ЯҢАЛЫКЛАР

Без барыбыз да әкиятләрне яратабыз, чөнки әкият-ул тылсым, могҗиза, ул яхшылыкның яманлыкны җиңүе. Әкият – ул төрле гадәти булмаган геройлар яши торган тылсымлы тарихлар. Әкиятне укыганда үзеңне теләсә нинди герой итеп күз алдына китерергә һәм яңа тарих уйлап табарга мөмкин. Гомумән алганда, хыялланырга һәм уйлап табарга мөмкин.

Сәламәтлек-кешенең иң зур байлыгы, сәламәтлекне югалту җиңел, ә менә аны кире кайтару бик, бик кыен. Шуңа күрә балаларны балачактан ук үз сәламәтлекләренә сак карарга өйрәтү бик мөһим.

 Килдебәк авыл китапханәчесе «Балалар матбугаты барлык мәнфәгатьләргә" исемле вакытлы матбугат сәгате үткәрде. Китапханәче нинди журналлар булуын, һәм журналларның  барлыкка килү тарихына кыскача экскурсия үткәрде.

Саба урман хуҗалыгы тарихы музее Улан Удэ шәһәреннән кунаклар кабул итте. Кунакларга музейда  күңелле экскурсия оештырылды, экспонатларның тарихы белән кызыксындылар, сорауларына җавап таптылар.

Саба туган якны өйрәнү музеенда бинаны капиталь ремонтлау эшләре дәвам итә. Мультимедиа җайланмаларын көйләү, гидравлика җайланмасын урнаштыру эшләре алып барыла.

2 август көнне район китапханәсе хезмәткәрләре “Гаилә белән китапханәгә” проекты кысаларында “Без тиздән мәктәп укучылары” дип исемләнгән гаилә бәйрәмен үткәрделәр. Чара Саба үзәкләштерелгән китапханәләр системасы директоры Билалова Ләйсән Рәкыйп кызы 1 сыйныфка баручы хезмәткәрләрнең  ул-кызларын котлавы белән башланды.   Саба гимназиясенең башлангыч сыйныфлар укытучысы  Салихова А.Р. әти-әниләргә уку буенча киңәш тәкъдимнәрен җиткерде. Аннары катнашучы гаиләләр китапханәчеләр әзерләгән:  “Кайсы гаилә күбрәк матур сүзләр белә?”, “Зирәкләр, тапкырлар һәм белемлеләр”, “ Хәтерне яхшыртыйк”, “Мин җитез” һәм башка кызыклы, мавыктыргыч биремнәрне үтәп, үзара көч сынаштылар һәм  дуслык җиңде. Чарада гаиләләр иң мөһиме – үзара аңлашып, ярдәмләшеп, гаилә белән бергә эшләү кирәклеген расладылар. Чара ахырында балаларга иганәчеләр ярдәмендә әзерләнгән истәлекле бүләкләр тапшырылды.

Безнең тормыш чиксез кыенлыклар, проблемалар һәм кайгыртучанлык белән тулган заманда ниндидер үзенчәлекле-якты һәм игелекле нәрсә телим. Бүген мәдәни ял итүне аңлау үзгәрә. Һәм заманча клублар аудитория белән аралашуның яңа формаларын эзләргә, тупланган тәҗрибәне яңадан карап чыгарга, тамашачыларны җәлеп итү, үзешчән иҗат оештыру, уңайлы мәдәни киңлек булдыру өчен эшнең яңа механизмнарын һәм принципларын кулланырга мәҗбүр. Ә безнең тамашачыга булган мәхәббәтебез тыңлаучыларның йөрәкләрендә яңгырый. Олы Нырты, Чәбия-Чурчи һәм Язлы Арташ авыл клубларының мәдәният хезмәткәрләре "Мин яратам сине, тормыш" дигән урам концерты оештырды . Концертны үзешчән сәнгать хезмәткәрләре һәм катнашучылар әзерләде .Концертта катнашучылар үзләренең чыгышлары белән чарага килүчеләрнең барысын да сөендерделәр. Урамда җылы, дустанә атмосфера хөкем сөрде. Концерт программасы якты һәм бай булды.

