ЯҢАЛЫКЛАР

Саба туган якны өйрәнү музеенда бинаны капиталь ремонтлау эшләре дәвам итә.  Янгынга каршы системаны, мультимедиа җайланмаларын, яктырту приборларын көйләү эшләре алып барыла.

30 июльдә Арташ һәм Сабабаш авылларыннан килгән кунаклар өчен "Тылсымлы кыңгырау" туристик маршруты оештырылды. Туристлык маршруты Лесхоз бистәсенең дендрология бакчасында һәм Саба урманчылыгы музеенда булудан башланды. Аннары кунаклар тылсымлы кыңгырау эзләп мавыктыргыч квест үттеләр һәм "Колокол"музеенда булдылар. Кунакларны тәмле камыр ризыклары һәм чәй белән сыйладылар. Экскурсия "Саба бизәкләре"иҗади проекты буенча мастер-класс белән тәмамланды.

29 июль көнне ТР сынлы сәнгать дәүләт музее хезмәткәрләре Сатыш мәдәният йортында булдылар. Мәдәният йорты хезмәткәрләре аларга гармуннар күргәзмәсен тәкъдим иттеләр. Мәдәният йорты мөдире күргәзмәдәге һәр гармунның тарихын сөйләде, анда экспонат хуҗаларының фотолары урнаштырылган иде. Шулай ук аларга һәвәскәр рәссам Абүбәкеров Рамил картиналары күргәзмәсе күрсәтелде. Музей хезмәткәрләре күргәзмә картиналарына сокланып карадылар, моңсу һәм кызыклы гармун тарихларын игътибар белән тыңладылар. Алар Сатыш авылы һәм тирә-як авылларның һөнәрчеләре белән кызыксындылар. Музей хезмәткәрләре визитының максаты-музей кыйммәтләрен саклау һәм 2025 елда районнарда экспедицияләр йомгаклары буенча "Казан Кремлендә" күргәзмә оештыру.

29 июльдә Лесхоз мәдәният йорты хезмәткәрләре «Дуссыз тормышта кыен» дип исемләнгән уен программасы оештырдылар.

Балалар "Ә дуслык нәрсә ул? ", "Нинди кешене дус дип атарга мөмкин?", "Дустыгыз хакына сез нинди гамәлләр кыла алыр идегез?" дигән сораулар буенча фикер алышуда катнаштылар.

Балалар табышмакларны һәм ребусларны чиштеләр, «Дусларча кул кысышу», «Сабый авызлары белән», «Чын дуслар», «Үзгәртеп кору», «Татлы ашау» кебек кызыклы бәйгеләрдә һәм уеннарда катнаштылар.

Һәм, иң мөһиме, уңай тәэсирләрдән тыш, балалар чараның төп фикерен күтәрә алдылар – синең күпме дусларың булуы мөһим түгел, иң мөһиме, алар чын булсын!

29 июльдә ТР Сынлы сәнгать музее хезмәткәрләре Безнең районда һөнәрчелекнең һәм кул эшләренең хәзерге хәлен ачыклау максатында Лесхоз бистәсендә булдылар. Җыелган материаллар буенча 2025 елда Казан шәһәрендә күргәзмә оештырылачак. Урман хуҗалыгы мәдәният йорты хезмәткәрләре кунаклар өчен сувенирлар цехы һәм кәрҗин үрү цехы буенча экскурсия оештырдылар. Шулай ук сувенирлар кибетендә леспромхозның әзер продукциясен сайларга булыштылар, ә урман хуҗалыгы тарихы музеенда кунаклар бистәнең тарихы белән җентекләп таныштылар. Безгә кунакларыбыздан сокланулы фикерләр һәм рәхмәт сүзләре ишетү бик күңелле булды.

