ЯҢАЛЫКЛАР

   Балалар юл-транспорт травматизмын кисәтү һәм куркынычсызлык күнекмәләрен торгызу максатларында, 2019 елның 20 маеннан 2 июненә кадәр Саба районында «Игътибар – балалар!» дигән профилактик чара үткәрелә. Россия Эчке эшләр министрлыгының Саба районы буенча Дәүләт автоинспекциясе юл хәрәкәтендә катнашучыларның барысын да игътибарлы һәм сак булырга чакыра.

    2019 елның 19 мартыннан 31 мартына кадәр Россия Эчке эшләр министрлыгының Саба районы бүлегенең полиция хезмәткәрләре тарафыннан «Язгы каникуллар» профилактик чарасы үткәрелә, аның кысаларында балалар катнашындагы юл-транспорт травматизмын кисәтүгә төп игътибар бирелә, юл хәрәкәте кагыйдәләрен бозучы балигъ булмаганнар белән «Тукта – синең тормыш куркыныч шартларда!” карточкаларын төзеп профилактик чаралар үткәрелә. Юл хәрәкәте кагыйдәләрен бозу фактлары турында балигъ булмаганнар эшләре һәм аларның хокукларын яклау комиссиясенә, мәгариф органына хәбәр итәргә кирәк.

   Саба районында Халыкара хатын-кызлар көне алдыннан «Автоледи өчен чәчәкләр» акциясе уздырылды. Акция кысаларында Россия Эчке эшләр министрлыгының Саба районы буенча ЮХИДИ бүлеге начальнигы Гаязов Марат Мидхәт улы транспорт чарасы белән идарә итүче хатын-кызларны туктатты һәм лалә чәчәкләре бәйләмен бүләк итте. ЮХИДИ хезмәткәре автоледиларны якынлашып килүче язгы бәйрәм белән котлады, гүзәл затларга сәламәтлек, мәхәббәт һәм матурлык теләде.

   2019 елның 6 мартында ЮХИДИ бүлеге, "Юл хәрәкәте иминлеге" ДБУ хезмәткәрләре Саба гимназиясенең яшь юл хәрәкәте инспекторлары белән берлектә "Җәяүле кичүе!" профилактик акциясе үткәрделәр. Акциянең максаты - яктылыкны кайтаручы элементлар куллануны пропагандалау һәм җәяүлеләр юл аша чыгу урыннарында игътибарны арттыру. Рейд барышында Дәүләт автоинспекциясенең яшь ярдәмчеләре яктылык кайтаручы элементлар турында белешмәлекләр тараттылар, машина йөртүчеләр һәм җәяүлеләр белән әңгәмәләр уздырганда, җәяүлеләр кичүенә якынлашканда аеруча игътибарлы булырга кирәк дигән өндәмә белән мөрәҗәгать иттеләр.

      Соңгы елларда юлларда машина  хәрәкәте һәм шуның нәтиҗәсендә  балаларның юл-транспорт һәлакәтенә  юлыгу куркынычы  арта. Шуңа да  кечкенәләрне юлда, урамнарда үзләрен  тоту кагыйдәләренә  мәктәпкәчә  белем бирү учреждениеләрендә үк өйрәтү максат итеп куелган. Шәмәрдәннең “Әкият” балалар бакчасында шушы юнәлештә даими эш алып барыла.

   Сез автомобиль яки мотоцикл сатып алдыгыз? Яки, киресенчә, сатасыз – РФ Дәүләт хезмәтләре порталы сезгә документлар белән ярдәм итәчәк. Исәптән төшерү, учетка кую яки теркәү мәгълүматларын үзгәртү – боларның барысын да интернет аша эшләү җиңелрәк. Элек транспорт хуҗалары ЮХИДИ бүлегендә кулдан гариза тутырган, чират көткән булса, хәзер барысы да җиңелрәк: үзегезгә унайлы вакытка ЮХИДИ бүлегенә килү өчен дәүләт хезмәтләре сайтында гариза тутырасыз, датасын һәм вакытын сайлыйсыз,  һәм чиратта  көтәргә туры килмәячәк. Шулай ук РФ Дәүләт хезмәтләре Порталы аша мөрәҗәгать иткәндә, сез дәүләт пошлинасы өчен 30% ташлама алачаксыз. Югарыда күрсәтелгән дәүләт хезмәтен алу өчен, ТР, Саба районы, Байлар Сабасы ш.т. п., Тынычлык ур., 22 нче йорт адресы буенча урнашкан Россия Эчке эшләр министрлыгының Саба районы буенча ЮХИДИ бүлегенэ килергә кирәк. Белешмәләр өчен телефон +7(84362)-2-27-47.

   Саба районы мәктәпләрендә 10-11 сыйныф укучылары арасында яктылыкны кайтаручы элементлар куллану һәм яшүсмерләр өчен яңа төр элементлар әзерләү буенча анкета тутыру бара. 2019 елның 23-24 гыйнвар көннәрендә ЮХИДИ бүлекчәсе һәм "Юл хәрәкәте иминлеге" ДБУ Саба бүлекчәсе хезмәткәрләре Шәмәрдән лицее һәм Саба гимназиясе өлкән сыйныф укучылары арасында анкета сорауларына җавап алдылар. Анкета тәмамлангач, укучылар белән юлларда куркынычсызлык кагыйдәләре турында әңгәмә үткәрелде.

  Кичә, 24 гыйнвар конне, Сабанын Мэктэп урамында  16:00 сәгатьтән 18:00 сәгатькә кадәр транспорт чаралары йөртүчеләре тарафыннан юл хәрәкәте кагыйдәләрен бозу очракларын ачыклау буенча чираттагы массакүләм тикшерү үткәрелде. "Тоннель" операциясе барышында 90нан артык автомобиль тикшерелде һәм 23 хокук бозу очрагы ачыкланды.

2019 елның 23 гыйнварында Шәмәрдән лицееның яшь юл хәрәкәте инспекторлары ЮХИДИ һәм "Юл хәрәкәте иминлеге" дәүләт бюджет учреждениесенең Саба бүлекчәсе белән берлектә "Юлда күренеп тор!" акциясен үткәрү өчен урамга чыктылар. Укучылар юл хәрәкәтендә катнашучыларга яктылык кайтаручы элементлар куллануның мөһимлеге турында искә төшереп мөрәҗәгать иттеләр, тематик белешмәлекләр һәм яктылык кайтаручы элементлар өләштеләр.    Акция уңышлы узды, барлык җәяүлеләр һәм автомобиль йөртүчеләр акцияне яхшы кабул иттеләр.