ЯҢАЛЫКЛАР

28 ноябрь көнне Саба хәрби-диңгез флоты ветераннары Лесхоз өлкәннәр һәм инвалидлар өчен интернат-йортында булдылар. Алар социаль хезмәт алучылар белән мавыктыргыч әңгәмә үткәрделәр. Армия сафларында хезмәт итүгә бәйле мәсьәләләр турында фикер алыштылар. Кызыклы тарихлар белән уртаклаштылар. Социаль технологияләр үткәрү өчен ротанглар бүләк иттеләр. Хәзер социаль хезмәтләр алучылар белән территорияне төзекләндерү өчен кәрзиннәр үрәчәкбез. Аларга зур рәхмәтебезне белдерәбез.

Әниләр көне-календарьдагы иң күңелгә үтеп керә торган бәйрәмнәрнең берсе. 8 марттан аермалы буларак, ул нәфислек һәм язгы матурлык турында гына түгел, ә безгә тормыш биргән хатын — кызларга-әниләребезгә карата ихлас мәхәббәт, кайгырту, рәхмәт һәм хөрмәт турында. Бу бәйрәм чагыштырмача яшь, әмма ел саен ул бөтен ил буйлап миллионлаган гаиләләр өчен әһәмиятлерәк була бара.

Россиядә Әниләр көне ел саен ноябрьнең соңгы якшәмбесендә билгеләп үтелә. Бу фиксацияләнмәгән дата, бу бәйрәмне аеруча уңайлы итә-ул көзнең тәмамлануы һәм кыш алдыннан, декабрь салкыннары һәм яңа ел алды мәшәкатьләре алдыннан җылы наз утравы булып тора кебек.

2025 елда Әниләр көне 30 ноябрьгә туры килә — бу якшәмбе. Гаилә белән вакыт үткәрү, әнигә җылы сүзләр әйтү, күңелле сюрприз ясау һәм аның никадәр яратканын искә төшерү өчен идеаль көн.

28 ноябрьдә, әлеге бәйрәм алдыннан, Лесхоз интернат-йортында тәрбияче җитәкчелегендә социаль хезмәтләр алучылар белән берлектә «Әнигә мәхәббәт белән» котлау открыткалары әзерләү буенча мастер-класс үткәрелде.

Безнең балалар йортында кышкы чорда бәхетсезлек очракларын кисәтү максатыннан “Сак булыгыз, бозлавык” исемле темага әнгәмә үткәрелде.

          Чистай шәһәрендә инвалидлар арасында кул көрәше буенча Татарстан Республикасы Чемпионаты һәм Беренчелеге узды. Лесхоз өлкәннәр һәм инвалидлар интернат-йортының социаль хезмәтләр алучысы Заһидуллин Рөстәм Ибраһимович 2 группа инвалид терәк-хәрәкәт аппараты зарарланган затлар өчен армреслинг буенча Татарстан Республикасы Чемпионатында катнашып, мактаулы 2 нче урынны яулады.

26 ноябрь көнне Лесхоз  картлар һәм инвалидлар өчен интернат – йортында тәрбияче җитәкчелегендә «Уен терапиясе» уздырылды. Социаль хезмәтләр алучылар өстәл уены, шахмат уйнадылар. Шахмат логик фикерләүне үстерә, интеллектуаль үсеш дәрәҗәсен күтәрә, хәтерне яхшырта, акыл сәләтен саклый, эмоциональ халәтне яхшырта.

20 нче ноябрь көнне безнең балалар йортында Бөтендөнья балалар көне һәм халыкара бала хокукларын яклау көненә багышланган чара узды.

19 ноябрь көнне Лесхоз өлкәннәр һәм инвалидлар өчен интернат-йортында Теләче районы "Ядкәр" ансамбле оештырган концерт булды. Ансамбль матур концерт оештырды һәм чәй янына тәм-томнар китерде.

14 нче ноябрь көнне Югары Утар балалар йортында «Минем хокукларым, минем бурычларым» дигән темага мөһим сөйләшү узды.

12 ноябрь көнне Лесхоз интернат-йортына «Гармун моңы» ансамбленең үзэшчән гармунчылары килде. Татар халык җырлары һәм көйләре башкарылды.

   6 нчы ноябрь көнне безнең балалар йортында Татарстан Республикасы Конституциясе көненә багышланган бәйрәм чарасы узды.