ЯҢАЛЫКЛАР

Мичән төп белем бирү мәктәбендә узган Ажаган уены. Укучылар 2 командага буленеп, төрле уеннарда көч сынаштылар.

Татар көрәше буенча район турнирында Мичән урта гомуми белем бирү мәктәбе укучысы Ашаров Рүзәл Радик улы 2 нче урынны алды. Аны җиңүе белән котлыйбыз һәм алга таба да уңышлар телибез.

Керәнне авыл клубында 8 Мартка багышланган бәйрәм чарасы үткәрелде. Мичән  авыл җирлеге башлыгы Айзат Әхмәтгали улы барлык гүзәл затларны язгы бәйрәм белән җылы котлады һәм җыр бүләк итте.  

Гүзәл затлар өчен әзерләнгән программаның беренче өлешендә биш әни кызлары белән ярышты. Әниләр һәм кызлар үзләренең җитезлеген, тапкырлыгын, тырышлыгын, сәнгать сәләтләрен күрсәттеләр. Бәйрәмнең икенче өлешендә барлык кунаклар төрле кызыклы конкурсларда катнаштылар һәм күп бүләкләр алдылар. Чара чәй эчү белән дәвам итте. Бәйрәмнең башыннан ахырына кадәр дәртле биюләр, матур җырлар тукталмады. Бу көнне хатын-кызларыбызга җылы, назлы теләкләр яңгырады. Бәйрәмне оештыручыларга бик күп рәхмәт сүзләре әйтелде.

8 март көнне Керәнне клуб мөдире уллары Илмир махсус хәрби операция сафларында хезмәт итүче Гимадиевлар гаиләсендә булды. Фәнүзә Гыймадиеваны 8 Март белән котлады, аңа бүләк тапшырды, улының сәламәтлеген һәм туган якларына тизрәк кайтуын теләде.

Махсус хәрби операциядә катнашучы сугышчыларның әти-әниләре һәм туганнары көн саен өмет белән капланган. Алар яраткан улларыннан, ирләреннән, әтиләреннән яхшы хәбәрләр,  шалтыратулар көтәләр, өйләренә тизрәк кайтуларын чын күңелдән телиләр. Россиялеләрнең тынычлыгын саклаучы чын ир-атларны тәрбияләгән бу гаиләләр өчен тирә-юньдәгеләрнең җылы сүзләре, игътибары һәм аңлаулары бик мөһим.

Яңа Мичән авылында яңа кибет төзелеше дәвам итә

Иске Мичән авылында фельдшер-акушерлык пунктында ремонт эшлэре дәвам итә

Мичән төп белем бирү мәктәбендә  мобилизацияләнгән егетләрнең әниләре белән  очрашу булды. Бүгенгесе көндә авыл җирлегеннән 6 егетебез  бар элеге мобилизациялэнучелэр арасында. Очрашуда әниләре уллары белән горурланып, аларның кайда хезмәт итүләрен , илебезне төрле шәһәрдә саклаулары хакында таныштырдылар. Тырыш булырга, физик тәрбия белән шөгыльләнергә кирәклеген искәрттеләр.

11 февральдә Керәнне авыл клубында совет гаскәрләрен Әфганстаннан чыгару көненә багышланган «Солдат сугышны сайламый» дигән патриотик кичә узды. Чараның мәртәбәле кунагы сугышчы-интернационалист Айдар Галимуллин иде. Ул Әфганстанда булу һәм интернациональ бурычны үтәү вакытлары турындагы хатирәләре белән уртаклашты. Авылдашлар сугыш сынавын үткән егетнең чыгышын зур хөрмәт белән тыңладылар. Программада сугышта булган вакыйгалар, сугышчыларга багышланган шигырьләр, җырлар яңгырады, ә кызлар биюләр биеделәр. Айдар Галимуллин кызы белән мобилизацияләнгән егетләр хөрмәтенә җыр башкардылар.

Быел Сталинград сугышы тәмамлануга 80 ел тула, ул Бөек Ватан сугышында  борылыш ноктасына әверелә һәм бөтен дөньяга какшамас рух көчен, совет гаскәрләренең батырлыгын һәм каһарманлыгын күрсәтә.

Иске Мичән мәдәният йорты эшчеләре Сталинград сугышында  җиңүнең 80 еллыгына багышлап  « Сталинград өчен көрәш»  дип исемләнгән хәрби-патриотик сәгать уздырдылар. Чара барышында балаларга Сталинград өчен көрәш, совет солдатларының батырлыгы , команда составы, гади солдатларның, шәфкать туташларының һәм хәтта балаларның  каһарманлыгы турында сөйләнде. Балалар шул бөек сугышның тарихи һәйкәлләре : Мамай курганы, Павлов йорты белән таныштылар, Сталинград сугышы турында тарихи фильм карадылар.

Иске Мичән авылында фельдшер-акушерлык пунктында ремонт эшлэре дәвам итә