ЯҢАЛЫКЛАР

1 сентябрь көнне Ш.З.Зиннуров  исемендәге Сатыш урта гомумбелем бирү мәктәбендә Белем көненә багышланган тантаналы чара узды. 1 сыйныфка 9 укучы керде. Мәктәптә барлыгы 132 укучы белем алачак.

Сатыш авыл җирлеге «Чәчәкле Саба-2023» конкурсында район авыл җирлекләре арасында 1 урынны алды.

26 август көнне Сатыш авылында ир-атлар командалары арасында "2023 елгы Сатыш авыл җирлеге Кубогына" мини-футбол буенча турнир булып узды. Турнирда Саба муниципаль районыннан 6 команда катнашты.
Турнир нәтиҗәләре:
1 урын-Икшермә;
2 урын-Эзмә;
3 урын-Сатыш-1;
4 урын-Тимершык
5-6 урын-Сатыш-2;
5-6 урын-Юлбат.
Турнирны оештыруда ярдәм иткәннәре өчен Сатыш авылы яшьләренә һәм иганәчеләргә рәхмәтебезне белдерәбез. Уеннар 7 нче ел рәттән үткәрелә.

Сатыш мәдәният йорты хезмәткәрләре, китапханәче белән берлектә, Халык мәдәниятләре һәм традицияләре елына багышланган "Кичке уен" оештырдылар. Сатыш авылы халкы һәм кунаклар "Наза", "Бармаклы", "Почмаклы", "Капкалы", "Бишпарлы" халык уеннарында актив катнаштылар. Чара күңел атмосферасында узды. Кич 80-нче дискотека белән тәмамланды.

26 август көнне Сатыш авылында балалар арасында "2023 елгы Сатыш авыл җирлеге Кубогына" мини-футбол буенча турнир булып узды.
Турнир нәтиҗәләре:
1 урын-Сатыш яшьләре
2 урын-Сатыш егетләре;
3 урын-Сатыш батырлары.
Турнирның һәр катнашучысына медаль һәм акчалата бүләк тапшырылды.
Турнирны оештырган өчен Сатыш авылы яшьләренә һәм иганәчеләргә рәхмәт белдерәбез.

Татарстан Республикасы Саба районы Сатыш авылында Суворов, Совет урамнары буенча 52 нче җир кишәрлегенә газүткәргеч төзелеше башланды.

22 август көнне Мамалай мәдәният йортында Россия флагы көне хөрмәтенә чара уздырылды. Чара башында балалар бәйрәмнең барлыкка килү тарихы белән таныштылар, Россия флагы төсләренең мәгънәсе турында белделәр. Алга таба алар, горурланып, зур канәгатьлек, патриотизм хисе белән, асфальтта флаг ясадылар - бу Ватан символы - куәтле Россия символы.

Ел саен Россия Федерациясендә 250 меңгә якын янгын була, нәтиҗәдә 14 меңнән артык кеше һәлак була. 

12 август көнне "Гаилә" паркында  Сатыш мәдәният йорты, "Гәрәбә" фольклор коллективы, Бигәнәй мәдәният йорты һәм китапханәсе, Мамалай авыл клубы хезмәткәрләре, Юлбат мәдәният йорты сәнгать житәкчесе катнашында "Кичке уен" оештырылды. Ял итәргә килгән Саба халкы һәм килгән кунаклар милли уеннарыбызда, җыр - биюләрдә актив катнашып күңелләренә рухи азык алдылар һәм ял иттеләр.

Һәр кешенең йөрәгендә кечкенә Ватанга, туган җиргә, аның чиксез далаларына, зәңгәр елгалар тасмасы белән уратып алынган, легендалар һәм риваятьләр белән бизәлгән җиргә мәхәббәт яши. Моның өчен туган як тарихын белергә, табигатьне яратырга кирәк. Сатыш авылы музей-мәдрәсәсе хезмәткәрләре чараны «Туган як» төшенчәсе дигән әңгәмәгә багышлады.