ЯҢАЛЫКЛАР

Безнең һәрберебез үзенең кече Ватанын ярата. Туган һәм үскән урын һәрвакыт уникаль һәм кабатланмас. Нәкъ менә монда син якташларың арасында туган ягыңның мәдәниятен һәм тарихын белерсең. Чәбия-Чурчи авыл клубында, Олы Нырты авыл китапханәсе мөдире белән берлектә, "Край мой, Сабинский" викторинасы үткәрелде.

6 август көнне Шәмәрдән китапханәсе хезмәткәрләре «Балкыш” тернәкләндерү үзәгендә ял итүчеләр өчен  «Врачи мира за мир» дигән сорау һәм җаваплар сәгате уздырдылар. 

Чара Олы Кибәче авыл китапханәсендә узды.  Китапханә мөдире төрле еллардагы авыл тормышы фотоларын үз эченә алган күргәзмә әзерләде. «Кичә Минем авылым» фотокүргәзмәсе белән танышканнан соң, туган ягыбызга сокланып карап, кече Ватаныбыз турында күңелле хатирәләрдән ләззәт алдык. Фотоматериаллар авыл халкы тарафыннан тәкъдим ителде. Табигать матурлыгына кагылып, чарада катнашучылар күңелләре белән ял итә һәм уңай энергия ала алдылар.

Килдебәк авыл китапханәчесе, мәдәният йорты хезмәткәрләре белән берлектә, «Матбугат круизы» исемле вакытлы матбугатка күзәтү үткәрделәр. Китапханәче  китапханәгә килә торган  журналлар һәм газеталар тупланмалары белән таныштырды. Шулай ук газета, журнал, мәкалә, искәрмә, журналист, вакытлы матбугат кебек төшенчәләрне аңлатып узды.

Сатыш авылы мәдрәсәсе музеена Мәскәү шәһәреннән кунаклар килде. Аларга музей буенча эчтәлекле, мавыктыргыч экскурсия үткәрелде. Кунаклар мәдрәсә бинасының макеты, шулай ук бай тарихка ия булган кайбер экспонатлар белән сокландылар.

Саба урман хуҗалыгы тарихы музее хезмәткәре Кукмара районында Татарстан Республикасы Фәннәр академиясенең күчмә сессиясендә катнашты. Гаилә кеше тормышында бик мөһим роль уйный. Нәкъ менә гаилә- мораль, рухи кыйммәтләргә өйрәтә, дөрес тормыш рәвешен алып барырга, тиешле  һөнәр сайларга ярдәм итә.

 Бүген Саба балалар сәнгать мәктәбенә башкаладан кунаклар килде. Кабинетлар буенча экскурсия үткәрелде. Мәктәп белән танышканнан соң, укытучы Зәйнетдинова З.З. фортепиано буенча мастер – класс үткәрде.

6 август көнне Саба район китапханәсенә кунаклар килде.
Алар өчен яңартылган китапханә буйлап экскурсия оештырылды, китапханә тарихы, уку залына актив йөрүче клублар белән таныштылар һәм укучыларыбыз өчен нинди яңа мөмкинлекләр барлыгын белделәр.

4 август көнне Шәмәрдән мәдәният йорты хезмәткәрләре Шәмәрдән авылының Җиңү паркында тимер юлчылар көненә багышланган «Судьба моя – железная дорога» дигән бәйрәм концерты оештырдылар. Чара башында тамашачылар өчен музыкаль пролог һәм театральләштерелгән күренеш әзерләнде, алар тамашачыларны тимер юл дөньясына күчерде. Котлау сүзе белән Саба муниципаль районы Башкарма комитеты җитәкчесе урынбасары – Башкарма комитет Аппараты җитәкчесе Кәримов Марат Рәшит улы, Шәмәрдән авыл җирлеге башлыгы Вәлиев Альберт Кави улы чыгыш ясадылар. Концертта Шәмәрдән мәдәният йорты хезмәткәрләре, «Акварель» халык бию төркеме (җитәкчесе Хуҗин А.И.), «Тулган ай» фольклор коллективы (җитәкчесе Галиева М.А.), Мичәнбаш авыл мәдәният йортыннан Гаврилова А.Б., Саба район мәдәният йортыннан Айнур Гәрәев, Измә мәдәният йортыннан Зөлфәт Саматов, Гүзәл Латыйпова, Өтернәс авыл клубыннан Илүзә Гыйльфанова, Иске Мичән авыл клубыннан Ирек Һадиев, Ландыш Һадиева катнаштылар. Бәйрәм концертында матур биюләр, патриотик җырлар, тимер юл турында көйләр, тамашачыларның яраткан җырлары яңгырады. Кунаклар артистлар белән бергә рәхәтләнеп җырладылар, аларны алкышлар белән хупладылар. Бәйрәм концерты уңышлы узды, күп кунаклар җыйды һәм уңай бәяләмәләр алды. Концерт тимер юлчылар коллективын берләштерергә, аларның һөнәрләренең мөһимлеген ассызыкларга һәм үз эшләре белән горурланырга ярдәм итте. Бу чара барлык катнашучылар өчен дә күңелле һәм истә калырлык бәйрәмгә әверелде.

Россиядә бәйрәмнәр күп, алар арасында иң шатлыклы һәм күңелле бәйрәмнәрнең берсе-Яшьләр көне. Яшьлек -ул һәр кеше тормышында искиткеч чор гына түгел, ә күңелнең аерым торышы да. Бу-иң кыю өметләр, эзләнү, ачышлар һәм тормышка ашырулар вакыты. Шунысы игътибарга лаек, бүгенге яшьләр  актив. Иштуган авыл мәдәният йорты белгечләре яшьләр өчен «Яшьләр идарә итә!»дип аталган музыкаль күңел ачу чарасы уздырдылар. Бик күп үзенчәлекле кызыклы конкурслар, уеннар үткәрелде, аларда яшьләр бик теләп катнаштылар. Бу күңел ачу программасы якыннанрак танышырга, яшьләр бәйрәме турында күңелле хатирәләр калдырырга ярдәм итте. Бәйрәм дискотека белән тәмамланды. Барысы да яхшы кәеф белән таралыштылар.