ЯҢАЛЫКЛАР

«Созвездие-Йолдызлык» фестиваленең суперфиналы башланды.

12 сентябрь көнне "Ямьле Саба" яр буенда "Кабак бәйрәме" үткәрелде, анда районның төрле оешмалары катнашты. Бәйрәмнең төп объекты кабак һәм аның белән бәйле барлык әйберләр — аш-судан алып бу яшелчә рәвешендәге кул эшләре эшләнмәләренә кадәр иде. Мәдәният бүлеге хезмәткәрләре бәйрәмне оештыруда катнаштылар, шулай ук мактаулы I урынны яуладылар.

Бөтенроссия аеклык көне кысаларында, сәламәт һәм аек яшәү рәвешен кисәтү максатыннан 11 сентябрь көнне Кече Шыңар мәдәният йорты һәм китапханә хезмәткәрләре яшүсмерләр өчен " куркыныч эчемлекләр «дип исемләнгән мәгълүмат сәгате үткәрделәр. Чараның темасы: сыра эчемлеге. «Иртә алкоголизм» темасына лекциядә фельдшер Мөхәммәтова Р.А. балалар һәм яшүсмерләр организмына алкогольнең йогынтысы, кеше харакында нинди үзгәрешләр баруы һәм баш мие зарарлануның кире кайтмас нәтиҗәләре турында җентекләп сөйләде. Әңгәмә барышында балалар «ни өчен балалар һәм яшүсмерләр алкоголь куллана? " дигән сорауга җавап бирделәр."Мәгълүмат сәгате ахырында балалар үз сәламәтлекләренә җаваплы карарга сүз бирделәр.

“Саба балалар сәнгать мәктәбе” укучылары белән экстремизм һәм террорга каршы багышланган, профилактик чара -  рәсем күргәзмәсе оештырылды.

09 сентябрь көнне “Саба балалар сәнгать мәктәбе” укытучысы Галиева Э.Р. һәм рәсем бүлегенә йөрүче укучылары белән берлектә, экстремизм һәм террорга каршы профилактик рәсем күргәзмәсе оештырдылар.

Чарада мәктәп директоры Газизов А.З., урынбасары Садриева Г.Ш., Саба районы буенча эчке эшләр бүлегенең ПЦО начальнигы-полиция майоры Сафиуллин Д. Ф. катнашты. Алар, укучыларга экстремизм һәм террорга каршы тирәнтен, тәрбияви, профилактик чыгыш ясадылар.

Күргәзмәдә, укучыларыбыз, бик актив катнаштылар. Үзләренең фикерләрен рәсемнәрендә чагылдырдылар.

Чара ахырында укучыларга кәгазьдән кисеп эшләнгән, тынычлык, татулык билгесе, ак күгәрчен тапшырылды. 

Көз-матур вакыт! Елның алтын чоры. Нәкъ менә шул ел фасылы турында күп кенә әсәрләр язылган. Балаларны таныштырып, ел фасылының үзенчәлекләре һәм аның билгеләре турында сөйлибез. Көзнең иң кызган чагында 10 сентябрь көнне Мамалай авыл клубы мөдире «Кояшкай» балалар бакчасында «Көзге фантазияләр» дип исемләнгән мастер-класс үткәрде. Үз эшләрендә балалар төрле табигый материаллар: миләш, кызыл карлыган, яфраклар, карабодай, чәчәкләр һәм ботаклар кулландылар. Һәр эшкә күпме иҗат, уйлап табулар, фантазияләр салынган иде. Эшләнмәләр бик үзенчәлекле килеп чыкты.

9 сентябрь көнне, Балалар сәнгать мәктәбендә, укучылар өчен кызыклы һәм файдалы очрашу оештырылды. Республикабызның танылган артисты Хәбибуллин Ядекәр  Зәкәрия улы җитәкчелегендә, вокал һәм баян классларында укучылар өчен, сәхнә осталыгына өйрәтү буенча мастер-класс күрсәтелде. Ядекәр Зәкәрия улы укучыларны татар эстрада музыкасы тарихы, республикабызда музыка сәнгатенең үсеше һәм хәзерге көне белән дә таныштырды. Дәүлиева Г.Р. җитәкчелегендәге вокалистларыбызның чыгышы, кунакларыбыз тарафыннан югары бәяләнде, алкышларга күмелде. Бу очрашу, укучыларыбызның танып- белү, иҗади сәләтләрен үстерүдә, аларга әхлакый- патриотик тәрбия бирүдә максатчан эш булып тора, киләчәктә һөнәр сайлауда кызыксыну уята.

9 сентябрь көнне Килдебәк авыл мәдәният йорты хезмәткәрләре, китапханәче белән берлектә, Килдебәк авылы халкы өчен «Капка янында» дип исемләнгән кич утыру оештырдылар.
Кич утыру - ул безгә мирас буенча килгән халык гореф-гадәтләренең берсе.
Чарада катнашучылар кич белән капка янында күңелле аралашу өчен җыелдылар. Мондый очрашулар гадәти тормышны төрлеләндерергә ярдәм итә.
һәр авылда үз кич утырулар булган. Аларда үзләрен күрсәтергә, башкаларга карарга, такмаклар әйтергә, халык җырларын, көлкеле җырлар җырларга һәм күңел ачарга җыелганнар. Шулай итеп әкиятләр, җырлар, мәкальләр, әйтемнәр, уеннар барлыкка килгән.

8 сентябрь көнне Шәмәрдән авыл мәдәният йорты хезмәткәрләре " Җыр сөючеләр «мәдәният йорты каршындагы үзешчән сәнгать белән берлектә» Балкыш «социаль - тернәкләндерү үзәгендә ял итүчеләр өчен» җырлыйк бергә, бер күрешү-үзе бер гомер «дип исемләнгән хәйрия концерты оештырдылар. Бәйрәм программасында тамашачылар иң матур концерт номерларын күрделәр. Концертның беренче минутларыннан ук матур һәм сокландыргыч атмосфера барлыкка килде. Концерт кунаклары бик канәгать калдылар, чөнки уңай энергия заряды гына түгел, яхшы кәеф тә алдылар. Концерт бер сулышта узды.

Саба балалар сәнгать  мәктәбе укучылары  белән экстремизм һәм террорга каршы профилактик чара-флешмоб оештырылды.

Татарстан һәм Башкортстан Республикасының халык артисты, Россия Федерациясенең атказанган артисты Салават Фәтхетдинов Саба районында кунакта булып китте. Ул район халкы белән очрашты, мәдәният учреждениеләре эшчәнлеге белән танышты, Курсабаш авыл мәдәният йорты, Иләбәр авыл клубы үзешчәннәре белән аралашты. "Өлкәннәр", "Сөембикә"клубы әгъзаларының күпсанлы сорауларына җавап бирде. Соңыннан "Ямьле Саба" яр буенда үзенең җырларын җырлады, район халкы аны җылы каршы алды һәм яратып тыңлады.