ЯҢАЛЫКЛАР

Бала һөнәр проекты буенча Сатыш "Кояшкай" балалар бакчасында тәрбияләнүчеләр Сабанын иҗат йортында паспортлар, "Ак барс " банкында барслар-купюралар алып, Ветстанциядә ветеринар, Саба күптармаклы җитештерү предприятиесендә эколог, банкта банк хезмәткәрләре, Саба телерадиокомпанисендә алып баручы, журналист, тавыш операторлары хезмәте белән якыннан таныштылар. 

21 сентябрь көнне Сатыш авылы мәдрәсә музеенда "Урамда көз" дип исемләнгән мастер класс үтте.

 "Бердәм Россия" партиясенең "Татарстан Республикасының 2021 елгы иң яхшы беренчел бүлекчәсе" конкурсында җиңеп чыгып, Сатыш авылында яңа балалар мәйданчыгы урнаштырылды.

Сатыш авыл җирлегендә Кросс Татарстана йөгерү ярышлары булып узды. Ярышта укучылар, учреждения хезмәткәрләре актив катнашты.

Сатыш авылы мәдәният йортының яңа бинасы территориясендә асфальт юл салынды.

Бездә күпләргә, бигрәк тә яшьләргә аз билгеле булган, туган ил хакына батырлыклар эшләгән каһарманнар да аз түгел. Шуларның берсе, Сатыш авылында гомер иткән Нәҗип Галиев Бөек Ватан сугышында зур батырлыклар күрсәткән кеше. Ул - 4 сугышчан орден кавалеры. Сугыш тәмамланганда аның күкрәген "Александр Невский", беренче һәм икенче дәрәҗә " Бөек Ватан сугышы", "Кызыл Йолдыз" орденнары һәм 2 медаль бизәгән.

17 сентябрь көнне Сатыш авылы мәдрәсә музеенда үткәрелгән "Батырлык һәм намус" дип исемләнгән чарада авылдашыбыз Нәҗип Галиевның тормыш юлы, аның сугышындагы батырлыклары белән укучыларны таныштырдык.

Сатыш авылында Саба урманчылыгы белән берлектә "Урман утырту көне" табигатьне саклау акциясе узды.

Сатыш авылы музей- мәдрәсәсе "Изге эшләр эшләргә өйрәнегез" дип исемләнгән тематик әңгәмә узды. Әлеге чараның максаты: аңлау һәм бердәмлек, дуслык,ярдәм итү турында сөйләү; яхшылык, чын дуслыкны аерырга, кешеләргә аңларга һәм тоярга, аларга ярдәм итәргә өйрәтү.

7 сентябрь көнне Сатыш мәдәният йортында гражданнар җыены булып узды. Җыенда Саба муниципаль районы Башлыгы Минниханов Р.Н., Саба муниципаль районы Башлыгы урынбасары Закирҗанов Р.Р. һәм учреждения, оешма җитәкчеләре катнашты. Җыен соңгы 5 еллыкта район күләмендә башкарылган эшләр белән бәйле видеоязма карау белән башланып китте. Аннан соң авыл җирлеге башлыгы Шафигуллин Ф.Ф. җирлек күләмендә башкарылган эшләргә хисап ясады. Шулай ук алдагы 5 еллыкта хәл ителәсе мәсьәләләрне әйтеп узды. Җыенны район Башлыгы Минниханов Р.Н. йомгаклады, халык биргән сорауларга аңлатма биреп узды. 

Сатыш авылында бишенче ел рәттән "Сатыш авыл җирлеге Кубогы-2021" турниры үткәрелде. Турнирда Саба һәм Теләче районнарыннан 6 команда катнашты.