ЯҢАЛЫКЛАР

14 октябрь көнне, Яңа Мичән авыл китапханәсендә ,7 нче Төбәкара “ Китапханәдә М.Ю. Лермонтовны укыйбыз” акциясе кысаларында , “ Михаил Лермонтов-гордость и слава России”- дигән әдәби сәгать үткәрелде. Бөек рус язучысының китапларыннан күргәзмә куелды, шигырьләре кычкырып укылды.

Өлкәннәр декадасы кысаларында, Мичән авыл җирлегенә кергән авылларда, мәдәният хезмәткәрләре өлкәннәр өчен бәйрәм чаралары оештырдылар. Барлык пенсионерлар да үзләре эшләп чыккан оешмалардан бүләкләр алдылар.

14 сентябрь көнне Мичән авыл җирлегендә Урман көненә карата агач утырту  акциясе булып узды.

21 сентябрь көнне Мишә авыл җирлегендә "Милләтләр кроссы-2019", "Татарстан кроссы-2019" ярышы булып узды. Йөгерештә балалар бакчасына йөрүче балалар, мәктәп укучылары, бюджет учреждениеләре җитәкчеләре һәм эшчеләре катнашты.

Керәнне авылында яшәүчеләр изге  Болгар җирендә сәяхәттә булып кайттылар.

Яңа Мичән авылында яшәүчеләр изге  Болгар җирендә сәяхәттә булып кайттылар.

«Саба» җаваплылыгы чикләнгән җәмгыяте “Мичән” бүлекчәсендә урып- җыю эшләре башланып китте. Бугенгесе көндә 30 гектар җирдән тритикаля, 120 гектар җирдән арыш һәм 195 гектар җирдән арпа җыеп алынды. Урып- җыю эшләрендә 3 комбайнда, механизаторлар  Загидуллин Фаяз, Сайфутдинов Фидәиль һәм Низамов Расимнар тырышып эшлиләр.

  «12» август  көнне Иске Мичән мәдәният йортында  Мичән авыл җирлегенең халык  җыены үткәрелде. Җыенда Саба муниципаль районы башлыгы  Рәис Нургали улы Минниханов, төрле оешмаларның бүлек җитәкчеләре катнашты. Көн тәртибендә Мичән авыл җирлеге башлыгы  А.Ә. Гәрәевнын  авыл җирлегендәге эшләрнең торышы турында отчеты тыңланды. 2019 елның «04» февралендэ халыктан кабул ителгән сораулар каралды. Халык җыены тәмамланганнан соң  Г.Кариев исемендәге театр актерлары катнашында “ Ширбәт ае” комедиясе күрсәтелде.

Мичән авыл җирлеге буенча “ Чиста Яр” акциясе кысаларында Яңа Мичән авыл суы тирәлеген чистарту буенча өмә уздырылды.

Керәнне авылында кибет төзү буенча эшләр башланып китте. Әлеге эшне ООО "СТРОЙТРАНСИНВЕСТ" оешмасы башкарачак. Бүгенге көндә төзелеш өчен җир әзерләү эшләре башкарыла.