ЯҢАЛЫКЛАР

26 апрельдә Кече Шыңар мәдәният йортында Бөек татар шагыйре Габдулла Тукайның туган көне уңаеннан "Тукай безнең йөрәкләрдә"дигән әдәби-музыкаль кичә оештырдылар. Кичә башында Әмирхан Нуриәхмәтовның "Туган авыл" җырын башкарды, Программада шулай ук шигырьләр,  җырлар яңгырады, халык биюләре тәкъдим ителде. Алып баручылар шагыйрьнең авыр балачагы, тормышы һәм иҗаты турында сөйләделәр

Олы Шыңар авыл җирлегендә сугыш ветераннарының тол хатыннарын һәм тыл ветераннарын якынлашып килүче Җиңү көне белән котладылар. Аларга Татарстан Республикасы Рәисе һәм  Саба муниципаль районы башлыгы исеменнән котлау открыткалары һәм бүләкләр тапшырылды.

Тренер Нәбиуллин Илфат Нәҗип улы укучысы Азалия Семенова апрель аенда Раменск шәһәрендә узган яшүсмерләр арасында билбау көрәше буенча Россия беренчелегендә +76 кг авырлык категориясендә 3 урынны яулады. Моңа кадәр ул 70 килограммнан артык авырлык категориясендә  Сумо көрәше буенча Татарстан Республикасы беренчелегендә икенче урынны алган иде инде.

Оет авылында, федераль программа нигезендә, кәрәзле элемтә манарасы урнаштырылды.  Бүгенге көндә тоташтыру эшләре алып барыла.

Олы  Шыңар авылында Кооператив урамында  "Авыл территорияләрен комплекслы үстерү"программасы буенча торак төзелеше бара. Төзелеш эшләрен Саба районы РСУ идарәсе  башкара.

Олы Шыңар, Кече Шыңар  һәм Оет авылы  мәчетләрендә ифтар мәҗлесләре үткәрелде. Мәҗлескә авыл халкы, кайткан кунаклар, балалар  җыйналды. Мәҗлес барышында имам-хатиблар вәгазь сөйләде, догалар һәм аятьләр укылды. Рамазан – изгелекләр ае, Аллаһ бу айда Үз бәндәләрен аеруча күп изгелекләр кылырга, явыз эшләрдән тыелырга чакыра.

2022 елда мэдэният хезмәте күрсәтү олкәсендә,  барлык юнәлешләрдә эшләү  нәтиҗәләре буенча Кече Шыңар мәдәният йорты иң яхшысы дип табылды һәм Гран-при га лаек булды. Күчмә кубок 2 нче елга  калды.

Санитар-экология икеайлыгы  кысаларында  Олы Шыңар авыл җирлегендә  өмәләр  оештырылды. Бюджет учреждениеләре үз территорияләрен  чистарттылар, агачлар агартылды.

Санитар чистарту икеайлыгы кысаларында Олы Шыңар авыл җирлеге бюджет учреждениеләре хезмәткәрләре көче белән юл буйларын чүп-чардан чистарту буенча эш башкарылды.

22 мартта Кече Шыңар мәдәният йортында популяр китаплар авторы Гөлсинә Галимуллина белән иҗади очрашу узды. Очрашуга татар әдәбиятын һәм авторның иҗатын бәяләүчеләр җыелды. Кичәне алып баручылар кунакларны авторның тормышы һәм иҗади эшчәнлеге белән таныштырдылар, авторның әсәрләреннән өзекләр укыдылар һәм аларны сәхнәләштерделәр.  Кунаклар игътибарына Гөлсинә Галимуллинаның китаплары күргәзмәсе тәкъдим ителде.