ЯҢАЛЫКЛАР

Гомәрова Мөсәвәрә үз акчасына Иске Мичән авылында чишмә будкасы ремонтлады. Барлык авыл халкы күрсәткән хезмәтләре өчен рәхмәт белдерә.

Мичән топ белем бирү мәктәбендә ремонт эшләре бара.

23 июль көнне Яңа Мичән авылында авыл көне  үткәрелде. Бәйрәмдә  авыл халкы һәм шушы авылда туып үскән, хәзерге вакытта читтә яшәүчеләр катнаштылар. Балалар һәм өлкәннәр өчен халкыбызның спорт һәм милли уеннары, концерт үткәрелде.Бәйрәмгә килүчеләрне тәмле пылау белән сыйладылар.

16 июль көнне Керәнне авылында авыл көне  бәйрәме үткәрелде. Бәйрәмдә  авыл халкы һәм шушы авылда туып үскән, хәзерге вакытта читтә яшәүчеләр катнаштылар. Балалар һәм өлкәннәр өчен халкыбызның спорт һәм милли уеннары, концерт, биюләр үткәрелде.

Керәнне авылында гражданнарның үзара салым акчасы хисабына, җирле әһәмияттәге автомобиль юллары төзекләндерү эшләре бара. Ремонт эшләрен "Рамазан" оешмасы башкара.

Мичән авыл җирлегендә, мәдәният хезмәткәрләре тарафыннан "Гаилә , мәхәббәт һәм тугрылык" көне кысаларында  спорт ярышлары үткәрелде.

22 июнь көнне иртәнге сәгать 4.00 тә Мичән авыл җирлегендә барлык бюджет учреждениеләрендә эшләүчеләр һәм мәктәп укучылары катнашынды "Хәтер шәме" бөтенхалык акциясе үткәрелде.Чарада катнашучылар шул дәһшәтле сугыштан кайтмаган барлык кешеләрне бер минут тынлык белән искә алдылар.Чарада Мичән авыл җирлеге башлыгы Гәрәев А.Ә., Мичән топ белем бирү мәктәбе директоры Закиров Д.Р.һәм Яңа Мичән авылында яшәүче Сафиуллин Р.И. чыгыш ясадылар. Аннан соң, Бөек Ватан сугышы елларында һәлак булган ватандашларыбыз истәлегенә кайгы һәм мәңгелек хәтер символы буларак, шәмнәр кабынды. Сугыштан кайтмаган ватандашларыбыз алдында баш иябез. 

Яңа Мичән авылында модульле фельдшер-акушерлык пункты төзелеше тулы куәтенә бара.

12  июнь көнне  Мичән авыл җирлегенең иң матур җирендә – су буенда, халкыбызның милли бәйрәме – Сабантуй үткәрелде.

Мичән авыл җирлегенең  мәдәният хезмәткәрләре,  Сабаның  Үзэк мәйданында узган " Гармун сере" куңел ачу чарасында катнаштылар.