ЯҢАЛЫКЛАР

«Саба-Арена спорт мәктәбе»ндә өстәл теннисы буенча атналык лигада:

1 урын-Мансуров Салават (Сатыш);

2 урын-Ахәдиев Рамазан (Шәмәрдән);

3 урын - Хаҗиев Ранил (Сатыш);

3 урын-Востриков Руслан (Сатыш) алдылар.

Бигәнәй мәдәният йорты  хезмәткәрләре, китапханәче белән берлектә, ветеран-укытучылар  йортына барып,    аларга чәчәкләр , яхшы кәеф һәм җылылык бүләк иттеләр.Шулай ук китапханәче  журналлар алып килде. Акциядә катнашучылар шулай ук арабыздан киткән укытучыларны да искә алдылар.

1 нче октябрьдән Сатыш авыл җирлегендә бюджет, авыл хуҗалыгы һәм башка өлкәләрдә эшләп ялга киткән өлкәннәрне котлаулар булып узды.  Бәйрәмнәр барлык мәдәният йортында чәй  өстәле артында концерт номерлары белән  бергә алып барылды.

20 сентябрьдә Сатыш авыл җирлегендә «Милләтләр кроссы 2024» массакүләм ярышлары узды, алар традицион рәвештә көз көне халык арасында массакүләм физкультура-сәламәтләндерү хәрәкәтен популярлаштыру һәм сәламәт яшәү рәвешен оештыру максатларында үткәрелә.

21 нче сентябрь көнне Бигеней мәдәният йортында террорчылыкны һәм экстремизмны кисәтү буенча “Терроризмга юк дип әйтик” дигән тематик сәгать үткәрелде. 

18 сентябрь көнне Бигәнәй авыл мәдәният йортында балалар бакчасында тәрбияләнүчеләр өчен “Халык кәсепләре осталарында кунакта” дип исемләнгән әңгәмә үткәрелде. 

Сатыш "Кояшкай" балалар бакчасында "Экстремизмга - юк" акциясе кысаларында балалар белән шул темага әңгәмә үткәрелде, проблемалы ситуацияләр чишелде, тыныч тормыш, имин, бәхетле балачак турында рәсем буядылар. Саф һавада төрле кызыклы уеннар уйналды.

Сатыш авылы мәдрәсәсе музее хезмәткәрләре халык арасында экстремизмга каршы тору турында буклетлар тараттылар, «экстремизм» төшенчәсенең мәгънәсен һәм аның тискәре нәтиҗәләрен аңлаттылар.

Ш.З. Зиннуров исемендәге Сатыш урта гомумбелем бирү мәктәбендә укучылар белән бик тә мавыктыргыч очрашу булды. Өстәл теннисы буенча югары квалификацион категорияле тренер, Татарстан Республикасының физик культура һәм спорт отличнигы, Татарстан Республикасы физик культура буенча атказанган хезмәткәре Исмаилов Фарход Усманович һәм өстәл теннисы буенча спорт мастеры, Россия һәм Татарстан буенча бик күп бәйгеләр һәм чемпионатлар җиңүчесе Исмаилова Динара Фарходовна бездә кунакта булдылар. Укучылар белән кызыклы мастер-класслар, җанлы әңгәмә белән үрелеп барды әлеге очрашу.

Ш.З.Зиннуров исемендәге Сатыш урта гомуми белем бирү мәктәбенең волонтер - юнармейчылары, тәрбия буенча директор киңәшчесе А.М. Шакирова белән бергә, Сатыш авылында Бөек Ватан сугышында һәлак булган сугышчылар обелискын тәртипкә китерделәр.