ЯҢАЛЫКЛАР

11 декабрь көнне район мәдәният йортында DJ Bubble Gum дан Диджеинг буенча мастер-класс үткәрелде. Балалар DJ-контроллерның нәрсә икәнлеген, тавышның ничек җыелуын, нинди махсус эффектлар, стильләр булуын белделәр, заманча электрон музыкантларның нинди программаларда музыка язалар, Диджеинг тарихы белән таныштылар. Шулай ук катнашучылар диджей ролен дә үзләренә сынап карый алдылар, наушникларны киендереп һәм үз теләге белән музыка көйли алдылар.

Мөмкинлекләре чикләнгән кешеләр декадасы дәвам итә. Шушы ункөнлек кысаларында 9 декабрь көнне Югары Шытсу мәдәният йорты хезмәткәрләре " күңел җылысы балкышы "дип исемләнгән тематик кичә оештырдылар. Кичәгә балачактан инвалид Шакирҗанов а.м. чакырылды. Ул мәдәният йортына чараларга, клуб берләшмәләре әгъзалары, культпоходларга йөри башлады, күргәзмәләр, китаплар белән кызыксына, шулай ук мәчеткә йөри. Ә бүгенге чарада ул беренче тапкыр үзенең яраткан җырын башкарды. Кичәдә авыл җирлеге башлыгы Мәүлетов Б. М. да чыгыш ясады. Чара авылдашларының концерт номерлары һәм чыгышлары белән үрелеп барды. Кичә Азат өчен генә түгел, барлык катнашучылар өчен дә җылы булды.

Саба балалар сәнгать мәктәбе  укучылары белән  “Туган як һәйкәлләре” темасына  җәяүле танып-белү экскурсиясе оештырылды.

Саба балалар сәнгать  мәктәбе укчылары Саба туган якны өйрәнү музеенда экскурсиядә булдылар.

Саба балалар сәнгать мәктәбендә Ләйсән Зарипова белән очрашу узды.

7 декабрь көнне Шәмәрдән авыл мәдәният йорты белгече Г.М.Әхмәтшина Шәмәрдән «Рост» лицееның 3 «А» сыйныф укучылары өчен (сыйныф җитәкчесе Л.М.Сәлахиева) «Вместе против гриппа» дип исемләнгән мәгълүмат сәгате үткәрде. Чараның максаты – балаларны грипп һәм салкын тию авыруларын профилактикалау ысуллары белән таныштыру, үз сәламәтлегеңә сакчыл караш тәрбияләү. Чара башында балаларга «ГРИПП» дигән видеоролик күрсәтелде. Шуннан соң «Что такое вирусы?», «Важно ли делать прививки?» дип исемләнгән кызыклы һәм мавыктыргыч әңгәмә үткәрелде. Балалар хәзерге заманда кешегә янәшәдә вируслар һәм авырулар булганда яшәү куркыныч һәм прививка ясатуның мөһимлеге турында белделәр. Балалар әңгәмәдә актив катнаштылар, сораулар бирделәр, табышмаклар чиштеләр, вируслар һәм витаминнар турында күп файдалы мәгълүмат белделәр. Үзләрен табиблар ролендә «Грипп и вирусы» уены уйнаганда сынап карадылар. Уен барышында грипптан һәм салкын тиюдән ничек сакланырга, моның өчен нәрсә эшләргә кирәклеге турында кабатладылар. Чара ахырында барлык катнашучылар да грипп һәм ОРВИ профилактикасы буенча буклетлар алдылар.

Сәнгать мәктәбенең Шәмәрдән филиалы коллективы Кызыл Мишә авылында мөмкинлекләре чикле балалар өчен “Изгелек юлында” дип исемләнгән концерт оештырды.

6 декабрь көнне Мичәнбаш авыл клубында авыл китапханәсе һәм Кырбаш авыл клубы белән берлектә мөмкинлекләре чикләнгән балалар өчен «Балалар көләргә тиеш» дип исемләнгән уен программасы үткәрелде. Бәйрәм театральләштерелгән тамаша, әкият геройлары, музыка һәм күңелле биремнәр белән башланып китте. Балалар клоун Клепа белән бергә табышмакларга җавап бирделәр, Убырлы белән бергә кызыклы биремнәр чиштеләр. Мальвина белән куңелле уеннар уйнадылар. Бәйрәм бик кызыклы һәм күңелле үтте. Әкият геройлары белән аерылышып, барлык балалар һәм аларның әти-әниләре елмайды, димәк, мондый чаралар юкка гына оештырылмый. 

6 декабрь көнне Мичәнбаш авыл клубында авыл китапханәсе һәм Кырбаш авыл клубы белән берлектә мөмкинлекләре чикләнгән балалар өчен «Балалар көләргә тиеш» дип исемләнгән уен программасы үткәрелде. Бәйрәм театральләштерелгән тамаша, әкият геройлары, музыка һәм күңелле биремнәр белән башланып китте. Балалар клоун Клепа белән бергә табышмакларга җавап бирделәр, Убырлы белән бергә кызыклы биремнәр чиштеләр. Мальвина белән куңелле уеннар уйнадылар. Бәйрәм бик кызыклы һәм күңелле үтте. Әкият геройлары белән аерылышып, барлык балалар һәм аларның әти-әниләре елмайды, димәк, мондый чаралар юкка гына оештырылмый. 

Ярдәм һәм таяныч барлык кешеләргә дә кирәк . Әмма мөмкинлекләре чикләнгән кешеләр аларга аеруча мохтаҗ . Үз мәнфәгатьләрен яклау, күп нәрсәне күрсәтә алуыңны раслау , фикердәшләрең булса, күпкә җиңелрәк . 5 декабрь көнне Олы Нырты авыл мәдәният йорты хезмәткәрләре мөмкинлекләре чикләнгән кешеләр өчен "яхшы кәеф сезне ташламас" дигән концерт - күңел ачу программасы оештырдылар. Күңелле җырлар, биюләр беркемне дә битараф калдырмады. Кунаклар бик теләп җырлар тыңладылар, биюләр карадылар һәм барлык күңелле конкурсларда катнаштылар. Ахырда алар турында кайгыртучы , алар турында уйлаучы кешеләр булганнары һәм аларның тормышын төрлеләндерергә һәм бизәргә тырышулары өчен рәхмәт белдерделәр.