ЯҢАЛЫКЛАР

 Россия көне - илдә ел саен 12 июньдә билгеләп үтелә торган иң «яшь» һәм мөһим дәүләт бәйрәмнәренең берсе. Нәкъ менә шул көнне 1990 елда Россиянең дәүләт суверенитеты турында Декларация кабул ителә, анда Конституция һәм аның законнары өстенлеге игълан ителә. Шул ук вакытта безнең илгә Россия Федерациясе дигән яңа исем дә бирелә.

 12 июньдә Лесхоз өлкәннәр һәм инвалидлар өчен интернат-йортында тәрбияче җитәкчелегендә социаль хезмәтләр алучылар белән «Ах, минем Россиям» темасына тарихи сәгать үткәрелде.

11 июнь көнне Әхмәт хәзрәт Лесхоз интернат-йортында булды. Социаль хезмәтләр алучылар белән Корбан бәйрәменә багышланган чара уздырылды. Хәйрия ярдәменә  дога укылды. Чара чын күңелдән чәй эчү һәм корбан ите белән сыйлану белән тәмамланды.

      Балаларны яклау көне-Бәхетле балачак бәйрәме. Балалар җәй башын һәрвакыт түземсезлек белән көтәләр. "Балачак планетасы" дип аталган күңелле һәм шатлыклы бәйрәм безнең приютта узды. Без бу көнне бәйрәм рухы тудырырга, балаларны күңелле уеннар, җырлар, биюләр белән сөендерергә тырыштык. Шулай ук аниматорлар белән күңел ачу-уен программасы да узды. Чара барышында балалар күңелле һәм дустанә атмосферага чумдылар. Алар кызыксынып һәм дәртләнеп сорауларга җавап бирделәр, шаян табышмакларны чиштеләр. Конкурслар күңелле һәм мавыктыргыч узды. Бу көнне битараф һәм пассив егетләр булмады, барысы да бик теләп уеннарга кушылдылар. Күңел ачу, көлү һәм яхшы кәеф атмосферасы хөкем сөрә иде. Иганәчеләребезгә ярдәмнәре өчен зур рәхмәтебезне белдерәбез. Сезгә эшегездә уңышлар һәм сәламәтлек телибез.

 4 июнь көнне Лесхоз өлкәннәр һәм инвалидлар өчен интернат-йортында социаль хезмәткәрләр көне уңаеннан, Лесхоз мәдәният йорты хезмәткәрләре тарафыннан интернат-йорт хезмәткәрләре өчен бәйрәм концерты оештырылды. Шулай ук грамоталар һәм рәхмәт хатлары белән бүләкләнделәр.

24 майда, безнең приютка кунаклар килде: "Туган авыл" кунакханә-күңел ачу комплексының даими иганәчеләре Шәфыйков Р.З. һәм Казан шәһәреннән Ногманов Р. И. җитәкчелегендәге "Татар квадрат" квадро-төркемнәре. Шәфыйков Рифкать Зыятдин улы приютта тәрбияләнүчеләрне чын мичтән коймак белән сыйлады һәм балаларның күңелен ачарга "Мишка" сюрпризын алып килгән иде. Казаннан кунаклар квадроциклларда килделәр, аларда тәрбияләнүчеләр өчен машина йөртү буенча мастер-класслар күрсәттеләр һәм һәр баланы йөрттеләр. Шулай ук балаларыбызга искиткеч бүләкләр алып килделәр һәм алар белән төрле конкурслар үткәрделәр. Ахырда тәмле пылау белән сыйладылар. Балалар бик шатландылар! Иганәчеләребезгә зур рәхмәтебезне белдерәбез, сәламәтлек һәм эшләрендә уңышлар телибез!

28 нче апрель  көнне Лесхоз картлар һәм инвалидлар өчен интернат-йортында социаль  хезмәт  алучылар  белән  берлектә Гараева Айгел җитәкчелегендә   индивидуаль  кунегуләр  уткәрелде.

22 май көнне Лесхоз интернат-йортының социаль хезмәтләр алучылары Заһидуллин Р.И. һәм Ермолаева С. И. ОВЗ белән авыручы спортчылар арасында җиңел атлетика буенча район чемпионатында катнашып призлы урыннар яуладылар.

21 май  көнне Лесхоз картлар һәм инвалидлар өчен интернат-йортында  социаль  хезмәтләр  алучылар белән  берлектә   төркемнәрдә  кунегүләр  башкарылды.