сөтчелек комплексында “Умырзая” агитбригадасы белән чыгыш ясадылар. Алар Яз һәм Хезмәт бәйрәме белән котладылар. “Хезмәт төбе – хөрмәт” дип аталган чыгышта җырлар башкардылар, шигырьләр сөйләделәр, яңа китап һәм журналлар белән таныштырдылар. Чара күмәк татарча бию белән тәмамланды. Һәркем бәйрәм кәефе алды.

1 май көнне район мәдәният йорты хезмәткәрләре балалар белән "Йомырка жыю"йомырка җыю традициясен яңарту максатыннан, иртәдән урамга чыктылар. Иртәнге алтыдан ук өйгә кереп, тәм-томнар җыя башладылар. Йөзләрендәге елмаюлар, күңелдәге шатлык. Балалар бертавыштан хуҗаларны бәйрәм белән котладылар. Өлкәннәр исә аларга күчтәнәчләр тапшырып, аларга изге теләкләрен җиткерде.

29 апрель көнне Өтернәс авыл клубында туган тел һәм халыклар бердәмлеге елы уңаеннан “Җыр белән гомер буйлап...” дип исемләнгән бәйрәм концерты уздырылды. Программада авылыбыз үзешчәннәре, Югары Симет, Иске Мичән, Мишәбаш мәдәният йортлары, Иләбәр, Керәнне авыл клублары мәдәният хезмәткәрләре тарафыннан, кызыклы күренешләр урын алды һәм ретро, заманча җырлар башкарылды. Концертның беренче минутларыннан ук тамашачылар һәм җырчылар арасында уңай эмоцияләр урнашып, бәйрәм кәефе һәркемнең йөзендә чагылды.

29 апрель көнне район мәдәният йортында «Шоколад» балалар бакчасында тәрбияләнүчеләр һәм хезмәткәрләрнең «Балакаем, йөрәк маем»дип исемләнгән концерт - концерты булып узды.

27 апрель көнне Яңа Мичән авыл мәдәният йорты хезмәткәрләре, Керәнне авыл клубы, китапханә белән берлектә, атказанган авыл хуҗалыгы хезмәткәрләре өчен “Хезмәтемнең татлы җимеше " дип исемләнгән портрет - кичә үткәрделәр." Алар шатлык белән хезмәттәшләреннән котлаулар һәм рәхмәт сүзләре кабул иттеләр .Концерт программасы музыкаль номерлардан, нәфис сүздән һәм төрле жанрдагы җырлардан торды. Һәр башкарылган номер тамашачылар күңелендә онытылмас тәэсирләр калдырды, шатлык һәм яхшы кәеф бүләк итте. Бәйрәм кичәсе бер сулышта узды. Кешеләр өйләренә яхшы кәеф белән кайтып киттеләр, алар безнең тормышта бик кирәк.

“Бөек Тукаебыз – халкыбыз горурлыгы!”

26 апрель көнне Лесхоз мәдәният йорты хезмәткәрләре Лесхоз бистәсе китапханәчесе белән берлектә Туган тел көне һәм Г. Тукайның туган көне уңаеннан «Ләйсән» балалар бакчасы балалары өчен "Туган телем-минем туган ягым" дип исемләнгән чара үткәрделәр ...........
26 апрельдә Татарстанда Туган тел көне билгеләп үтелә. Ул бөек татар шагыйре Габдулла Тукайның туган көненә багышлана. Габдулла Тукай 1886 елның 26 апрелендә Кушлавыч авылында туа.
Татарстанда Туган тел көне-ул һәркем үзен үз халкының бер өлеше итеп тою мөмкинлегенә ия булган бәйрәм. Тел-ул бер милләт кешеләрен берләштерә торган, аларны бербөтен итеп ясый торган ышанычлы корал. Балаларга Г.Тукайның «Бала белән күбәләк», «Шүрәле», «Су анасы» һәм «Дәү әни» башкаруындагы бишек җырлары тәкъдим ителде. Балалар Г.Тукайның яраткан шигырьләрендә үзләренең яраткан геройларын күрергә бик шат иделәр.

«Татарстан рәссамнары әсәрләрендә Габдулла Тукайның тормышы һәм иҗаты».

Саба муниципаль районы Башкарма комитетының мәдәният бүлеге җитәкчесе Рөстәм Заһидуллин Яр Чаллы шәһәре якташлары, Саба районы егетләре белән очрашуда катнашты.