ЯҢАЛЫКЛАР

Саба урман хуҗалыгы тарихы музеенда ТР Сарман районыннан кунаклар булып китте. Музейга кергәндә үк аларны экспозициядәге кәрзиннәрнең төрлелеге таң калдырды. Алар бу һөнәр белән кызыксынуларын һәм кәрзиннәр җитештерүнең тулы технологик процессы белән тирәнрәк танышырга теләүләрен белдерделәр.

22 августта илебез тантаналы датаны-Россия флагының туган көнен билгеләп үтә. Ак, зәңгәр, кызыл төсләрне кешеләр элек-электән әйләнә-тирә дөньяның матурлыгы, яхшылык һәм гаделлек символы дип санаганнар. Мондый төсләр Россия әләмендә бүгенге көнгә кадәр сакланган. Саба урман хуҗалыгы тарихы музее хезмәткәрләре гражданлык-патриотик тәрбия бирүдә бу датаның аеруча әһәмиятле булуын исәпкә алып, яшь музей сөючеләр өчен «Россия флагы – ул горурлык!» дип исемләнгән лекция үткәрделәр. Шулай ук чара барышында балаларга әлеге бәйрәмнең барлыкка килү тарихы турында мәгълүмат бирелде.

Россия Федерациясе Президентының 1994 елның 20 августында "Россия Федерациясе Дәүләт флагы көне турындагы" Указы нигезендә гамәлгә куела. 1991 елның 22 августында Мәскәүдә беренче тапкыр өч төсле Россия флагы күтәрелә. Һәр төснең үз мәгънәсе бар. Ак төс — ул азатлык һәм мөстәкыйльлек, зәңгәр — ышаныч һәм рухият, ниһаять, кызыл — бөеклек һәм көч-куәт. 22 нче август көнне Сатыш авылы мәдрәсә музее хезмәткәрләре “Төсләр ни сөйли” темасына балалар өчен информацион сәгать уздырдылар. Россия флагы тарихы, илебездә нинди флаглар булганлыгы, аларның кайчан, кайда эленгәннәре турында мәгълүматны балалар бик кызыксынып тынладылар.

Ел саен 22 августта Россиядә, Россия Федерациясенең Дәүләт флагы көне билгеләп үтелә. Шул уңайдан, Саба район китапханәсендә №4 номерлы “Кыңгырау” бакчасына йөрүче балалар өчен “Россия флагында өч төс кайдан?” дип исемләнгән танып -белү сәгате үткәрелде.  Чара  Шәмсутдинов Ихсан,  Газизуллина Энҗенең бәйрәмгә багышланган шигырьне сәнгатьле сөйләү белән башланып китте. Китапханәче Шакирҗанова И.И. һәр иленең үз символикасы барлыгын,  әләмнең Россия символы буларак барлыкка килү һәм раслану тарихын сөйләде, “Россиянең өч төсе” дип исемләнгән тематик китап күргәзмәсенә күзәтү ясады. Балалар триколор төсләренең нәрсә аңлатканын, дәүләт әләменең кайчан һәм кайда эленгәнен белделәр. Нәни дусларбыз “Ак, зәңгәр, кызыл”, “Россия флагын кем тизрәк җыяр” уеннарында  да  үзләренең актив, бердәмлекләрен күрсәттеләр. Чара төсле кәгазьдән флаг ясау буенча мастер-класс белән тәмамланды. Горур тибрәлгән ак, зәңгәр һәм кызыл төсләрдәге Россия Федерациясе Дәүләт флагы һәркемнең күңелендә Ватаныбыз өчен чиксез горурлык хисләре уятса иде!

22 август көнне Саба район китапханәсенең уку залында "Өлкәннәр" клубы өчен "Табигать хәзинәләре" дип исемләнгән сәламәтлек сәгате үткәрелде. Китап күргәзмәсе янында җиләк-җимеш агачлары, дару үләннәре, урман байлыклары, гөмбәләр турында китаплар тәкъдим ителде. Чара барышында «Яшелчә һәм җиләк-җимешләрнең кеше организмына файдасы» темасына әңгәмә-викторина үткәрелде, табышмак-ребуслар чишелде.

