ЯҢАЛЫКЛАР

28 август көнне "Ямьле Саба" яр буенда Саба район китапханәсе хезмәткәрләре, Саба район балалар китапханәсе белән берлектә, "Әдәби алан"-"Тукайлы җәй 2024" проектының йомгаклау чарасын үткәрделәр. Ике басу Арташ авыл китапханәсе китап сөючеләр белән Г.Тукай тормышына һәм иҗатына багышланган “Ямьле Саба» яр буендагы мавыктыргыч квест-уенда катнашты. Квест И.И. Галиев исемендәге Үзәк китапханәдә старт алды. Балалар биремнәрне үтәделәр һәм яр буена төштеләр. Балалар әкияти викторина сорауларына җавап табып, зур серле күперне тиз үттеләр. Яр буена килеп җиткәч, алар маршрутны дәвам иттеләр, Су анасы, Убырлы карчык белән татар халык уеннары уйнадылар. Ахыргы ноктага таба барганда, пират шулай ук балаларны үз биремнәре белән тикшерде. Йомгаклау ноктасында тылсымчы балаларны очрата һәм "Тукайның кайсы әкиятеннән"уенын уйный. Балалар сынатмадылар, актив җавап бирделәр һәм үзләренең белемнәрен һәм осталыкларын күрсәттеләр. Чара катнашучыларны бүләкләү белән тәмамланды.

30 августта республиканың оешу көне-Татарстан Республикасының дәүләт суверенлыгы көне билгеләп үтелә. Республика көне-Республиканың төп бәйрәмнәренең берсе. 29 августта Яңа Мичән авыл китапханәсендә балалар өчен « Татарстан – Ватаным минем» дигән туган якны өйрәнү сәгате үткәрелде. Чара барышында катнашучылар Татарстан Республикасы тарихы, аның төп шәһәре - Казан, Татарстан символлары, Татарстанда яшәүче халыкларның күпмилләтле мәдәнияте һәм гореф-гадәтләре турында белделәр. Балалар туган якны өйрәнү викторинасында катнаштылар, аның барышында Татарстанның истәлекле урыннарын, республикабыз территориясендә яшәүче халыкларның милли бәйрәмнәрен һәм гореф-гадәтләрен, танылган шагыйрь һәм язучыларның исемнәрен искә алдылар, туган якны өйрәнү өлкәсендә булган белемнәрен тулыландырдылар.

28нче август көнне Сатыш авылы мәдрәсә музеенда балалар өчен “Татарстан минем туган илем”темасына  презентация карау оештырылды. Музей хезмәткәре Татарстан Республикасы символикасы турында һәм биредә күпмилләтле халыкның дус-тату яшәве турында сөйләде. Һәркемнең үз традицияләре, гореф-гадәтләре һәм мәдәнияте. Татарстан гимнын тыңладылар, байракны карадылар, шәһәр һәм елгаларны искә төшерделәр, шагыйрьләр, язучылар, рәссамнар һәм композиторлар исемнәрен әйттеләр. Балаларга «Татарстан - минем ватаным» темасы буенча квест бик ошады, алар кроссвордлар чиштеләр, сорауларга җавап бирделәр. Чараның икенче өлеше авылыбызның махсус хәрби операциядә катнашучыларына  багышланды. Аларнын энеләре   фотосурәтләргә карап, алар турында сөйләделәр, калган балалар  үзләрен кызыксындырган   сорауларын бирделәр. Ахырда: «Дуслык зур булса, Ватан нык булыр», - дигән нәтиҗә ясалды.

28 нче август көнне “Ямьле Саба» яр буенда Саба район китапханәсе хезмәткәрләре “Әдәби алан”-“Тукайлы җәй 2024” проектын йомгаклау чарасы үткәрделәр. Китапханәчеләр китап сөюче дусларыбызга “Ямьле Саба» яр буенча Г.Тукайның тормыш юлы һәм иҗатына багышланган мавыктыргыч квест уен әзерләделәр. Квест Ә.Каримуллин исемендәге үзәк китапханәдән башланып китте, балалар биремнәрне үтәп яр буена төштеләр. Зур серле күперне, балалар әкияти викторина сорауларына җавап табып, тиз генә уздылар. Яр буенда Зөһрә кызга ярдәм итеп, Су кызы белән татар халык уеннарын уйнап, маршрутны дәвам иттеләр. Убырлы карчыкларга да балалар сынатмадылар, бик тиз җавап бирделәр. Инде соңгы ноктага юл тотканда, пират та үзенең биремнәре белән балаларны тикшереп карады. Соңгы ноктада тылсым кызы балаларны каршы алып, “Бу Тукайның кайсы әкиятеннән” уенын уйнатты. Балалар сынатмадылар, актив җавап биреп үз белемнәрен, осталыкларын күрсәттеләр. Чара балаларны истәлекле бүләкләр һәм рәхмәт хаты тапшыру белән тәмамланды.

