ЯҢАЛЫКЛАР

7 гыйнвар көнне Сатыш авылы мәдәният йортында 2009 нче елгы һәм аннан яшьрәк егетләр арасында көрәш буенча Яңа Ел турниры булып узды. Бәйгедә Саба районыннан килгән 60 дән артык көрәшче катнашты. Көрәшчеләрне котларга Кыш бабай һәм Кар кызы да килгән иде. Татарстан Республикасы Дәүләт Советы депутаты Хаҗипов Нәҗип Нәкыйп улы иганәчелек ярдәме белән барлык көрәшчеләргә Яңа ел бүләкләре тапшырды. Спортчыларны һәм аларның тренерларын уңышлы чыгышлары белән котлыйбыз.

Сатыш авылы мәдрәсә музеенда балалар өчен «Кышкы сәяхәт» темасына  викторина оештырылды.

Казанчы Бигәнәй авыл  китапханәсендә “Журналның кызыклы битләре” дигән мәгълүмат сәгате үткәрелде.   Балалар “Ёжик”, “Саша һәм Маша”, “Күңелле дәресләр”, “Салават күпере” һәм башка тематикалы журналларның зур исемлеге белән таныштылар. Балалар теге яки бу журналда нинди материал барлыгын белделәр: танып белү, күңел ачу, юмористик, әдәби журналлар. Кайсы журналларны үзләре  укулары турында сөйләделәр.

Сатыш авыл китапханәсендә "Әкият ясыйбыз" дип исемләнгән рәсем конкурсы узды. Китапханәче балалар белән яраткан әкиятләре, аларның авторлары турында әңгәмә корды.

Бигәнәй мәдәният йортында китапханә белән берлектә “Уен әйлән-бәйләне”  - урамда кышкы күңел ачулар үткәрелде. 

Сатыш авыл җирлегенең барлык мәдәният йортында "Бөтен гаилә белән Яңа елга!» дип исемләнгән балалар бәйрәме үткәрелде. Чара башында бәйрәмгә Кыш бабай белән Кар кызы килсен өчен балалар берничә биремне  үтәргә тиеш иде. Барлык биремнәрне  уңышлы үтәгәннән соң,тылсымлы тавышлар астында малайлар  һәм кызлар янына кунакка Кыш бабай килде.Барысы да аңа Яңа ел шигырьләрен сөйәделәр , шуның өчен татлы бүләкләр алдылар.

Сатыш мәдәният йорты хезмәткәрләре "Кошларга ярдәм"дигән чара үткәрделәр. Кыш бабай катнашучыларга без кошларга, бигрәк тә кыш көне, ярдәм итәргә тиешбез, дип аңлатты. Катнашучылар кышлаучы кошлар белән таныштылар, туган якның кышкы табигатенә сокланып карадылар, үз куллары белән Кошларга җимлекләр ясадылар һәм агачларга элеп куйдылар.

4 нче январь  көнне Бигәнәй мәдәният йортында китапханә белән берлектә "Кышкы әкият ясыйбыз" дигән рәсем конкурсы үткәрелде. Конкурста катнашучыларга кышкы әкият ясарга тәкъдим ителде. Һәркем үзенең рәсемендә гаҗәеп һәм онытылмас кышкы әкият турындагы күзаллауларын чагылдырды. Күп кенә рәсемнәр якты хыял, фантазиялелеге һәм оригинальлеге белән аерылып тора. Китапханәдә  «Кышкы  әкият юллары буйлап” дтп исемләнгән китап күргәзмәсе оештырылды.

Сатыш авыл җирлеге башлыгы Шәфигуллин Ф.Ф. һәм Кыш бабай белән җирлектән махсус хәрби операциядә катнашучыларның гаиләсен Яңа ел белән котлау оештырды. 

Бигәнәй авылы мәдәният йортында "Бездә Яңа ел, Яңа ел кунакка дәшә" дигән Яңа ел бәйрәм тамашасы булып узды.