Җәй-ул искиткеч вакыт, күңелле һәм шатлыклы чор, ул вакытта балалар күп вакытларын өйдә, урамда, яшьтәшләре арасында үткәрәләр. Җәй күңелсез нәтиҗәләрсез узсын өчен, һәр бала ял вакытында куркынычсызлыкның гади кагыйдәләрен белергә тиеш. Иштуган мәдәният йорты белгечләре балалар белән «Имин балачак» Бөтенроссия акциясенә кушылдылар һәм «Куркынычсыз җәй!» исемле чара уздырдылар. Балалар белән бергә каникулларда нәрсәләргә аерым игътибар бирергә кирәклеге турында сөйләштеләр. Балалар көнкүрештә, юлда, транспортта, су объектларында үз-үзеңне тоту кагыйдәләре, тере табигать белән куркынычсыз аралашу кагыйдәләре һәм стандарт булмаган ситуацияләрдә беренче ярдәм күрсәтү турында әңгәмәләрдә актив катнаштылар. Бөҗәк тешләүләреннән ничек сакланырга икәнен ачыкладылар. Чарада балалар "Тыела – рөхсәт ителә!" уеннарында актив катнаштылар. "Ашарга яраклы - ашарга яраксыз" исемле викториналарда табышмакларны дәртләнеп чиштеләр, таныш булмаган кешеләр белән очрашканда төрле ситуацияләр турында фикер алыштылар. Очрашу азагында катнашучылар куркынычсыз каникуллар безнең һәрберебезгә һәм куркынычсызлык кагыйдәләрен үтәүгә бәйле дигән нәтиҗәгә килделәр.

Яңа Мичән мәдәният йорты, авыл китапханәсе белән берлектә, Гаилә, мәхәббәт һәм тугрылык көненә багышланган «Ромашка – бәхет символы» дигән мастер – класс үткәрде.

Мәгълүм булганча, бу бәйрәм 8 июльдә, халык арасында гаилә учагын саклаучылар, гаилә мәхәббәтен саклаучылар буларак билгеле булган Петр һәм Феврония Муромскийлар көнендә билгеләп үтелә. Бу бәйрәмнең символы гади, әмма Россиядә киң таралган ромашка чәчәге чисталык һәм ихлас мәхәббәтне, шулай ук рус табигатен һәм җылы җәйне символлаштыра. Мастер-класста катнашучылар үзләренең иҗади сәләтләрен күрсәттеләр һәм гади материаллардан үз куллары белән ромашка ясадылар. Шат күңелле Ромашка бәйрәмне танылырга һәм популярлаштырырга ярдәм итә. Мастер – класс тәмамлангач, ромашкадан эшләнмә — сафлык, наз һәм мәхәббәт символы килеп чыкты.

Алып баручылар сөйләвеннән балалар матур гаилә бәйрәме традицияләре һәм тарихы турында белделәр. Ә матур ромашкалар Гаилә, мәхәббәт һәм тугрылык көнендә бизәк булыр.

Сүлә авыл клубында Гаилә елы кысаларында һәм Гаилә, мәхәббәт һәм тугрылык көненә бер сулышта "Без бер зур гаилә" рухи чарасы узды.Кичәне мәчет имамы Азат Нигъмәтҗанов ачты. Ул гаилә турында Коръәннән хәдисләр сөйләде.Тәм-томнар салынган хуш исле кайнар чәй артында кунакларга карата ихлас күңелдән әйтелгән сүзләр, изге теләкләр, гади гаилә кыйммәтләре турында эчкерсез шигырь юллары яңгырады. Кичәгә килгән, өй эшләрен вакытлыча калдырган авыл кешеләренең йөзләрендә елмаю балкый, бу исә аларның кәефләре яхшы икәнен күрсәтә иде. Чәй эчкәндә кунаклар, әлбәттә, бәхетле гаилә тормышының серләре белән уртаклаштылар, «хөрмәт», «аңлау», «ярдәм итү», «кичерү», «ярдәм», «таяныч» һәм башка синонимнар белән баеттылар, ә болар барысы да – нык гаилә сүзләре.Шулай ук кызыклы конкурслар һәм уеннар үткәрелде.