ЯҢАЛЫКЛАР

31 июль көнне Кече Шыңар мәдәният йорты хезмәткәрләре студентлар һәм яшьләрнең « Яшьләр белән тормыш ямьле» дип исемләнгән традицион концерты оештырдылар. 15 нче юбилей концерты узган авыл мәдәният йорты территориясе   актив һәм шат күңелле кешеләрнең кечкенә иленә әверелде. Бәйрәмгә барысы да кушылды:  яшь малайлар һәм кызлар, яшьләр дә, үзләрен яшь дип санаучылар да.

31 июль көнне Оет авылында Ильназ һәм Альбина Хәнәфиевларның "Җырлыйм туган якта"исемле урам  концерты булып үтте. Программада Ильназ-Альбина  Хәнәфиевлар, Алинә Сафиуллина, Ләйсән Мәхмүтова, Наиль Табанаков, Эвелина Абдуллина, гармунчы егет Айнур Латыйпов, биюче кыз Инзилә Миннихановалар чыгыш ясадылар.

«Татарстан Республикасы Саба муниципаль районы Яңа Мичән авылы янында 500 га мәйданлы сугарыла торган җиргә су сиптерү өчен насос станцияләренә капиталь ремонт " проектын тормышка ашыру  Тулушка торак пункты янында Олы Шыңар һәм Иске Мичән авыл җирлекләрен тоташтыручы күпер төзү белән тәмамланды.

Кече Шыңар авылы чишмә буенда “Эллүки” балалар бакчасы коллективы, балалар, әти-әниләр,мәдәният йорты, авыл халкы белән берлектә, Шыңар авылы халкының гореф-гадәтләрен, бәйрәм-йолаларын искә алу уңаеннан “Челтер чишмә” бәйрәмен оештырды. Бу бәйрәм “Самавыр агарту”, “Җиләк җыю”, “Күкәй җыю”, “Сабантуйга бирнә җыю” йолаларын үз эченә алды.

Олы Шыңар авыл җирлегенә караган торак пунктларда халыктан җыйналган үзара салым хисабына авыл юлларын ремонтлау эшләре бара. Кече Шыңар авылында Комсомол урамының 186 м өлеше, Олы Шыңар авылында Муса Җәлил урамының 181м, Оет авылында В.Хаҗиев урамы 107 м,   өлеше ремонтлана. Юл ремонтлау эшләрен  ООО «Мелиорация –Сервис» оешмасы  башкара.

Кече Шыңар мәдәният йортының "Мирас" фольклор коллективы Азнакай шәһәрендә үткән төрки халыкларның "Чатыр тауда җыен - 2021" халыкара фестивалендә уңышлы чыгыш ясады, диплом һәм истәлекле сувенирлар белән бүләкләнде

Республика программасы нигезендә Олы Шыңар авылындагы Кооператив урамында каты өслекле юл салу буенча эш алып барыла. Эшне Балтач "МГСУ -1" ҖЧҖ оешмасы алып бара.

Кече Шыңар мәдәният йортында җәйге каникуллар вакытында балалар белән эш алдан төзелгән план буенча алып барыла. 24 июнь көнне мәдәният йортында наркомания темасына танып белү программасы үтте. Чара барышында балалар төрле хәлләрдән чыгу юлларын таптылар, сәламәт яшәү рәвешенә багышланган буклетлар белән таныштылар. Әйләнә-тирә мохит көненә  “Җир исемле  планетаңны сакла!» дигән чарада балалар белән “табигатьтә үз-үзеңне тоту кагыйдәләре» темаларына әңгәмәләр үткәрелде, экологик әкиятләр укыдылар, дидактик уеннар уйнадылар. Санкт – Петербург тарихы белән слайд-танышу вакытында   балалар игътибарына Россиянең иң матур шәһәрләренең берсе, һәм, әлбәттә инде, шәһәргә нигез салучы Петр I турында хикәя тәкъдим ителде. Россия көненә багышлап «Россия - минем Туган илем» дигән танып-белү программасы үткәрелде. Чара барышында бәйрәм тарихы турында сөйләделәр, балалар «Ватан» дигән сүзне ничек аңлавы турында фикер алыштылар. Балалар өчен «музыкаль хәрәкәт»дигән концерт программасы оештырдылар.Концерт номерлары уеннар, табышмаклар белән алмашынды, барысы да музыкаль хәрәкәттә актив катнаштылар.

26 июнь көнне Кече Шыңар мәдәният йорты хезмәткәрләре тарафыннан " Хәерле юл сезгә, егетләр!» Армиягә китүче егетләрне туган ил алдындагы хәрби бурычларын үтәү белән котладылар. Алар үзешчән сәнгатьтә актив катнаштылар, концерт-спектакльләрдә еш чыгыш ясадылар. Рәхмәт сүзләре һәм иң изге теләкләр белән яраткан шигырьләреннән юллар укыдылар, матур җырлар җырладылар, истәлекле бүләкләр тапшырдылар.

22 июнь көнне  “Хәтер шәме”гомуммилли акциясенә кушылып  Олы Шыңар авылында Обелиск янында һәм Оет авылында Советлар Союзы Герое Вәли Хаҗиев бюсты янында чара үткәрелде. Бөек Ватан сугышында һәлак булганнарны бер минут тынлык белән искә алдык, чәчәкләр куйдык.