ЯҢАЛЫКЛАР

Керәнне авыл клубын төзү эшләре дәвам итә. 

13 июнь көнне Мичән авыл җирлегендә традицион Сабантуй - 2021 булып узды. Бәйрәм балаларның туган телләр һәм Халык бердәмлеге елына багышланган хореографик чыгышы белән башланып китте. Котлаулардан соң бәйрәмнең спорт программасы башланды. Спорт ярышлары бик җанлы темпта үтте. Көн буе сәүдә ярминкәсе эшләде, күңелле музыка яңгырады. Бу көнне төрле ярышлар һәм уеннар үткәрелде. Авыл халкы, кунаклар уеннарда актив катнаштылар. Сабантуйның иң мөһим ярышы-милли көрәш. Сабантуйның абсолют батыры булып Мөбарәков Айнур калды. Абсолют батырга традиция буенча тәкә бүләк ителде. Барлык җиңүчеләргә дә кыйммәтле бүләкләр тапшырылды.

23 июнь көнне иртәнге 4.00 сәгатьтә Хәтер митингы булып узды, анда Мичән авыл җирлегедәге бюджет    учреждениеләре эшчелэре һәм Мичән төп мәктәбе укучылары катнашты.

Мичән авыл җирлегендә "Хәтер бакчасы" акциясе булды.

Керәнне авыл клубын төзү эшләре дәвам итә. 

Май бәйрәмнәре вакытында Мичән авыл җирлеге биләмәсендәге  зиратларда өмәләр үткәрелде. Авылларда яшәүчеләр дә,  авылларга кайткан  кунаклар да актив катнашты.

1 май көнне Яңа Мичән мәдәният йорты хезмәткәрләре балалар белән электән килгән традицияләрне яңарту максатыннан "Йомырка жыю" бәйрәмен оештырдылар.

Керәнне авыл клубында төзү эшләре дәвам итә.

18 нче апрель  көнне Керәнне авылында яшәүче Камалиева Җиһанур Зиннәт кызы 90 яшьлек юбилеен билгеләп үтте. Юбилярны РФ Президенты Путин В.В. һәм Саба муниципаль районы башлыгы Миңнеханов Р.Н. исеменнән авыл җирлеге башлыгы Гәрәев А.Ә. һәм Мичән авыл җирлеге депутаты Хадиев И.Г. котлады. Бәйрәмгә шулай ук Керәнне авылы клубы мөдире Гафуров И.Н., юбилярның балалары, оныклары, туганнары җыелган иде.

Санитар-экологик икеайлык кысаларында Мичән авыл җирлегенең барлык оешмаларында территорияләрне чистарту буенча өмә оештырылды.