ЯҢАЛЫКЛАР

4 декабрь көнне район мәдәният йортында «Шатлык»балалар бакчасы коллективы һәм тәрбияләнүчеләре концерты булып узды. Бәйрәм чарасы бер сулышта узды, бары тик яхшы тәэсирләр генә калдырды. Чакырылган ата-аналар, укучылар һәм укытучылар иҗат, мәхәббәт һәм игелек атмосферасында булдылар.  Күп кенә номерлар тамашачыларны күз яшьләренә кадәр күтәреп җибәрде.

30 ноябрь көнне Пүкәл авыл клубында, китапханә белән берлектә, Әниләр көненә багышланган "Тормыш яме сездә, әнкәйләр!"исемле  бәйрәм концерты узды. Программа музыка һәм бию номерларына бай иде. Концертта Фәйзрахмановлар һәм Хөсәеновлар гаиләсен "алтын туй"лары белән котладылар һәм аларга истәлекле бүләкләр тапшырдылар. Шулай ук "Ак калфак" клуб берләшмәсе катнашучылары  "Кичке утырулар" дип аталган фольклор чыгышы күрсәттеләр. Бәйрәм бик матур һәм күңелле үтте. Тамашачылар һәр чыгышны  алкышларга күмделәр.

1 декабрь көнне Килдебәк мәдәният йортында, клуб хезмәткәрләре, китапханәче белән берлектә, "Ач күңелеңне - син үзең генә түгел!" дип аталган чара үткәрделәр.Бу очрашуга инвалид балалар чакырылган иде. Алар  өчен концерт номерлары, уеннар,чәй өстәле оештырылды.

30 ноябрь көнне Мишәбаш мәдәният йортында халык җыены булып узды.  Җыеннан соң ,Әниләр көненә багышланган  " Әниләр һәм бәбиләр"  спектакле күрсәтелде.

29 ноябрь көнне, район мәдәният йортында, район мәдәният йортының «Балкыш» халык театры Н.Гаетбайның «Авылга кызлар килде» спектаклен күрсәтте.

Саба муниципаль районы башлыгы Рәис Нургали улы Миңнеханов артистларга үзенең рәхмәт сүзләрен җиткерде.

“Бүләк итү көне " хәйрия акциясе

Кызыл Мишә авылында  "Каз өмәсе" милли бәйрәме узды. Мәдәният йорты  һәм китапханә хезмәткәрләре, йолада катнашучылар белән бергә, казларны йолкыдылар, җырлар җырладылар. Борынгы кануннар буенча, әзер каз түшкәләрен көянтәләргә тактылар һәм чишмәгә юарга алып төштеләр, чишмәгә бара торган юлга казның ак каурыйларын чәчтеләр. Аннары, "Каз өмәсе" төп ризыгының элеккеге рецепты буенча, каз маенда пешерелгән коймак белән сыйландылар.

Саба балалар сәнгать мәктәбе укучылары "Арт перспектива"халыкара сәнгать конкурсында катнаштылар.

25 ноябрьдә, район мәдәният йортында, "Саба Дулкыннары" ТРК хезмәткәрләре, Халыкара әниләр көне уңаеннан, “Назлы бер жырым булып” дип исемләнгән концерт программасы тәкъдим иттеләр.

22 ноябрь көнне Саба балалар сәнгать мәктәбе укучылары Казан шәһәренең «Яңа буын талантлары» Бөтенроссия музыка сәнгате фестивалендә катнаштылар.