Олы Кибәче авыл җирлегенә кергән авыл клублары һәм китапханәсе мөдирләре (Хадиулина Г.Р; Хөснетдинов А.И; Шарафеева Г.М; Фатихова Г.Р)һәм Олы Кибәче авыл клубы каршында эшләп килүче “Сәрбиназ” фольклор коллективы “Тарихларда язмыш”дигән чарада катнашып,Олы Кибәче авылының “Зөлһиҗҗә” чишмәсе буенда ТР Диния назәрәте Аксакаллар Шурасын каршы алдылар. Килгән кунаклар авыл тарихына нигез салынган чишмә янында булдылар һәм авылның беренче кешесе булган Үбрәм бабай каберлеген зиярәт кылдылар.

27 августта Яңа Мичән авыл китапханәсендә «Балалар журналлары дөньясында» дигән вакытлы матбугат сәгате үткәрелде. Китапханәче балаларны китапханә алдыра торган журналлар белән таныштырды. Балалар журнал битләре буйлап мавыктыргыч сәяхәт ясадылар. Алар өчен журнал битләрендә күпме файдалы һәм мавыктыргыч, күңелле һәм гыйбрәтле нәрсәләр басылган! Балалар «Саша һәм Маша», «Ёжик», «Сабантуй», «Салават күпере»ннән табышмаклар һәм шигырьләр эзләделәр. Әгәр журналны алсаң, анда өстәл уены да, дусларың белән бергә космоста да, диңгез сәяхәтендә дә, ерак илләрдә дә булырга, дусларыңны бәладән коткарырга, матур чәчәкләр җыярга һәм буш вакытыңны файдалы итеп уздырырга мөмкин икән.

Яңа китап белән очрашу-ул һәрвакыт кызыклы һәм гыйбрәтле. Китапханәдәге яңа китаплар - ул һәрвакыт кечкенә бәйрәм! Хәзерге вакытта китаплар сайлап алу зур һәм һәр укучының аларның иң кызыклы китапларын уку мөмкинлеге бар. Чөнки китап-ул Бөек хәзинә, белем һәм зирәклек чыганагы. Ул яңа офыкларны ача, яхшылыкка һәм кызгануга өйрәтә. Теләсә кайсы жанрдагы һәм юнәлештәге һәр укылган китап уйлану өчен азык бирә. 26 август көнне Яңа Мичән авыл китапханәсендә «Яңа китаплар»исемле яңа китаплар көне үткәрелде. Китапханәче укучыларны китапханә фондына яңа кайткан китаплар белән таныштырды. Китапханәче кайбер әсәрләргә кыскача күзәтү ясады.

Явлаштау авыл китапханәсе китап бирү пунктында балалар өчен «Эскәмиядә китап белән» дигән кызыклы әдәби очрашу үткәрде.

Балалар Муса Җәлил һәм Абдулла Алиш әсәрләрендәге  яраткан геройлары белән бергә Маҗара дөньясына юл тоттылар һәм укыган китаплары турындагы тәэсирләре белән уртаклаштылар.

Балалар «Әдәби геройлар илендә» викторинасында катнаштылар, китаплар турындагы сорауларга җавап бирделәр. Алар шулай ук табышмакларны чиштеләр һәм «Шигырьне дәвам ит» һәм «Бер сүз белән әйт» уеннарын уйнадылар.

 «Җәйге китапханә -  2024» проекты кысаларында 26 август көнне Килдебәк авыл китапханәчесе "Тукайлы җәй" исемле  әдәби сәгать үткәрде. Чара барышында балалар бөек татар шагыйре Г.Тукайның тормышы һәм иҗаты белән таныштылар. Аның «Туган авыл» шигырен укыдылар һәм туган авылын дәфтәрләрдә сурәтләделәр. Аннары балалар Г.Тукайның «Бәхет» әсәре буенча сорауларга җавап бирделәр һәм җавапларны яздылар.

Саба урман хуҗалыгы тарихы музеенда Кукмара районы "Ак калфак" җәмгыяте вәкилләре кунак булды. Алар урманчыларыбызның урман хуҗалыгын алып бару, илнең яшел алтынын саклау һәм арттыру өлкәсендәге казанышларына, халкыбызның тормыш-көнкүрешенә чын күңелдән сокландылар, ә экскурсиядән соң кунаклар теләкләр китабында истәлекле язмалар калдырдылар.