ЯҢАЛЫКЛАР

12 октябрь көнне Саба үзәк китапханәсенең уку залында китапханә каршында эшләп килүче "Өлкәннәр” клубы әгъзалары өчен "Безнең еллар – безнең байлык" дип исемләнгән әдәби-музыкаль кичә үткәрелде. Бәйрәм чәй өстәле артында матурдан-матур шигырьләр сөйләп, җырлар җырлап, уеннар белән үрелеп барды. Чара ахырында китапханәләр системасы директоры  Билалова Ләйсән Рәкыйп кызы үзенең матур теләкләрен җиткерде.

Музейларда бөтен бер халыкның тарихы, әдәбияты, сәнгате саклана. Музей – ул хәтер хәзинәсе. Саба районы Юлбат авылында да озак еллар дәвамында тарих укытучысы булып эшләгән Сафин Ильдар Фатхулла улының шәхси музее бар. “Туган якны өйрәнүчеләр” клубына йөрүчеләр, тарих белән кызыксынучылар өчен шул музейга сәяхәт оештырылды. Ильдар абыйның еллар дәвамында җыелган экспонатлары, Юлбат авылы тарихы турында күп кенә мәгълүмат тупланылды.  Әлеге музей татар халкының элеккеге тормышын чагылдырган бай тарихи ядъкәре булып тора.

11нче октябрь көнне Саба гимназиясенең 1  "В" сыйныф укучыларына Саба район балалар китапханәсе китапханәчеләре “Әкиятләр иленә сәяхәт” дип исемләнгән әдәби-тану сәгате уздырдылар. Укучылар викторина сорауларына җавап бирү, табышмакларга җавап табу, әкиятләрне иллюстрацияләр буенча тану, әкият предметларын тану һәм пазл төзү кебек биремнәрне үтәделәр. Чараның икенче өлешендә «Китапның дусты мин» мастер-классы оештырылды. Укучылар китап кыстыргычының тарихы турында тыңладылар, ә аннары төсле эшләнмәләрдән яраткан китаплар өчен китап кыстыргычлар ясадылар.

Балаларда туган як табигатенә карата кызыксыну теләген уяту максатыннан Саба урман хуҗалыгы тарихы музее хезмәткәрләре укучыларга «Үсемлекләр дөньясы белән танышу» дип исемләнгән танып-белү сәгате үткәрде.  Чара барышында балаларны үсемлекләренең кайбер төрләре, аларның үсү тәртибе, тәбигый үзенчәлекләре, хуҗалык тормышында кулланылышы, әһәмияте белән таныштыру бурычы куелды.

«Читайка» клуб берләшмәсе өчен Шәмәрдән модель һәм балалар китапханәсе «Барлык тереклеккә дус бул» дигән эко-сәгать үткәрде. Чарада балалар гаҗәеп фактлар һәм экологик кагыйдәләр белән таныштылар. Чара барышында алар экологиянең нәрсә икәнен, табигатьне һәм аның ресурсларын ничек сакларга кирәклеген, кешенең әйләнә-тирә мохиткә нинди йогынты ясавын белделәр. Шулай ук — безнең уртак йортыбызны-Җир планетасын саклап калу өчен нәрсә эшләргә кирәклекне аңладылар. Чара барышында экологик темага китаплар тәкъдим ителде.