30 июль көнне Иштуган мәдәният йорты белгечләре "Җәйге калейдоскоп"дигән концерт куйдылар. Үзешчән сәнгатьтә катнашучылар, бистә балалары һәм яшьләре тамашачыларга уңай кәеф бүләк итте. Җырчыларның осталыгы, халыкның үзләренең кызыксынучанлыгы аркасында концерт тамашачылар өчен дә, артистлар өчен дә чын бәйрәмгә әверелде. Очрашуның беренче минутларыннан ук җылы дустанә атмосфера урнашты. Башкача әйткәндә, артистлар үзләренең осталыклары белән генә түгел, күңел җылысы белән дә уртаклаштылар бит. Берничә җыр башкарганнан соң, тыңлаучылар бер урында утыра алмадылар һәм биергә тотындылар. Тамашачыларның кәефен яраткан җырлары һәм мәзәкләре күтәрде. Тамашачылар сәламәтлек, бәхет һәм иминлек теләп җылы сүзләр кабул иттеләр, һәр чыгышны көчле алкышлар белән каршы алдылар. Концерт программасы күбрәк иске һәм яхшы дусларның дусларча очрашуын хәтерләтте. Концерт дәвамында җырлар, шигырьләр, юмор һәм бию яңгырады. Күңел белән, юмор белән һәм сиздермичә генә вакыт үтеп китте. Канәгать тамашачылар кадерле кунакларны озаклап җибәрмәделәр, яхшы кәефләре өчен рәхмәт белдерделәр һәм иҗади уңышлар теләделәр.

30 июльдә Арташ һәм Сабабаш авылларыннан килгән кунаклар өчен "Тылсымлы кыңгырау" туристик маршруты оештырылды. Туристлык маршруты Лесхоз бистәсенең дендрология бакчасында һәм Саба урманчылыгы музеенда булудан башланды. Аннары кунаклар тылсымлы кыңгырау эзләп мавыктыргыч квест үттеләр һәм "Колокол" музеенда булдылар. Кунакларны тәмле камыр ризыклары һәм чәй белән сыйладылар. Экскурсия "Саба бизәкләре"иҗади проекты буенча мастер-класс белән тәмамланды.

29 июльдә Бигенәй мәдәният йортында Татарстан Республикасы Дәүләт сынлы сәнгать музее хезмәткәрләре булды. Бигенәй мәдәният йорты мөдире Д.Г. Фәтхрахманова аларга картиналар ясау буенча мастер - класс һәм картиналар күргәзмәсе күрсәтте. Аның әнисе Зиннурова Рәзинә Морадыйм кызы туку станогында эшләү процессын һәм үзенең әзер эшләнмәләрен: шарфларын, паласларын, "Коръән"китабының тышлыкларын күрсәтте. Музей хезмәткәрләре Зиннурова Рәзинәнең эшләренә сокланып, аңа иҗади уңышлар, озын гомер теләделәр. Музей хезмәткәрләре визитының максаты-музей кыйммәтләрен саклау һәм 2025 елда районнарда экспедицияләр йомгаклары буенча "Казан Кремлендә" күргәзмә оештыру.

Язучы, кискен сюжетлы әсәрләр авторы Фәнил Галиевның тууына 85 ел.

Явлаштау мәдәният йортында ТР сынлы сәнгать дәүләт музее хезмәткәрләре белән очрашу булып узды. Анда Явлаштау мәдәният йортының "Канәфер", Шикше мәдәният йортының "Зиләйлүк" фольклор коллективлары, ике авыл китапханәчеләре, Килдебәк һәм Сәрдә авыл мәдәният йортлары мөдирләре, район мәдәният йорты хезмәткәрләре һәм үзешчән артистлар катнашты. Кунаклар игътибарына татар туе белән бәйле берничә йола тәкъдим ителде, аннары туган якны өйрәнү музеенда булдылар, кызыклы экспонатлар белән таныштылар, материал төшерделәр һәм яздырдылар, Явлаштау мәдәният йортының чәйнекләре коллекциясе белән таныштылар.