ЯҢАЛЫКЛАР

8 май көнне Сатыш авыл җирлеге оешма җитәкчеләре белән Бөек Ватан сугышында Җиңүнең 79 еллыгына багышланган “Агачлар утырту” акциясендә катнаштылар.

Бөек Ватан сугышында Җиңүнең 79 еллыгы алдыннан "Георгий тасмасы" патриотик акциясе узды. Бу акциядә укучылар һәм әти-әниләр катнашты. "Георгий тасмасы" акциясе - үткән буыннардан бүгенге көнгә кадәр килгән эстафета. Хәтер эстафетасы, әтиләр,  бабалар батырлыкларына хөрмәт, үз җирен, үз халкын, үз телен, илен  якларга әзерлек эстафетасы. Ш.З.Зиннуров исемендәге Сатыш урта гомуми белем бирү мәктәбе  ел саен барлыкка килгән традиция буенча «Георгий тасмаларын» тарата һәм Бөек Ватан сугышы ветераннарының кабер чардуганнарына беркетәләр. Һәр кеше әлеге акциядә горурлык хисе белән катнаша.

Ш.З.Зиннуров исемендәге Сатыш урта гомуми белем бирү мәктәбенең волонтер - юнармейчылары, тәрбия буенча директор киңәшчесе А.М. Шакирова белән бергә, Сатыш авылында Бөек Ватан сугышында һәлак булган сугышчылар обелискын тәртипкә китерделәр.

Сатыш авыл җирлегендә «Саба» ҖЧҖнең «Сатыш» бригадасы кырларыннан бюджет учреждениеләре хезмәткәрләре таш җыюда катнаштылар.

Чисталык икеайлыгы кысаларында Сатыш авыл зиратында өмә булып узды. Авыл  халкы һәм авылдан читтә яшәүчеләр катнашында узган өмәдә агачлар киселде, тротуар ясалды.

Хатын-кызлар арасында Саба муниципаль районы буенча үткәрелүче волейбол ярышында Бигәнәй командасы актив катнашып, җирлек командалары арасында 2 нче урынны яулады. Җиңүләре белән котлыйбыз һәм алга таба да уңышлар телибез.

Бөек Җиңүнең 79 еллыгы якынлашкан көннәрдә, Сатыш авыл җирлегендә гомер кичерүче тыл хезмәтчәннәрен Саба районы хакимияте башлыгының социаль-икътисадый үсеш буенча урынбасары Котдусов Илнур Илдус улы һәм авыл җирлеге башлыгы котлап чыктылар. Җирлектә алар барлыгы  11 кеше. Аларга котлау сүзләре җиткерелде, Татарстан Республикасы Рәисе Миннеханов Р.Н һәм Саба районы башлыгы Миннеханов Р.Р. исеменнән котлау открыткалары, бүләкләр тапшырылды.

Ш.З.Зиннуров исемендәге Сатыш урта мәктәбенең 4 сыйныф укучылары Сатыш авыл җирлеге башлыгы Фаил Фәхим улы белән һөнәри юнәлеш бирү очрашуы оештырылды. Фаил Фәхимович үз һөнәре, эше турында сөйләде. Укучылар кызыклы сораулар һәм авылны төзекләндерү буенча үз теләкләрен җиткерделәр.

21 апрель-җирле үзидарә көне. "Беренчеләр хәрәкәте" нең беренчел бүлеге активистлары Сатыш авыл җирлеге башлыгы Ф.Ф. Шәфигуллин белән очрашу оештырдылар.

Чисталык икеайлыгы кысаларында, тирә-юнебезне пөхтә, матур тоту максатыннан Ш.З.Зиннуров исемендәге Сатыш урта мәктәбе укучылары укытучылары белән берлектә өмәгә чыкты.