ЯҢАЛЫКЛАР

3 декабрь - Билгесез солдат көне, шул көн уңаеннан Сатыш авыл җирлегендәге бюджет оешмасы җитәкчеләре Бөек Ватан сугышы ветераннары һәйкәлләренә чәчәкләр салдылар һәм һәлак булган якташларын бер минутлык тынлык белән искә алдылар.

Сатыш авыл җирлегендә арендалы йортлар төзү буенча эшләр бара. Төзелешне "Кристалл" ҖЧҖ алып бара.

Ел саен декабрьдә Сатыш авыл җирлегендә инвалидлар декадасы үткәрелә. Шул уңайдан 1 декабрь көнне Сатыш авылы мәдрәсә- музеенда авылыбызның мөмкинлекләре чикләнгән кешеләре өчен агач тактага рәсем ясау буенча мастер класс үткәрелде. 

28-29 ноябрь көннәрендә Сатыш авыл җирлегенең барлык мәдәният йортларында әниләр көненә багышланган концерт куелды.

Сатыш авылында елга аша үтәр өчен җәяүлеләр күперен төзү буенча эш башкарылды

25 ноябрь көнне Ш.З. Зиннуров исемендәге Сатыш урта гомуми белем бирү мәктәбендә, 1-4 сыйныф укучылары өчен юл йөрү кагыйдәләрен өйрәнү һәм саклау буенча, инспекторлар Ягафарова Г.Н. һәм Насыйбуллин И.Д. катнашында чара үткәрелде. Дәрес укучылар өчен бик файдалы һәм кызыклы булды.

23 ноябрь көнне Сатыш авыл мәдәният йортында "Саба" җаваплылыгы чикләнгән җәмгыяте Сатыш бүлекчәсенең авыл хуҗалыгы алдынгыларын бүләкләү тантанасы булды..

 2020 елның 21 ноябрендә Чәбки- Саба авылыннан хезмәт ветераны Шляпина Шәфкыя Абдрахман  кызы үзенең 90 яшьлек юбилеен билгеләп үтте. Шулай ук,  2020 елның 23 ноябрендә Сатыш авылыннан хезмәт ветераны Кәримова Факиһә Корбан кызы үзенең 90 яшьлек юбилеен билгеләп үтте. .Юбилярларны Сатыш авыл җирлеге башлыгы Шәфигуллин Фаил Фәһим улы котлады.

Казанчы Бигәнәй авыл китапханәсе, мәдәният йорты белән берлектә, яшьләр өчен «Толерантлык – тынычлыкка юл " дип исемләнгән әңгәмә үткәрделәр. Китап күргәзмәсе куелды. 

 Дәүләт программасы нигезендә, авылда яшәп шунда эшләүче гражданнарның торак шартларын яхшырту максатыннан, Мамалай һәм Казанчы- Бигәнәй авылларында өч йорт төзеләчәк. Бүгенге көндә фундамент эшли башладылар.