Россия флагы көне-россиялеләрнең барлык буыннары бәйрәме,бөек ил тарихына хөрмәт күрсәтү. Өч төсле байрак Россия дәүләте барлыкка килү белән тыгыз бәйләнгән, ул хәрби җиңүләр һәм казанышлар символына әверелде. Ел саен 22 августта барлык россиялеләр Россия Федерациясенең Дәүләт флагы көнен бәйрәм итәләр. Бу бәйрәм бездә бөек илебез, ватандашларыбыз өчен горурлык хисе уята. Балаларны Россия Федерациясе символлары, аларның билгеләнеше һәм ил гражданины тормышындагы роле белән таныштыру өчен Олы Кибәче авыл китапханәсендә «Безнең триколор»чарасы узды. Балалар Россия Дәүләтенең флагы тарихы белән таныштылар, шулай ук балалар 17 — 19 гасырларда флагның кызыл төсе батырлыкны, иманны саклауны, каһарманлыкны, киң күңеллелекне, фидакарьлекне, утны, үлем сугышын символлаштырганлыгын беләләр; зәңгәр төсе — күк йөзен, тугрылыкны, рухилыкны; ак төсе — тынычлыкны, чисталыкны аңлата.Чараның икенче өлешендә балалар РФ триколорын  альбом битләренә төсле йоннан ясадылар.

Ел саен 22 августта Россиядә Россия Федерациясенең Дәүләт флагы көне билгеләп үтелә. Бу көнне без Ватаныбыз тарихының данлы битләрен искә төшерәбез һәм һәрберебез өчен зур әһәмияткә ия булган символикага мөрәҗәгать итәбез. Тарихны белү бездә Ватанга карата мәхәббәт һәм хөрмәт, шулай ук халкыбыз өчен горурлык тәрбияли. Әлеге мөһим вакыйга уңаеннан Явлаштау авыл китапханәсе мөдире һәм авыл мәдәният йорты хезмәткәрләре балалар өчен «Дәүләт флагы-дан символы»дип исемләнгән мәгълүмати — танып белү сәгате үткәрделәр. Алып баручылар бу датаның тарихы, дәүләт символларының әһәмияте  турында сөйләделәр. Балалар беренче флагның кайчан һәм ни өчен барлыкка килүен, аның безнең ил тарихындагы роле, символик әһәмияте турында белделәр. Аннары балалар «Россия флагы» дигән танып-белү викторинасында катнаштылар. Алар илебез символлары турындагы мәкаль һәм табышмакларга җавап бирделәр. Чара азагында балалар Россия флагын ясадылар.

Ел саен 22 августта Россиядә Россия Федерациясенең Дәүләт флагы көне билгеләп үтелә. Флаг-бердәмлек, суверенитет һәм Ватанның бәйсезлеге символы. 22 август көнне Ике басу Арташ авыл китапханәсенең мөдире мәдәният хезмәткәрләре белән берлектә « Күбәләк» балалар бакчасында тәрбияләнүчеләр белән «Россия данының өч төсе “дигән мастер-класс үткәрде. Эш гадәти булмаган һәм мавыктыргыч иде. Гуаш буяулары, ватман һәм пумала ярдәмендә төп дәүләт символы-флаг ясадылар . Эш барышында балалар белән ватаныбызның барлык төп символлары турында фикер алыштылар һәм искә төшерделәр, флагның барлыкка килү тарихы белән таныштылар, аның төсләренең мәгънәсен белделәр һәм Россия флагы турындагы шигырьләрен искә төшерделәр.

22 августта Россиядә Дәүләт флагы көне билгеләп үтелә. Ул безне Ватан тарихының данлы битләрен искә төшерергә һәм һәрберебез сакларга тиешле символикага тагын бер тапкыр мөрәҗәгать итәргә мәҗбүр итә. Россия гражданнарында дәүләт символларына ихтирам тәрбияләү максатыннан, Россия Федерациясе Дәүләт флагы көнен бәйрәм итү кысаларында, 22 августта Олы Нырты авыл китапханәсе « Китап сөючеләр» клубында катнашучыларны Россиянең өч төсе Могҗизалар кыры интеллектуаль уенына чакырды.   Китапханәче балаларга төп символлар турында сөйләде , флагның барлыкка килү тарихы , ни өчен ул өч төсле, һәр төс нәрсәне аңлата һәм дәүләт флагларының кайда эленүе турында белделәр. Аннары китапханәче уенның төп кагыйдәләрен аңлатты һәм Могҗизалар кыры уенын дәвам итте .Балалар сорауларга мөмкин кадәр күбрәк очко җыярга тырышып җавап бирделәр. Уен актив һәм җанлы узды. Финалда җиңгән Самат супер-уенда катнашты, биремне ул уңышлы үтәде. Чара азагында балаларга Россия символлары турында сөйләүче китаплар белән якыннанрак танышырга киңәш итте.

Саба урман хуҗалыгы тарихы музеенда балалар өчен мәгълүмати лекция үткәрелде. "30 августта нинди бәйрәм үткәрелә?" темасын  сайлау  очраклы түгел, чөнки нәкъ менә шушы көнне  Татарстанда Республика көне һәм Казан шәһәре көне билгеләп үтелә. Музей хезмәткәрләре бәйрәмнең барлыкка килү тарихы һәм бәйрәмне хәзерге вакытта ничек билгеләп үтүләре турында тарихи мәгълүмат җиткерделәр.