ЯҢАЛЫКЛАР

Бабаларыбыз элекке вакытларда Ай һәм Кояш календаре буенча яшәгән.Яңа елның беренче көне итеп көн белән төннең тигешләшкән вакытын исәпләгәннәр. Ул 21 мартка туры килгән. Татарлар аны "Нәүрүз ае" дип йөрткәннәр. Нәүрүз - язгы бәйрәм. Бу гүзәл бәйрәм көнендә кешеләр бер-берсенә кунакка йөриләр, бер-берсенә булган үпкәләрен оныталар, җырлыйлар, бииләр, рәхәтләнеп күңел...
23 март көнне Чабия Чурчи авылы клубында "Нәүрүз" бәйрәме үткәрелде.авыл халкы һәм кайткан кунаклар Нәүрүз боткасы белән сыйланды. татар халкының төрле уеннары уйналды.Уеннар концерт номерлары белән аралашып барды.Бәйрәм ахырында дискотека үткәрелде. Бәйрәмнән беркем дә бүләксез кайтып китмәде

Нәүрүз дан булсын! Әнә шулай безнең борынгы бабаларыбыз да Нәүрүз бәйрәмен көтеп алганнар. Тимершык авылы халкы бәйрәмне шундый сүзләр белән каршы алды.24 март көнне мәдәният йортында Нәүрүз бәйрәме оештырылды. Бәйрәм концерт номерлары белән башланып китте.Әлеге тамашаны күреп, Язсылу кызы да бәйрәмдә катнашырга теләк белдерде.
Бәйрәм хәрәкәтле уеннар белән үрелеп барды. Шигъри юллар аша алып баручылар табигатьне, туган җирен, аның сынмас байлыкларын – урманнарны, елгаларны һәм канатлы дусларын яратырга һәм сакларга өндәделәр. Бәйрәмдә яңгыраган татар җырлары һәм биюләре барысына да ошады. Нәүрүз бәйрәме бер сулышта үтте. Ә саф һавада кыздырылган ботка ничек тәмле иде инде!

24 март көнне Иске Икшермэ мэдэният йортында язгы бәйрәм Нәүрүз үткәрелде. Бәйрәм балалар чыгышы белән башланып китте һәм Иске Икшермэ мэдэният йортынын үзешчән башкаручыларынын җырлары һәм биюләре белән дәвам итте. Күнелле уеннардан соң, бөтен халык тәмле ботка,коймак, чәй белән сыйлады.

23 март көнне район мәдәният йортында " Нәүрүз «фольклор ансамбленең 30 еллыгына багышланган юбилей концерты булып узды»

Мәрхәмәтлелек – ярдәм итүгә әзер булу, башкалар өчен үзеңне аямау ул. Авырлыкка дуча булган кешенең хәлен аңлау һәм аңа сүз яки гамәл белән ярдәм итә белгән кешене шәфкатьле, игелекле кеше диләр.
Бүгенге көндә картларга юл аша чыгарга булышу, авыр сумкаларын кайтарып бирү бик сирәк күренеш. Кем бүгенге көндә җәмәгать транспортында картларга яки кечкенә балага урын бирер икән?! Бу гади генә булган гамәлләрне кирәксез дип исәплиләр.
20 март көнне Ике басу Арташ мәдәният йорты хезмәткәрләре Лесхоз инвалид-картлар йортында Нәүрүз бәйрәме белән котлап “Котлы булсын Нәүрүз” дип исемләнгән концерт программасы белән өлкәннәр алдында чыгыш ясап кайттык.

21 нче март көнне Лесхоз мәдәният йорты хезмәткәрләре балалар белән «Татарстан – без тату гаилә» исеме астында рәсем ясау буенча күмәк эш үткәрделәр. Шул ук вакытта 2020 нче елда Татарстан АССР оешуга 100 ел тулачагы турында да хәбәр иттек. Балалар үз фантазияләрен кулланып, тырышып рәсем ясадылар. Коллектив эш кызыклы килеп чыкты.

20 март көнне Кукмара район мәдәният йортында Бөтенсоюз Ленин Коммунистик яшьләр берлегенә нигез салынуга 100 ел тулуга багышланган концерт булды.

16 нчы 18 нче март  көнендә Кукмара район мәдәният йортында “Созвездие - Йолдызлык - 2019” Ачык Республика күләм эстрада сәнгатенең телевизион яшьләр фестивале зона ярышлары узды. Өч көн дәвамында 7 районнан Кукмара, Теләче, Саба, Балтач, Арча, Әтнә, Биектау талантлы балалары узләренең сәләтләрен курсәтте.

17 март көнне Сәрдә авыл клубы үзешчән артистлары Иштуган мәдәният йортында чыгыш ясадылар. «Җырлап, көлеп яшик!» дип исемләнгән театральләштерелгән концерт программасы тәкъдим ителде. Күңелле скетчлар, күңелле һәм дәртле җырлар, нәфис сүз, биюләр тамашачыларны кич буе сөендерде. Концерт номерлары барлык тамашачыларның кәефен күтәрде. Һәр номер алкышлар белән каршы алынды.

17 март көнне Сәрдә авыл клубы хезмәткәрләре балалар һәм өлкәннәр белән Сәрдә авылы буенча «Нәүрүз» бәйрәмен үткәрү өчен, авыл буйлап бирнә җыю оештырдылар. Күчтәнәчләр, бүләкләр, ярмалар, кәнфитләр җыелды. Барлык авылдашлар да 23 март көнне узачак бәйрәмгә чакырылды. Җыелган бүләкләр бәйрәмдә күңелле уеннарда катнашкан катнашучыларга тапшырылачак.