Көз үзенчә уйчан һәм моңсу, лирик һәм серле. Көз иң катлаулы, нечкә һәм шул ук вакытта зирәклек белән тулы вакыт. Табигать дөньясы гаҗәп һәм кабатланмас. Ул балага матурлыкны белергә, фантазияне үстерергә ярдәм итә. Табигатьнең үзенчәлекле, шигъри образын һәр бала үзе өчен ача, әдәби әсәрләр белән таныша. Табигать турында шигырьләр, хикәяләр, әкиятләр укыганда, балалар аның белән даими аралашалар, игелеклерәк, игътибарлырак булырга өйрәнәләр, үз күзәтүчәнлекләрен үстерәләр. 7 октябрьдә Олы Нырты авыл китапханәсендә елның иң матур вакытына-көзгә багышланган чара узды. "  «Очей очарованье»" – бөек Пушкин елның искиткеч вакытын-көзне шундый сүзләр белән сурәтли. Әдәби кафега бүген «Китап сөючеләр» клубында катнашучылар килде , китапханәче һәм балалар көз турында шигырьләр, бөек рус шагыйрьләре С. А .Есенин, А. С. Пушкин, Н. А. Некрасов, К. Паустовскийның « Алтын линь» хикәясеннән өзекләр укыды. Ә чараның ахырында барысы да көз көне табигать күренешләре турында табышмакларны бергәләп чиштеләр. Балаларга Көзге табигать үзгәрешләре, көзге хайваннар тормышы, көзге айлар турында « Көз зирәклеге вакыты " китап күргәзмәсе тәкъдим ителде

6нчы октябрь көнне Саба урта мәктәбенең 1 «А» һәм "Б" сыйныф укучыларына Саба район балалар китапханәсе китапханәчеләре “Әкиятләр иленә сәяхәт” дип исемләнгән әдәби-тану сәгате уздырдылар. Укучылар: викторина сорауларына җавап бирү, табышмакларга җавап табу, әкиятләрне иллюстрацияләр буенча тану, әкият предметларын тану һәм пазл төзү кебек биремнәрне үтәп, хәрефләрдән “Китап” сүзен төзеделәр. Чараның икенче өлешендә «Китапның дусты мин» мастер-классы оештырылды. Укучылар китап кыстыргычының тарихы турында тыңладылар, ә аннары төсле эшләнмәләрдән яраткан китаплар өчен китап кыстыргычлар ясадылар.

      6 октябрь көнне Саба үзәк китапханәсенең уку залында өлкәннәр атналыгы уңаеннан, китапханә каршында эшләп килүче "Мишә дулкыннары", "Сөембикә", "Алтын куллар" клублары өчен "Безнең еллар – безнең байлык" дип исемләнгән әдәби-музыкаль кичә үткәрелде. Бәйрәм чәй өстәле артында матурдан-матур шигырьләр сөйләп, җырлар җырлап, уеннар белән үрелеп барды. Чара ахырында китапханәләр системасы директоры  Билалова Ләйсән Рәкыйп кызы үзенең матур теләкләрен җиткерде.

4 октябрьдә Арча шәһәренең район мәдәният йортында «Безнең йорт – Татарстан» республика этномәдәни фестивале узды. Фестивальнең максаты-Татарстан Республикасы территориясендә яшәүче халыкларның бердәмлеген һәм рухи баетуын ныгыту һәм Татарстан Республикасының күпмилләтле мәдәниятен саклау, үстерү һәм популярлаштыру. Эзмә мәдәният йорты мөдире Зөлфәт Саматов «Каз бэбкэле сабый чак» җыры белән «Эстрада» номинациясендә катнашып диплом белән бүләкләнде.

27нче сентябрь көнне Сәләтле балалар өчен урта гомуми белем мәктәп интернатының 1 «А» сыйныф укучыларына Саба район балалар китапханәсе китапханәчеләре “Әкиятләр иленә сәяхәт” дип исемләнгән әдәби-тану сәгате уздырдылар. Укучылар: викторина сорауларына җавап бирү, табышмакларга җавап табу, әкиятләрне иллюстрацияләр буенча тану, әкият предметларын тану һәм пазл төзү кебек биремнәрне үтәп, хәрефләрдән “Китап” сүзен төзеделәр. Чараның икенче өлешендә «Китапның дусты мин» мастер-классы оештырылды. Укучылар китап кыстыргычының тарихы турында тыңладылар, ә аннары төсле эшләнмәләрдән яраткан китаплар өчен китап кыстыргычлар ясадылар.