ЯҢАЛЫКЛАР

Саба район мәдәният йортының кече залында «Балкыш»халык театр коллективының икенче составы репетицияләре бара. Театрны яратучылар Айгөл Әхмәтгалиева китабы буенча куелган "Куз нурларым" спектакленең куелышына әзерләнәләр

Саба балалар сәнгать мәктәбенең Шәмәрдән филиалы укучылары танылган рәссам, Кыргызстан Республикасы Рәссамнар берлеге әгъзасы Джумабек Базарбаевның пленэр эшләре күргәзмәсендә катнаштылар.

Шекше мәдәният йортында "Буыннар бәйләнеше", Олы Шыңар авыл җирлегенең "Буыннар чылбыры" дигән отчет - иҗат концерты булып узды. Зур концерт бер сәхнәдә иң өлкәннәрне дә, иң кечкенәләрне дә социаль өлкә учреждениеләреннән килгән укучыларны һәм артистларны берләштерде. Чыгышлар тамашачыларның көчле алкышлары белән үрелеп барды.

Саба балалар сәнгать мәктәбендә 1 нче сыйныф укучыларын яшь музыкантлыкка кабул итү  кичәсе үткәрелде.

Питрәч районы Читы авылында "Җырлап яшик" дип исемләнгән концерт булды. Программада халык җырлары, биюләр, баянда музыкаль чыгышлар булды. Артистларның чыгышлары тамашачылар тарафыннан җылы кабул ителде һәм һәр чыгыш көчле алкышларга күмелде.

Шәмәрдән авыл мәдәният йортында кыргыз рәссамы Джумабек Базарбаевның отчет күргәзмәсе булды. Әлеге күргәзмәдә Шәмәрдән авылына багышланган картиналар тәкъдим ителде. Кыргызстанның заманча рәсеме анда реалистик һәм Авангард юнәлешләрнең бер үк дәрәҗәдә тәкъдим ителүе белән уникаль. Авыл халкы да битараф калмады. Күргәзмәдә Шәмәрдән авылында язылган 15тән артык матур эш тәкъдим ителгән. Аларда җылылык, яктылык һәм күңел күп. Күргәзмә 26 октябрьгә кадәр дәвам итәчәк. Бу ун көн эчендә аны теләгән һәркем карый алачак.

Урта-Саба авыл клубында балалар белән" шаккатыргыч космос"дигән темага әңгәмә үткәрелде. Кояш системасын, анда планетаның урнашуын өйрәндек. Җир планетасы турында тулырак сөйләделәр. Балаларга әңгәмә бик ошады.

Лермонтов укулары: "Лермонтов һәм поэзия»

Мичәнбаш авыл мәдәният йорты мөдире китапханә белән берлектә авылдашлар өчен " Мингәр-Саба-Сатыш»туристик маршруты буенча экскурсия оештырдылар. Анда экскурсовод Закирова Л.М. артистның тормышы һәм иҗаты турында сөйләде. Аннары "Мингәр" ял базасына барып, Сабан туеның күңел ачу үзәгендә булдылар. Аннан Сатыш авылы мәдрәсәсе музеена бардык, анда күп экспонатларны күрергә насыйп булды. Экскурсия барышында экскурсовод-гид Тамчыгөл Вәлиева Саба районы, аның кызыклы урыннары һәм күренекле шәхесләре турында сөйләде. Экскурсия яхшы тәэсирләр белән истә калды.

Сәрдә авыл клубы мөдире «Акчарлак» балалар бакчасында тәрбияләнүчеләр өчен «кунакка әби килде»дип исемләнгән әдәби сәгать оештырды. Балалар бик теләп әбиләрен каршы алдылар. Әби кунакка буш кул белән түгел, ә яшерен сандык белән килгән. Беренче Бүләк " Бүләк кемгә?әкиятне тыңлаганнан соң балалар ел фасыллары турындагы сорауларга җавап бирделәр. Аннан соң табышмакларга җаваплар бирелде. Катнашучылар табигать, үсемлекләр һәм хайваннар турында табышмаклар чиштеләр. Аннары сундук - тәңкә рәвешендәге шоколадларга чират җитте. Балаларга чара бик ошады, алар әбиләренә кызыклы бүләкләр өчен рәхмәт белдерделәр.